1 مرفق
ضبط زوايا عند جولدن تايرز
رحت يوم الثلاثاء لعبدة عشان شوية تضبيط و كدة و قولتلة ودينى عند الراجل بتاع الزوايا اللى الناس بتشكر فيه نشوف ايه نظامة
المهم اخدنى و رحنا للراجل و هو مش بعيد عن ورشة عبدة... دخلت العربية و اتعرفت على الناس هناك و هما اتنين... حسن و ياسر
انا بصيت على الhardware بتاعة لقيتة حديث و جديد و شرحت لحسن ان المشكلة عندى فى صوت صريخ من الكاوتش مع الفرامل و الملفات الضيقة لكن العربية مش بتحدف و الطارة مضبوطة
حسن ركب الاجهزة على العجل و شغل الكمبيوتر و ياسر نزل تحت العربية و بداء يشتغل... سالتة المشكلة ايه قاللى العجل مقفول و دة سبب الصريخ و ضبط الزوايا و ادانى تقرير و بعدها طلبت منه يرصص عجلة كنت فكيتها عشان اتخرمت
المهم حسن فك العجلة و راح يضبطها و اتكلمت شوية مع ياسر و لقيتة انسان محترم و مهذب و زوق جدا و بعد ما حسن خلص اتكلمت معاه برضة و لقيتة زى ياسر تمام
الحقيقة الاتنين ناس كويسة و شغلهم ممتاز... انا مرضيتش اكتب من يوم الثلاثاء الا لما اجرب العربية يومين و اشوف اخبار الشغل ايه بس الحمد لله الدنيا زى الفل لحد دلوقتى
انا قلت اكتبلكم عن تجربتى الشخصية معاهم عشان لو حد عايز يضبط زوايا عند حد كويس و فاهم شغلة... الورشة اسمها جولدن تايرز و هى فى شارع حسين الضو متفرع من شارع العشرين و مكانها متحدد فى الملف المرفق و دى نمر تليفوناتهم:
ياسر: 0108997820
حسن: 0102518225
MMamdouh