عرض للطباعة
هتعمل ايه لو ابنك قالك أنا عايز عربية !!!
المشكلة إني خايف عليه فببعت معاه السواق و هو مصمم ياخدها لوحده و المشكلة الأكبر إنه مجنون سواقة و عربيات زيي بالظبط !!!
أنا كنت بحاول أتهرب منه بس دلوقتي ماعنديش حجة ... هو عايز ياخد القاشقاي بحجة إنها مركونة علي طول و أنا مش بركبها كتير ... حد يقولي أعمل ايه
تم تغيير العنوان ليعبر عن المحتوى
مشرف ب5
ياباشا مش هتفضل حابسه فى قمقم
اهم حاجة يكون بيعرف يسوق كويس ومعاه رخصة وربنا يستر طريقنا جميعا
هو بيسوق كويس جدا بس أنا خايف عليه من طيش الشباب و المشكلة إنه رابط حبي ليه بالعربية ... أول مرة أندم إني معايا عربيتين و بفكر جديا أبيع القاشقاي
like father like son
:)
يعنى لو بعت العربية تفتكر ان مش من الممكن يركب عربية صاحبة ويحصل اللى انتا خايف منه بجد مافيش قدامك الا انك تسلم المر كله لله لاكن عندى فكرة ممكن تودى القشقاى لى ميكانيكى يحجم من سرعتها باى طريقة يعنى خليه يكرهها حتى لو ركبها متملاش غرورة فى السرعه والغرز بس ازى بجد مش عارف ربنا معاك وربنا يحفظه **
عنده كام سنه
لو ابن حضرتك فى كلية زى حالاتى وزى ما بتقول بيسوق كويس جدا فميش مشكلة انه يمتلك عربية
بس لو عايز رأى الشخصى حاول تجيبله عربية مستعملة تانية غير القاشقاى لان القاشقاى لو حصل فيها حاجة لا قدر الله هتزعل عليها
باشا في عده اجراءات لازم تعملها بس الاول لازم تعرف ان الكبت مع العشق يولد الانفجار وحيزود الجنان والولع جداااااا
اعمل الحاجات دي وحتكون افضل:-
1.في فيديوهات حوادث مرعبه واخراجها محترف خليه يتفرج عليها قبل ما ياخد العربيه
2.اوعي تديله القشقاي دلوقتي هاتله اي حاجه استعمال كويسه ويكون الامان فيها عالي شويه الماني مستعمل اوبل فيكترا 2002 مثلا او سيات
3.قوله لو عمل حادثه وهوا اللي غلطان مش حيشوف عربيات تاني
خد بالك العربية شيطان مش جري وبس السن ده بيصاحب بيها وبيعمل فيها حاجات كتير ربنا يجعل كل اصحابه خير عليه
خوفك على ابنك طبيعى جدا و فى محله .... حضرتك افتكر ان اهالينا كانت بتعمل معانا كده و اكتر :)اقتباس:
المشاركة الأصلية كتبت بواسطة eng.mark
انا ابنى لسه عنده ١٢ سنه ... و رائ انك تبتدى تركب مبدئيا معاه ... و تفضل متابعه عن قرب و ياخد العربيه و يرجعها بميعام حتى تطمئن كليا عليه .... لانه فى كلا الحالات حتكون له حياته الخاصه و اكيد حيركب عربيات ...
تحياتى ...
الحل ده مقنع جدا بس للأسف أنا كمان باركبها و أحيانا بسافر بيها و باضطر أجرياقتباس:
المشاركة الأصلية كتبت بواسطة sakr_skoda
19اقتباس:
المشاركة الأصلية كتبت بواسطة hugan
صدقني مش هزعل علي العربية علي قد ماهزعل عليهاقتباس:
المشاركة الأصلية كتبت بواسطة yahiaashraf
أنا لو شوفت الفيديوهات ديه هتعقدني أنا شخصيا ... المشكلة إن والدي و أخويا بيحطوني في موقف مش كويس لأنه لما بيطلب منهم عربياتهم بيدوهاله بكل بساطةاقتباس:
المشاركة الأصلية كتبت بواسطة م.أحمد الدسوقي
وقتي ضيق جدا و مش فاضي أراقبه للأسفاقتباس:
المشاركة الأصلية كتبت بواسطة batman372
خلاص يا باشا هاتله مستعمل نضيف واوعده بالاحسن في المستقبل لو حافظ عليهااقتباس:
المشاركة الأصلية كتبت بواسطة eng.mark
ألف شكر لسعادتك يا باشا ... إحنا خلاص اتفقنا إنه هياخد عربية مامته :) و هو رضي بيها الحمد للهاقتباس:
المشاركة الأصلية كتبت بواسطة م.أحمد الدسوقي
ربنا يحفظه من شياطين الأنس والجن**
اللهم آمين ... ألف شكر لدعوتك :)اقتباس:
المشاركة الأصلية كتبت بواسطة sakr_skoda
مجاوبتش على اهم سؤال
معاه رخصة قياده ؟
في فكرة في دماغي
الفكرة بنشوفها كتير علي عربيات الشركات واتوبيسات المدارس
هتجيب حضرتك ورقة مكتوب عليها "في حالة وجود شكوى من سائق السيارة برجاء الاتصال علي رقم **********"
وتلزمه ان الورقة،تفضل موجودة ولو حاول يشيلها امنع عنه العربية وفهمه ان في حالة حد اشتكي يبقي مش هيشوف عربيات تاني
ممكن علشان تطمن يجيب للعربية GPS Tracker و تقدر تعرف هو بيمشى سريع ولا لأ و علشان تبقى مطمن عليه هو فين.
