أنا حاسة أني سواق ميكروباص ...

**friendship7897** · 23-11-2014 12:15 PM

المشاركة الأصلية كتبت بواسطة amr_8800

قواعد ايه بس يا فندم
في شوارع مصر المحروسه مفيش غير قاعده وحده بس (الي خايف يوسع)
بمعنى سواق الميكروباص بيبصلك وعنيه بتقلك خايف على عربيتك يا امور يبقا تسيبني اكسر عليك براحتي واقف في نص الشارع براحتي واطلع برضو فجأه براحتي ولو حاولت تعترض هيخبطك عادي جدا
ولو كان محترم اوي يعني هيقولك ايييييييه انتو اشتريتو الشارع
يا سيدي الفاضل دا انا كنت في الحرفيين امبارح المهم دخلت من جوه السلام عايز اقول لحضرتك كل الميكروباص هناك لا يحمل لوحات معدنيه اساسا
تقوم تقولي قواعد

احنا عياشين في سبهلله

والله أوجزت فأنجزت

**Mecha** · 23-11-2014 12:28 PM

المشاركة الأصلية كتبت بواسطة friendship7897

تحت أي مسمى
ياريت الناس تتقي ربنا في عملهم
نفسي يفوقوا لنفسهم
علشان ربنا يستر عليهم وعلينا

حضرتك نبطل الاعتماد علي المقاييس المعنويه زي التقوي والضمير
ونرجع للقواعد الامور هتتظبط ,بصي لسنغافوره وكوريا ودول الخليج شوفي المرور ازاي
مش عاوز اقولك عن صعوبة تطليع رخصة اساسا في بريطانيا ونيوزيلندا واوروبا عشان يتاكدوا هتسوق صح بنظام النقط
مش سواق مكروباص ولا نقل تتسحب رخصته في مصر يروح يطلع تصريح ويكمل كوارث وبالمره الاخ الاكتع ظبطوه سايق نقل

**Mecha** · 23-11-2014 12:33 PM

المشاركة الأصلية كتبت بواسطة amr_8800

قواعد ايه بس يا فندم
في شوارع مصر المحروسه مفيش غير قاعده وحده بس (الي خايف يوسع)
بمعنى سواق الميكروباص بيبصلك وعنيه بتقلك خايف على عربيتك يا امور يبقا تسيبني اكسر عليك براحتي واقف في نص الشارع براحتي واطلع برضو فجأه براحتي ولو حاولت تعترض هيخبطك عادي جدا
ولو كان محترم اوي يعني هيقولك ايييييييه انتو اشتريتو الشارع
يا سيدي الفاضل دا انا كنت في الحرفيين امبارح المهم دخلت من جوه السلام عايز اقول لحضرتك كل الميكروباص هناك لا يحمل لوحات معدنيه اساسا
تقوم تقولي قواعد

احنا عياشين في سبهلله

والله طالما بالخوف سيادتك ,كل واحد يجهز سلاحه اللي يخبط عربيتي زي مابتقول هالبو باللي معايا واجهز مطرقة ربع ادهمل بيها عربيته,خليها شريعة الغاب

**friendship7897** · 23-11-2014 12:40 PM

المشاركة الأصلية كتبت بواسطة Mecha

حضرتك نبطل الاعتماد علي المقاييس المعنويه زي التقوي والضمير

واضح إنك ما سوقتش كتير في مصر
السواقة في مصر يا Mecha
لا يوجد إعتماد إلا على الدعوات
ربنا يسترها معاك في طريقك ( دي دعوة الأم )
والدعوة دي ملخص قواعد (وإن صح ) وأداب المرور
لأن بالدعوة دي ممكن تعدي من سواق لا يفقه شئ عن آداب المرور
وبالدعوة دي ممكن تعدى من عسكري مرور متظبط من سواق الميكروباص اللذي لا يفق شئ عن قواعد المرور .
وبالدعوة دي ممكن ما تأخدش غرامة مرور علشان حاطط زجاج فاميه مش مرخص .
وبالدعوة دي ممكن تعدي على مطب صناعي مش صناعي ولا طبيعي .
وبالدعوة دي ... ربنا يسترها معانا .
ممكن يكون إقامتك في بلد متطورة تخليك تقول علي الكومنت دا ( إيه العبط دا )
بس للأسف هي دي الحقيقة المرة .
نورت الموضوع
والموضوع أكيد نورك يا أ/ Mecha.

