اول عربيه ليا و محتار حيره السنين ... !!!
بسم الله الرحمن الرحيم
ازيكم يا جماعه ... لعلكم جميعا بخير و احسن حال
انا من فتره قررت انى اشترى عربيه و انا مش ليا اى خبره فى العربيات و لا بعرف اسوق اصلا يعنى حجيب عربيه اتعلم عليها و تستحملنى شويا ... و طبعا حتكون مستعمله و بعد بحث كتير على النت عجبتنى كام نوع و محتار بينهم لكذا سبب اولا توافر قطع الغيار و ثانيا و بما انى عايش فى مدينه سوهاج يعنى ممكن مش الاقى مكانيكى يعرف يشتغل فيها لو حصل اى حاجه
فا حابب منكم تنصحونى اعمل ايه و ايه النوع الى يستحمل معايا و يكون كويس و مريح فى السواقه و برضو تكون شيك و حلوه و فيها امكانيات و يكون الموديل بتاعها مش اقل من سنه 2000 ... و رينج السعر يكون لغايه مثلا 60000 جنيه ... !!!
و انا حاليا محتار بين كام نوع و حابب تساعدونى و لو فى اى حاجه تانيه احسن برضو قولى عليها :
1- سكودا فابيا موديل 2002 او 2003 او 2004
2- دايهاتسو سيريون 2009
3- افيو 2006 او 2007
4-افيو 2009 هاتشباك
5- بريليانس frv
6-فولكس فوجن بوينتر 2006
فياريت تساعدونى لانى فعلا محتار جدا
و شكرا ليكم جميعا مقدما