معاه و لسة مطلعها قريب و للأسف ديه كانت حجتي و دلوقتي ملهاش لزمةاقتباس:
المشاركة الأصلية كتبت بواسطة elawany13
للأسف رقمي privateاقتباس:
المشاركة الأصلية كتبت بواسطة eng f3lix
19 صغير اوى اوى شوية كدا
ماليش حجة هو معاه رخصة :(اقتباس:
المشاركة الأصلية كتبت بواسطة lad
يا باشا ربنا يخليهولك سيبه يعيش حياته
هو ده اللي هيحصل إن شاء الله :)اقتباس:
المشاركة الأصلية كتبت بواسطة مداح القمر
ابنك عنده 19 سنة يعنى عدا السن القانونى و معاه رخصة يبقى انا مش شايف اى سبب انك تمنعه من السواقة ، الحرص مطلوب بس سن 19 سنة قادر انه يتحكم فى العربية كويس و الدليل ان كل دول العالم بتدى رخص فى السن ده ..
متقلقش و ان شاء الله خير و هى فترة السرعة و الجنان ديه كل الناس بتعدى بيها تقريبا و بعدين الموضوع بيهدى لوحده
لا بصراحة اسمحلى انا شايف الفكرة ديه مش ظريفة لأن الولد كده اصدقائه ممكن يضايقوه بسبب الكلام ده و اكيد حضرتك عارف الشباب فى السن ده دماغه عامل ازاى .. هو لو بيسوق وحش العربية هيبان عليها على طول من تجاريح و كده هيبان الاهمال و فيه فكرة برضه بسيطة انت ممكن بعد ما يركب العربية كام مرة و تيجى تركب وراه تشوف معدل استهلاك البنزين اخباره ايه و ده ممكن يديك فكرة مبدئية هو طريقة سواقته عاملة ازاىاقتباس:
المشاركة الأصلية كتبت بواسطة eng f3lix
صعب تمنعه ولكن الافضل تحجم رغبته فالجري الزيادة
ده الاهم علشانه قبل العربية
ابن حضرتك ما زال صغير و غالبا هيبقي اسلوب قيادته متهور
حرام لما يبتدي يركب عربيات يبتدي بقشقاي لانه غالبا هيجرحها
و ده اقل واجب لواحد في سنه بيسوق في البلد الظريفه دي
اشتريله حته يوزد رخيصه و يخبط فيها براحته
لحد ما يكبر شويه في السن و يكون اسلوب قيادته عاقله
و ربنا يستر طريقنا جميعا
مانا خلاص اديته البيجو 208 بتاعت المدام و اتفقت معاه أي خبطة أو حاجة تبوظ فيها هتتصلح من مصروفه
الحل بتاع gps ده حل عبقرى
تبقى عارف بيروح فين
بيمشى على سرعة كام
و ممكن تفصل العربية بالرسالة يعنى يجى يدورها ماتدورش
و تقدر تعرف مشى كام كيلو
كل ده وانت فى مكانك
و ياريت تركبه منغير ما تقوله حتى لحد ماتتطمن كام شهر كده
و قوله ماتندمنيش انى اديتك عربية
أجيبه منين الجهاز ده ؟!اقتباس:
المشاركة الأصلية كتبت بواسطة nagy wassef
الاجهزة مغرقة الدنيا
داحنا مركبين فى الشركة اللى انا شغال فيها ثلاثين جهاز
لو عايز ابعتلك رقم المهندس بتاع الشركة اللى بنجيب منه
علشان معاه ضمان سنة و موقع تدخل يوزر نيم و باسورد يجيبلك خط سير العربية قدامك على الخريظة
شكلك شغال فى السلزاقتباس:
المشاركة الأصلية كتبت بواسطة nagy wassef
ياريت....... انا شغال خدمة العملاء فى شركة real estate
يعنى باخد البذر بس :)
بس اصله اختراع عبقرى