استشاره هامه جدا في موضوع الموبينه

السلام عليكم ورحمة الله وبركاته

انا عملت عمره كامله لماتور عربيتي ...وفي وسط العمره الميكانيكي قالي ان الموبينه محتاجه تتغير

قولتله ليه قالي ان الماتور لما كان بيفوت زيت الموبينه باظت ...مع اني مغيرها من عنده من 6 شهور

المهم انه صمم انه يغيرها وانا صممت انه ميغيرهاش

وهو مصمم انها بايظه ...وانا مصمم انها متصلحه لانها مكانتش بتلت ولمبة التشيك مش منوره ..

المهم هو فكلي السلوك ووراني ان سلكين بيطلعوا كهرباء وسلكين بيطلعوا كهرباء ضعيف

وانا برضه مصمم انها سليمه لانها مكانتش بتلت ولا لمبة التشيك منوره

المهم بعد لما خلص العمره لقيته مركب موبينه صيني بيقولي من عنده لحد ماجيب واحده تانيه وارجعهاله

الموبيني الصيني بتاعته مخليه لمبة التشيك منوره

وانا لحد دلوقتي مش عايز اتخانق معاه لانه لسه هيغيرلي البوجيهات والفلاتر مع الزيت لما انزل زيت التليين

هل فعلا الموبينه بايظه ؟؟؟ ولا هو نصاب ...وايه الحل ...هل اغير الموبينه اللي معايا واحتفظ بموبينته كااقل خساير ؟؟

غيرى البوبينة بوحدة أصلى حتى أستيراد ورجع الصينى لة أو خليك ببتاعتة لحد لما تخلص منة وبعدين غيرها أنت برة ورجعة بتاعتة هما كدة نصبين دائما ممكن يوبوز حاجة بالف علشان تشترى حاجة من عندة ب 10 جم

طيب مانا ارجعله بتاعته وهو واخد بتاعتي ليه ؟؟؟ مانا اخليها معايا احتياطي وهو كده كده واخد بتاعتي

خد بتاعتك و متغيرهاش هو بالعافيه الصينى تعبانة وعلى فكرة اى حاجة تغيرها خدها دول بيبيعوها لغيرك