عرض للطباعة
السلام عليكم هو موضوع قديم جديد منفاخ الاطارات تقريبا فيه شبه اجماع على فائدته و اهميته لكن الاختلاف فى نوع الجهاز من حيث الكفاءة و الجودة , البعض بيقول ابعد عن الصينى....طب هو فيه غير الصينى...؟ البعض يقول 2 اسطوانة...مش فاهم يعنى ايه وهو فيه 1 اسطوانه و 2 اسطوانه ؟ واحد قال لى بلاش منفاخ ببالون...برضه مش عارف يعنى ايه انا ناوى انزل اليوم التوفقية اشترى واحد بس الحقيقة عاوز اذاكر شوية علشان اشترى على هدى ....ياريت اللى عنده فكرة و ممكن ينورنى اكون شاكر
حسب معلوماتى اللى علية علامة الجمل 2 بستم هو الأفضل
شوف المشاركة دى على الرابط
http://www.nilemotors.net/Nile/445910-a.html
هتفيدك
وعليكم السلام ورحمة الله وبركاته
فيه انواع جيده جدا اشهرها الجمل
اهم حاجه ابعد عن اللى بـ 50 جنيه لان ده اى كلام (زى اللى فالصوره)
http://www.google.com.eg/url?sa=i&so...16927058510680
الأنواع المحترمه سعرها من 150 لـ 370 جنيه و الأختلاف على حسب القدره او القوه
http://cf3.souqcdn.com/item/2013/03/...60_1669315.jpg
http://04.img-com.avito.st/640x480/427504.jpg
فيه انواع على الولاعه تقريبا كلها 1 بستم و انواع تانيه من البطاريه 2 بستم (زى الصوره التانيه) و ده للنقل بس ينفع للملاكى عادى و بينفخ الكاوتش اسرع طبعا من الـ 1 بستم
من الاخر .. ما تجيبش ارخص حاجة من اللي تحت ال 100 جنيه
2 بستم بينفخ اسرع بس شوية لكن مش مستاهلة يعني دقيقة من دقيقتين
الا لو عربيتك بتتنفخ علي 40 مثلا
و كله صيني يا معلم و حيدوم معاك بتاع 100 مرة .. يعني بتاع عشر سنين و بجنيه و نص المرة لو اشتريت ابو 150 جنيه
ماركه الجمل وهو بيكون في شنطه سوداء وهو 2 بستم ممتاز ويعيش تمنه حاليا اكيد معدى ال 280 جنيه وهو يعمل على البطاريه والولاعه .