ياجماعة ان عندى شقة وعايز اشطبها وا اجرها
فعايز اعمل تشطب تجارى ما يكلفنيش كتير
ياترى التشطيب يكلفنى كام
شكرا
عرض للطباعة
ياجماعة ان عندى شقة وعايز اشطبها وا اجرها
فعايز اعمل تشطب تجارى ما يكلفنيش كتير
ياترى التشطيب يكلفنى كام
شكرا
أعتقد لازم تقول مساحة الشقة كام متر و عدد الغرف عشان حد يجاوبك
التشطيب التجاري بيكون في حدود250-350 جنيه للمتر يعني مثلا شقة 100 متر تشطيبها في حدود 25-35 الف جنيه
30 الف .. ده شعبي مش تجاري ..
هههههههه
الشقة 150 متر
وانا مش هاجيب مهندس ديكور وكده انا هاجيب صنايعية وهانزل اجيب المواد الخام بنفسى
150 متر يعني ممكن تتكلف حوالى 60 الف .... اعتقد اقل من 50 الف على المساحة دى هيكون تشطيب سئ
الشقه على المحاره ولا طوب احمر ولا متشطبه قبل كده؟
كويس التشطيب متستخسرش فى تاسيس السباكه و الكهربا يعنى هات اسلاك معتمده و مواسير الخضرا اللى بضمان عشان ميحصلش مشاكل بعد كده ... علب الكهربا و الوشوش هات اى حاجه بسيطه و برضه الحمامات هات اى صينى سعره كويس مش هتفرق ... السيراميك عليك و على الفجاله او جسر السويس هات اقل حاجه و تضربلك وش معجون و لون ابيض و تسيبها للى هياجرها يديها اللون اللى عايزه
متخيل هتعمل معاك مش اقل من ٣٥ و مش هتزيد عن ٤٥-٥٠ و برضه هيفرق معاك مكان الشقه لان مصنعية اى حاجه فى الزمالك غير بولاق