العربيه متلته

**المصوراتي** · 23-11-2014 10:13 PM

عربيتي فيليشيا 2000 انجكشن النهارده بدورها لقيت صوتها عالي وفيه رجه شديد على السلانسيه وساعات الاربي ام بيعلى ويوطى وساعات يستقر تحد 10 المعدل الطبيعي المهم قولت اعرف ايه الغرفه اللي فاصله وعلشان العربيه انجشن مفيش فيش منفصله لكل بوجيه فبضطر اشيل فيشه فيشه للرشاشات وطبعا اتأكدن ان الغرفه رقم واحد هي اللي عطلانه لاني لما فصلت فيشه الرشاش بتاعها محصلش اي تأثير وعلى فكره بحط بنزين 92 المهم خفت امشي بيها كدا فوديتها لاقرب ميكانيكي غير الميكانيكي اللي بتعامل معاه لان الباشا بيفتح العصر وانا كنت محتاج العربيه ضروري المهم المياكنيكي اللي رحتله غسل البوابه بمنظف الكاربتير وفك البوجيهات وغير منهم اتنين واخدت العربيه منه ومشيت بيها بقت العن من الاول العربيه سحبها ضعيف وكمان بتفتف لما ازود بنزين واحيانا تبطل ومتدورش الا لما ازود بنزين علشان تدور خلصت مشواري ورجعتله تاني قالي يا باشا روح اكشف عليها كمبيوتر لاني شاكك في الرشاشات تكون ضعيفه او مشط البوجيهات المهم سبته ومشيت وروحت للميكانيكي اللي بتعامل معاه وهو شاطر وامين سيبتله المفاتيح وقولتله شوف فيها ايه وهاجي اخدها بكره

**المصوراتي** · 23-11-2014 10:28 PM

ايه ياجماعه يكون السبب ملحوظه العربيه كانت مغيره جوان وش سلندر من شهرين و كان لسه فيها تسريب وكنت بلاقي قطرات ميه وكريمه بيضا على غطا الزيت وكان بلاقي طحينه على مقاس الزيت ولما حطيت بن في قربه المياه اختفت تماما اثار الميه او الكريمه على على غطا الزيت وكمان الزيت لونه بقى طبيعي على مقاس الزيت والميه مبقتش تنقص خالص

**A_Baidak** · 23-11-2014 11:04 PM

والله مش عارف علشان انجكشن مش فاهم فيها لانى مشفتوش قبل كده
بس احتمال يكون الرشاش او الوصله اللى بتوصل لاول غرفه دى تكون فيها حاجه لانك انت بتقول المشكله من الغرفه الاولى بص استنى لما الميكانكى يخصل وهنشوف هيقولك ايه
وان شاء الله حاجه سهله
وتانى حاجه اول مره اعرف انك تحط للقربه بن علشان يسد اى مشكله فى تسريب الميه او الزيت

**المصوراتي** · 24-11-2014 01:20 AM

انا كمان شاكك من الرشاش وموضوع البن ده فعلا رهيب بيسد اي تسريب في جوان وش السلندر او حتى في دورة المياه

**Mecha** · 24-11-2014 06:43 AM

طالما فيها تسريب جوان ,ممكن بتهرب الكبس ممكن تعرف ب compression test ,متصدقش اوي في موضوع البن هي مش بطحة راس

**المصوراتي** · 24-11-2014 09:09 AM

العربيه كانت شغاله تمام قبل ما احط البن وبعده بقت احسن والمياه مبقتش تنقص والزيت مش بيطحن والحراره في معدلها الطبيعي قبل ما احط البن وبعده

**A_Baidak** · 24-11-2014 11:49 AM

اتاكد من الرشاش ده او الوصله اللى ريحاله انا مش فهمها مشيه ازاى لانى للامانه مشفتهاش قبل كده
بس اكيد اللى بيفتح الباب بتاع الرشاش ده فى حاجه مش مظبوطه
وربنا معاك انا عارف الحورات دي بتعمل ايه وتخليق مش طايق نفسك اساسا لانى قريب من نفس الحوار ده معايه شويه
بس طقتيع ونش سعات كتير وانا ماشى وغيرت كل حاجه ونظفت الكربراتير والكلام ده ولا حياة لمن تنادى غيرت اسبراتير وبوجيهات والوصلات والمبينا وكل الكلام ده وبرده زى ما هيه
ربك المستعان

**المصوراتي** · 24-11-2014 04:55 PM

الحمد لله اتحلت المشكله وطلعت من سوسته التلامس اللي في مشط البوجيهات بس اللي مجنني الميكانيكي الحرامي اللي وديتهاله الاول ونظف كل حاجه فيها والعربيه طلعت متبرجله اكتر من الاول اخد 75 جتيه ليه الميكانيكي اللي عملها وظبطها حلف ما ياخد فلوس وبالعافيه اخد 10 جنيه