**A.Saad** · 23-11-2014 12:46 PM

كنت مرة تايه
ونزلت جوة صفط اللبن
فسألت واحد على الطريق
بيوصف وقاللى الحتة دى تشميها عكسى
قالت له لازم عكسى
قاللى يا بيه عادى
انت فى صفط

ده وجهة النظر للبعض

**Mecha** · 23-11-2014 01:07 PM

حضرتك سوقت في مصر غرزت وامريكاني وكنت فاكر الدنيا كده زوق وجدعنه وكل الافلام دي ,وهوبا رحت نيوزلندا ورخصة مصرضاعت ,ايه العمل يا واد
قالك طلع رخصة تعليم ,كتاب تذاكره م الجلده للجلده و 35 سوال ومسموح ب 3 اخطاء بس
رحت امتحن لقيت جنبي عيل عنده 16 سنة بيعمل نفس الامتحان
وكل دا رخصةتعليم تقعد عليها سنه ولو سقت مع واحدمعاه رخصه كامله ومتسقش بالليل من 10 - 5 الصبح وبعدين امتحان سواقه عشان تاخد رخصه مقيده وفيها العربيه مانوال ولا تماتيك
في الامتحان كنت سايق 40 كم/سsفي منطقه 50 كم/س لقيت الممتحن بيقولي بزعل انت بتسابق??
وامتحني في الركنه بين عربيتين وارجع مرشدير من الشارع لمدخل بيت
دا غير الاشرات والمسافه الامنه والدورانات والتقاطعات و give way rule,و ........... الخ الخ ,بعدين امتحني في منطقه 80 كم/س ومركب طبعا مرايات جوه العربيه عشان يشوف حركاتي والموشرات ويشوف u turn
طلع روحي عشان يديني رخصه مقيده حسب العربيه اللي امتحنت فيها وبردك متسوقش في لاوقات اياها وحدك
تعدكمان 6 شهور وتروح تمتحن رخصة كاملة
شوفت المر عشان الرخصه اللي الناس في بتخربها
وفوقت من التوهان والعبط اللي كنت باسوقو اغرز واقلب
وعشان كدا الحوادث قليله وكلو سايق محترف لكن مصر السمكريه محظوظين

**dede_dodo88** · 23-11-2014 02:31 PM

المشاركة الأصلية كتبت بواسطة friendship7897

فعلاً - دا أصبح العادي
طب هقول لكم على حاجة :
أنا لما بلاقي أشارة مرور ( وغالباً في منطقة راقية )
وأقف لما آلاقي الإشارة حمرا وأقف رغم إن الشارع فاضي ( وأتردد كتير - أكسر الإشارة ولا أكون متطورة )
آلاقي العربيات اللي ورايا بتبص لي ولسان حالها بتقول هي واقفة لية ؟! دا الشارع فاضي !!! دي واضح أنها بتتعلم السواقة !!!
بقرر بعدها إني أعدي زيهم :o_stupid[1]: .

أنا في موضوع الأشارة ده بصمم أني أقف حتى لو الشارع فاضي, و بلتزم بالوقوف قبل خط مرور المشاه..
في ناس كتير لما بيلاقوني وقفت بيقفوا هما كمان و مش بيهمني لو اللي وقف ورايا متضايق أنه وقف في أشارة محدش بيقف فيها و بفضل واقف لحد ما الأشارة تفتح..

المشكلة أن في ناس كتير زي حضرتك بيبقوا عايزين يلتزموا بس بيتصدموا بالسلوك العام فبيقرروا هما كمان يتبعوا نفس السلوك السائد, لكن لما بيلاقوا أن في حد غيرهم بيلتزم و بيقف مستني في أشارة فممكن ده بيشجعهم على الألتزام هما كمان..
وجهة نظري في الموضوع أن أصراري على الألتزام ممكن يشجع كتير غيري على السير ضد التيار الفوضوي..

لكن في المقابل بقى لما الأشارة بتفتح و ألاقي بني أدم بيعدي الشارع قدامي أنا بتعفرت عليه عفرة السنين و مش بخليه يعدي..

**SHNORY** · 23-11-2014 02:43 PM

عربيتك لازم تبقي شبه البلطجي علشان يتعملك حساب علي الطريق
خبطه هنا
شويه خرابيش هنا
لازم يكون عليها اللي يبين وضعها في المعارك علي الاسفلت علشان الناس تخاف منها وتجيب ورا
كل وشم موشوم علي العربيه بيبن كفائتها في القتال والتلاحم
ويا سلام لو عليها كام لطشه بويه غير لونها من العربيات اللي حكت وخبطت فيهم
انما عربيه بتلمع والكلام الفاضي ده مينفعش
ومبسوط اني دخلت موضوعك (: