الشواء

**tayson54** · 30-10-2008 10:06 PM

قررت ان يكون عندي هوايه من الأن فصاعدا فاشتريت شوايه كهرباء جديده وقررت ابقي ملك الشواء وعلي بال ما ابقي ملك الشواء محتاج اعرف ازاي اعمل التتبيله لكل انواع المشويات واعمل ايه بالظبط

**Miss_Pharma** · 31-10-2008 07:09 PM

ههههههههههه .. الف مبروك الشواية ..
بالنسبة لتتبيلة الفراخ .. بتبقى بصل وملح وفلفل وزبادي(مش ضروري) وليمون كتير(او خل) وشوية بهارات ..ده الاساسي
انما الافتكاسات بتاعتي اللي ممكن تجربها وهتعجبك .. انك تزود كاري وباربيكيو وصويا صوص .. وممكن نفس الخلطة للشيش طاووق ..
وادعيلي بقى ..
بس بالمناسبة .. مفيش عزومة كده تبارك بيها الشواية الجديدة :D

**MoToRiZeR** · 31-10-2008 07:36 PM

انا معجب بحضرتك لأن واضح إن دماغك عالية ( انا فاكر موضوع التمر هندي و الدوم و الخروب )

انا شخصياَ من هواة الشواء و في أي وقت بقول لصحابي يالا يا جدعان هنشوي و نطلع فوق السطوح الساعة 2 ولا 3 بالليل و نشغل مزيكا و نقعد نشوي .. بس برضه زي العصاير بجيب حاجات متتبلة جاهزة فا مش هقدر أفيدك

**Casio2000** · 31-10-2008 09:37 PM

موضوع لذيييييذ :)

في قطعية اسمها ريب اي Rib Eye تلاقيها بالاسم دا في كارفور او اي جزار نضيف

دي خطيرة في الشوي و تلاقيها غالية جدا في المطاعم و مش الكل بيقدمها اصلا

جربها وادعيلي - تبلها بشوية عصير بصل ملح و فلفل و بسيط توم بودرة و عصير لمون او خل او اي تتبيلة تحبها

حاول تنقيها مش سميكة قوي عشان تستوي

**Hassan Khalil** · 31-10-2008 09:44 PM

المشاركة الأصلية كتبت بواسطة tayson54

قررت ان يكون عندي هوايه من الأن فصاعدا فاشتريت شوايه كهرباء جديده وقررت ابقي ملك الشواء وعلي بال ما ابقي ملك الشواء محتاج اعرف ازاي اعمل التتبيله لكل انواع المشويات واعمل ايه بالظبط

بجد كان نفسي افيدك .. بس الظاهر مش حعرف افيدك زي ما معرفتش افيدك في موضوع التمر الهندي .. و قبله موضوع الغسيل

انا باطلع انا و زمايلي في رحلات شوي باستمرار .. و لكن كل ما يتعلق باللحمة بيكون من اختصاص الاهل او الزوجات .. كل اللي بنعمله اننا بنجيب كذا كيلو .. و بعدين نستلمه منهم للشواية مباشرة .. يعني هما اللي بيتعبوا .. و احنا .. الاناتيخ .. بناكل علي الجاهز و نستمتع برائحة الشواء الشهية

..اممممممم..نفسي اتفتحت . انا شامم الريحة من عندي من هنا ....:drool5:

**نور القمر** · 31-10-2008 11:14 PM

انا كمان كنت من هواة الشوية
وهقولك على خلطة سرية بعملها والله الفراخ بتطلع احسن من اي مطعم لبناني او تركي
كمان جربتها في اللحمة بس بطريقة مختلفة طلعت جنان
تجيب بصلة كبيرة وتوماية وسط و2 طماطم ولح وفلفل وبهارات وتضربهم في الخلاط
وتنقع الفراخ قبلها بيوم في التلاجة
البهارات بقه بروح لبتاع البهارت بقوله عايزة خلطة بس مش مطحونة بيحطلي انواع كتير من البهارات يمكن اكتر من 10 بس للاسف في حاجات كتير مش عارفه اسمها
ممكن اقولك اللي عارفاه
فلفل كمون كركم جوزة الطيب لور حبهان مستكة قرفه قرنفل وزهر
عل فكرة خلية يكتر القرفه والقرنفل بتخلي البهارات جنان

