تجربة اضافة لبطاقة التموين
السلام عليكم
بما ان موضوع بطاقات التموين بقى مهم الايام دى لبعض النس فانا قررت اشارك معاكم بتجربتى فى فصل زوجتى من بطاقة والدها لبطاقتى واليكم الاجراءات\
روحت مكتب التموين التابع ليه والد زوجتى ويبقى معاك
-اصل وصورة بطاقة تموين والدها - صوررة بطاقة تموينك- وصل نور ليك صورة بطاقة زوجتك وببطاقتك - قسيمة الزواج
بتشترى من هناك استمارة فصل وبتملها وتقدمهم لمكتب التموين بعد كدا بيدلك جواب تروح بيه هو واصل بطاقة تموين والدها لمكتب البريد اللى والدها تابع ليه فى هناك موظف هيخصم الفرد ويختملك الجواب بس كده .....لا طبعا دا حكومه ياعم
تاخد الجواب المختوم دا وتروح لمكتب التموبن اللى انت تابع ليه بصور القسيمه والبطايق الشخصيه والتموين والجواب المختوم يستلومه منك ويقولك تيجى بعد كام يوم تاخد منه جواب تروح بيه مكتب البريد اللى انت تابع ليه وتدى لموظف التموين هناك البطاقه بتاعتك مع الجواب
واخيرا تستم البطاقه مضافا اليها زوجتك وتصرف كمان
طبعا دا باختصار لان انا رجعت كام مره بسبب روح صور - هات وصل نور - املى الاستماره - لا الاختم مش واضح (الموظفه بتقولى مش دا ختم البريد مع انه مكتوب عليه مكتب البريد والموظف ماضى تقولى لازم يمضى باسمه مش فةورمه
الدروس المستفاده:
- عند التعامل مع موظف الحكومه لازم تبقى فى اقصى درجات ضبط النفس والصبر
-تصور كل امستندات اللى ممكن تتخيل ولا تتخيل يطلبوها منك
- تتأكد ان الختم واضح
- ممكن تتضطر تشخلل جيوبك عينى عينك
- التعلم بالملاحظه من اللى حوليك
- التعرف على بعض الاجراءات المتعلقه بنفس الموضوع اللى بتعمله زى اضافة مواليد او عمل بطاقه جديده