سؤال محدش يعرف مركز من مراكز الخدمه الكامله ويكون موثوق فيه واسعار معقوله وعندهم ضمير اروحلهم واتابع معاهم دوريا لاى حاجه فى العربيه لانى شايف بصراحه ان مراكز الخدمه افضل بكتير من الميكانيكيه والكهربائيه والسمكريه لوحدهم لانك اولا لما بتروح بتعمل شغلانه كامله فبتتحاسب عليها بالكامل وبتباه مطمن ان مفيش اشتغالات نسبيا فياريت لو حد يعرف مركز كويس شامل فى صقر قريش يدلنى عليه لنيسان او لليابانى بشكل عام
بص ياباشا أنا من المعادى 90 % من الناس بتوع صقر حرامية مراكز وصنايعية وخلافة بيتعملو مع الناس على أكنهم فرافير لازم تبقى مدقدق وعارف الحاجة تكلفتها اية باظبط علشان تتعامل معاهم لو دخلت مركز يعمل كل حاجة ثق تماما أنك بتتسرق من غير ماتعرف وهيتعمل عليك احلى شغل . شوف الحاجة الى هتعملها اية بالظبط وأسال كذا واحد على المصنعية قبل الشغل أفضل وفى ناس فى العرب عند شريط القطار أرخص بكتير وبردوا صحصح معاهم .
تسلم وفعلا زى ما انت بتقول الضمير انعدم بس كل فين وفين بتلاقى حد كويس علشان كده بسال الناس من تجاربهم يعنى انا فى الاوبل فى اماكن كتير وبيباه عليها ادوار بالايام ومعندهمش ضمير وقطع الغيار ضعف برا لحد اما عرفت مركز ممتاز واسعار مهاوده وعنده معظم قطع الغيار وحتى لو زود بسيط بس بيضمنهالى عنده ولو حصل اى حاجه برميله العربيه وبيغيرها على حسابه لو حاجه غيرها وباظت تانى بعدها على طول فعلشان كده بسال على حد لليبانى او للنيسان بشكل عام
متابع
على رأي مؤمن فعلا صنايعية مغلاواتية بدون كلام! وفكرة المركز زيوا زي التوكيل بالضبط بيفتكر نفسه زيهم فأسعاره أعلى من الصنايعية بس ميزته ذي ما انت قلت بالضبط كل الصنايعية في مكان واحد.
أنا شخصيا اتعاملت أكتر من مرة مع مركز محترم والمهندس صاحبة راجل محترم جدا ومهندس فعلا..المركز اسمه مودرن كار سيرفيس بتاع م/ أحمد عبد الرازق...وأحسن حاجة فيه انه بيفتح يوم الأحد وبياخذ أجازة الجمعة.
بصراحة جربته في الميكانيكا والكهرباء أساتذه وبالنسبة للعفشة مجربتش عشان كان بيغيرهم كتير. المركز من 9-6 ًًًًص وبيعمل ملف للعربية على الكمبيوتر وبيطلع فواتير مطبوعة بقطع الغيار والمصنعية.
طب ادينى عنوانه لو سمحت ولو معاك كرت ليه او حاجه ياريت صورته لو مفيهاش تعب
باشا، أنا آسف على التأخير
حضرتك الشارع الرئيسي بتاع مسجد صقر قريش إلي هوه بتاع مرور المعادي سابقا، تمشي فيه هتلاقي بعد المسجد يمين رئيسي رايح جاي وبعديه يمين صغير على ناصيته بتاع كاوتش بيريللي كبير ادخل اليمين ده هتلاقيه واخد ناصية على يمينك على طول
الورشة من أول الشارع لغاية الناصية، ادخل اسأل على المهندس واحكيله مشكلتك وهوه هيوجه الصنايعي يعمل ايه بالضبط :)
أتمنى ان المركز يفيدك ويعجبك ذي ما أنا جربته وعجبني الصراحة :)