استفسارات حول رخصة القيادة من الدرجة الثالثة
[size="5"][/size] السلام عليكم ورحمة الله وبركاته على اهل المنتدى جميعا
انا سعيد جدا لانى اصبحت عضو فى هذا المنتدى المفيد
وده اول موضوع ليا ،،، بصراحه عندى كام سؤال اتمنى ان يتسع صدركم لى واجد الفائده منكم ان شاء الله
انا عندى عربيه ملاكى ومعايا رخصه خاصه وعايز اشترى ميكروباص واشتغل عليه بنفسى بجانب شغلى الاصلى ،،، وعندى كام سؤال :
1- قالولى لازم اطلع رخصه تالته علشان اعرف اسوق الميكروباص لكن لازم برضه اسلم الرخصه الخاصه ،،، فيه ناس قالولى ما تقولش ان عندك رخصه خاصه لكنناس قالولى انها مسؤليه وانا عايز امشى سليم ،،، والسؤال هو هل اسلم الخاصه وفى الحاله دى هل ينفع اسوق عربيتى الملاكى برخصه تالته ؟
وايهما افضل الرخصه التالته ولا الخاصه لانى دفعت فى الخاصه فلوس كتير يعنى عادى لو ضحيت بيها ؟ والتالته هاتكون افضل منها ولا لا ؟
2- انا باشتغل فى شركه خاصه ومتامن عليا ،،، هل ده يتعارض مع التامينات اللى بادفعها للرخصه التالته ولا دى حاجه ودى حاجه ،، ولا لازم الغى التامين بتاع الشركه ؟
3- هل لازم اغير المهنه فى البطاقه ولا عادى يفضل مكتوب فيها انى حاصل على بكالوريوس علوم ؟
4- ايه موضوع التامينات بتاع الرخصه التالته ؟ والمبلغ كام ؟ وايه موضوع المعاش بتعها ده ؟
افيدونى ربنا يباركلكم انا محتار جدا
وهل استخراج الرخصه التالته سهل ولا صعب ومحتاج امتحان وكده ،،، انا باعرف اسوق كويس لكن انتوا عارفين الاجرائات والروتين وخصوصا فى الرخصه المهنيه
ولكم جزيل الشكر