في اللحمة بقه بسلقها الاول نص سليق وبعدين اخليها تكمل سوى في الخلطة وبعدين اديها وش شواء على خفيف علشان ما تنشفش
جرب واعزمني ولا اقولك كفاية تجرب وتدعيلي
وبالهنا والشفاء مقدما

**tayson54** · 31-10-2008 11:59 PM

المشاركة الأصلية كتبت بواسطة Miss_Pharma

ههههههههههه .. الف مبروك الشواية ..
بالنسبة لتتبيلة الفراخ .. بتبقى بصل وملح وفلفل وزبادي(مش ضروري) وليمون كتير(او خل) وشوية بهارات ..ده الاساسي
انما الافتكاسات بتاعتي اللي ممكن تجربها وهتعجبك .. انك تزود كاري وباربيكيو وصويا صوص .. وممكن نفس الخلطة للشيش طاووق ..
وادعيلي بقى ..
بس بالمناسبة .. مفيش عزومة كده تبارك بيها الشواية الجديدة :D

الله يبارك فيكي يا افندم الف شكر علي نصيحتك والحمد لله انها جت في الوقت المناسب لاني لسه داخل انام افتكرت الشوايه فقلت اشوف يمكن جت نصايح في الموضوع ده فالحمد لله لقيت حجات جميله اوي ...انا دورت كمان علي النت ووصلت لزي الخلطه بتاعه حضرتك دي وكمان سئلت مراتي قالت ان عندها صويا صوص ومطلع الفرخه تفك واول ما تبقي حلوه هبدأ فورا
الف الف شكر من اول كلمه كتبتيها لغايه السطر قبل الأخير ...اما بالنسبه للسطر الأخير فللأسف مش ظاهر عندي خااااااااااااااااالص

**tayson54** · 01-11-2008 12:06 AM

المشاركة الأصلية كتبت بواسطة MoToRiZeR

انا معجب بحضرتك لأن واضح إن دماغك عالية ( انا فاكر موضوع التمر هندي و الدوم و الخروب

)

انا شخصياَ من هواة الشواء و في أي وقت بقول لصحابي يالا يا جدعان هنشوي و نطلع فوق السطوح الساعة 2 ولا 3 بالليل و نشغل مزيكا و نقعد نشوي .. بس برضه زي العصاير بجيب حاجات متتبلة جاهزة فا مش هقدر أفيدك

الف شكر يا MoToRiZeR علي وجودك في الموضوع ده شيء بيسعدني دايما و اعجابك بالحجات البسيطه اللي بحاول بيها صنع شئ مبهج وخارج روتين الحياه اليومي الممل ده شئ انا بقدره جدا من شخصيه لطيفه زيك و الف شكر لحضرتك علي موضوع المزيكا ده اثناء الشوي فكره هايله هطبقها فورا ..

**Dr.A.Nabil** · 01-11-2008 12:15 AM

حسبي الله ونعم الوكيل

انا عامل ريجيم وجوعتوني

**tayson54** · 01-11-2008 12:15 AM

المشاركة الأصلية كتبت بواسطة Casio2000

موضوع لذيييييذ :)

في قطعية اسمها ريب اي Rib Eye تلاقيها بالاسم دا في كارفور او اي جزار نضيف

دي خطيرة في الشوي و تلاقيها غالية جدا في المطاعم و مش الكل بيقدمها اصلا

جربها وادعيلي - تبلها بشوية عصير بصل ملح و فلفل و بسيط توم بودرة و عصير لمون او خل او اي تتبيلة تحبها

حاول تنقيها مش سميكة قوي عشان تستوي

الف شكر يا باشمهندش محمد علي نصيحتك دي لاني فعلا كنت بدور علي قطعيه لحمه تنفع في الشواء لان اللي اسمعه ان اللحمه العاديه مش للشوي ولذلك هنزل فورا بكره كارفور ادور عليها ...وكمان والدتي قالت لي ان فيه قطعيه اسمها فلتوا هايله برده في الشوي وهي دايما بتستعملها فهسأل عليها برده ...
لكن من الواضح ان القطعيه بتاعتك دي مش اعتياديه ولذلك هجربها الأول الف شكر ليك جزاك الله خير .

الموضوع: الشواء

LinkBack

أدوات الموضوع

عرض

-

-

-

الكلمات الدلالية لهذا الموضوع

المفضلات

المفضلات

ضوابط المشاركة