اغلاق قسم احوال الشارع المصري نهائيا

**ahmedsrs** · 22-11-2014 08:15 AM

قرار صائب تاخيره اضر كثيرا بالمنتدى

**مداح القمر** · 22-11-2014 09:53 AM

ايه باب احوال الشارع المصري ده ؟؟
كان بيحصل فيه ايه ؟
وايه اللي دخل السياسة في منتدى بتاع عربيات اصلا ؟؟

**Ahmed abdkarim** · 22-11-2014 10:41 AM

عذرا ولكنه قرار خاطئ فى رأى ككل قرارات المنع فى اى مكان و فى اى زمان .

المنع لا يعلم الادب ولا يفرض الاخلاق . اللى عنده خلق سئ لن يؤدبه المنع .

المنتدى هنا مش منتدى للسيارات بس

لو هو منتدى للسيارات بس يبقى نحذف القسم الاجتماعى اللى مليان حاجات ملهاش اى علاقة بالسيارات زى مثلا المشاكل الشخصية و التكنولوجيا و المغتربين والكوره والعيادة .

المنتدى هنا اعتقد انه بالنسبة للاعضاء اكبر من منتدى خاص بالسيارات هو حاجه كده زى الفيس بوك اللى اتعمل علشان يجمع ناس تربطهم جامعة واحده . والمتدى يربط اشخاص يجمعها حبها او امتلاكها للسيارات .

وبعدين كمان حذف محتوى القسم اللى ناس كتير عملت فيه مجهود وعرضت رأيها . أرى ان يظل المحتوى .

محدش بيقدر يمسح الماضى اللى حصل بحلوه او مره ده واقع حصل وخلاص ومحاوله مسحه لن تمحى ما حدث او أثاره .

**sakr_skoda** · 22-11-2014 11:07 AM

ياااااااااااا لسه فاكرين !!!!!!!!!! على العموم ممتاز جدا ابعد ياعم عن السياسة دى السياسه نجاسه***

**M!SHO** · 22-11-2014 11:23 AM

طب بالمره نرجع الناس اللي اتوقفت نهائي بسببه ، ده لو ينفع ؟

**Mecha** · 22-11-2014 11:43 AM

قرار ممتاز ,وياريت يحصله المواضيع الجدليه الاخري الدينيه ,من فتره قريبه نزاع بين ملحدين وموحدين ادي لاهانة العقائد وتم التبليغ عنها

**bassemali** · 22-11-2014 07:33 PM

اتأخر قوي القرار ده .. الحمد لله انه اتنفذ

**Abdm** · 22-11-2014 10:08 PM

على الآقل يجب بقاء كل الموضوعات القديمه بأرشيف المنتدى فهى مجهود وتعب وذكريات حلوة وسيئه و وقت كبير أستنفذ في هذا القسم وتاريخ فنرجوا عدم الاعتداء على المجهود الفكرى و الزمنى على الآقل .