إصلاح وتعديل كيا برايد 2000 أوتوماتيك
السلام عليكم يا شباب
عاملين ايه
عامل لكم تقرير بسيط عن تصليحات بسيطة وتعديلات عملتها في العربية
عربيتي كيا برايد 2000 أوتوماتيك 1300 سي سي
التصليحات : بلي العجل الأمامي + تيل الفرامل + مسح طنابير الفرامل
التعديلات : المساعدين الخلفي + فلانشات للإطارات الخلفية
التصليحات
بلي العجل كويو ياباني عدد 2 بليه لكل عجله تكلفة كل عجله 140 جنيه
http://imageshack.com/a/img538/4253/1BpDyw.jpg
بارات الدريكسيون ساميونج كوري طقم قطعتين بسعر 95 جنيه
http://imageshack.com/a/img674/4919/ckVR8G.jpg
تيل فرامل "دي ناو" كوري سعر الطقم 65 جنيه
http://imageshack.com/a/img540/9182/t6YHtH.jpg
التعديلات
تركيب 2 فلانـشة للإطارات الخلفية زادت عرض قاعدة السيارة من الخلف حوالي 6 سم (أكيد هتزود الثبات)
الفلانشات عملت لها حلق داخلي وخارجي عشان الحمل يخف عن المسامير
الفلانشات كلفتني 160 جنيه للقطعتين
تركيب 2 مساعدين خلفي ألماني SACHS
طبعاً المساعد ده مكانش ينفع يركب بدون تعديل
وفكرة التعديل من أولها لآخرها هي فكرة الأسطى عبده العفشجي :vctry:
الراجل ده بيحب يشغل دماغه
صورة المساعد الأصلي (الصورة من الانترنت)
http://imageshack.com/a/img673/8397/IwmId8.jpg
صورة المساعد الألماني قبل التعديل (الصورة من الانترنت)
http://imageshack.com/a/img743/5703/md9ixq.jpg
المساعدين تم تعديلها بإضافة الأطباق الحاملة للسوستة خلعتها من الأصلية ولحمتها في الألماني وكمان قصينا الشفة الزايدة اللي في رجل المساعد (باينة في الصورة)
المساعدين مستعملة من سيارة فولكس باسات موديل 2000 تقريبا.. ومعاها صدادات طويلة
صورة الصدادات (القطعة الصفراء الطويلة في الصورة)
http://imageshack.com/a/img537/8494/2PDnQo.jpg
نسيت أصور المساعد بعد تركيب الاطباق (تقدر تتخيله)
بصراحة العربية بعد تركيب المساعدين حاجه تانيه خالص
إحساس الركوب مختلف (تحس انك قاعد على اسفنج ناشف)
المطبات والملفات فرقت كتير
العربية ثابتة جداً مع مرور النقل الكبير والسيارات الكبيرة جنبي على الطريق
إن شاء الله الخطوة القادمة تركيب مساعدين ألماني أمامي
دعواتكم :tumb:
