ايفو 10 ولا انسجنيا او بيجو 508 كسر زيرو

باختصار انا معايا شارك 2012 ماشيه 15 الف كيلو وعاوز اغيرها , انا عايش في السعوديه من زمان واتعودت على المواتير الكبيره وحاليا معايا تويوتا اوريون 2013 حوالي 280 حصان ومش قادر اتعامل مع المواتير الصغيره
هقدر ازود على الشارك حوالي 100 الف جنيه هل ابيعها واشتري بيجوا 508 او اوبل انسجنيا عربيات شيك وتيربو مع ان البنزين ال92 هيبهدلهم ولا ادفع ال100 الف في الحرفين واقلب الشارك لأيفو
انا صيدلي متجوز وعندي ولد وبحب العربيات اكتر من اي حاجه وده اللي مخليني صابر على السعوديه
محتاج نصيحه من الخبراء وخصوصا لو قلبت الشارك لأيفو هتبقى عمليه اقدر اروح الشغل بيها ولا هتتعبني وكمان ال100 الف هيكفوا ولا لأ
وشكرا مقدما

اللي انا اعرفه إن البومة/المكواة علشان تتحول إيفو الحتة الخلفية اللي فيها الاستبن بتتقص و يتلحم مكانها بتاعت الإيفو علشان الكورونا (4wd) و العفشة الامامية و الخلفي و الموتور و الفرامل معرفش الشارك نفس الكلام ولا لأ.....في الحرفيين عرفوا يعدلوا الإيفو دلوقتي مبقتش صعبة و عموما هي بتنافس الm3 و دول هيكونوا احسن من الإنسيجنيا او ال508 علي حد علمي

خليك في 508 و إن شاء الله مش هتندم :)
أنا بشجع فكرة الإيفو برضه لأني بحب العربيات السبور بس بلاش تلعب في العربية أحسن و بالذات التعديلات الكبيرة لأن مفيش أحسن من الفابريقة ... لو عايز تزود علي تمن الشارك 100000 كده هيبقي معاك مثلا 230000 و دول ممكن يجيبولك 523i 2007 أو 2008 و هي أحسن من كل الاختيارات اللي فوق و الله الموفق و المستعان :)

الايفو ف مصر مالهاش لازمة ف مصر لاى حد عايزها للاستخدام اليومى
يعنى مكانها - ف مصر - ف السباقات و الايفينتس و حاجات زى كدا

ايه اللى يخليك تتكلف جامد ف مصاريف التعديل و الوقفة الزفت مع الصنايعيه
و قطع غيار ممكن تزهقك و ممكن اصلا التعديل مايبقاش سليم و تزهقك ف عيشتك
و ف الاخر احنا ماعندناش اتوبان تجرى عليه ف الويك اند و تستمع بالعربية

راى المتواضع سيبك من الايفو مش هتعرف تستمع بيها فى مصرنا العزيزه
هات بى ام حسنلك

Opel insignia is perfect you will not feel its 1.6 at all

فرأي الشخصي ال 508