استشاره يا اهل المنتدى

**ابو فارس** · 24-11-2014 12:58 PM

السلام عليكم ورحمة الله وبركاته

بعد التحيه / باختصار شديد انا بافكر اجيب عربيه ملاكى واحاول اشغلها فى شركه مثلا فى البترول او اى شركه تكون محتاجه عربيه ملاكى موديل السنه
بس يا ترى ايه تفاصيل الموضوع ده
هل همه بياخدوا العربيه والسواق من عندهم ؟ ولا ينفع ياخدونى انا سواق ؟ والعقد كام سنه ؟ والموضوع مربح ولا لا ؟ ويا ترى المشروع ده ولا مشروع ميكروباص ؟

ولكم جزيل الشكر

**shiko85** · 24-11-2014 04:43 PM

المشاركة الأصلية كتبت بواسطة ابو فارس

السلام عليكم ورحمة الله وبركاته
وعليكم السلام ورحمة الله وبركاته
بعد التحيه / باختصار شديد انا بافكر اجيب عربيه ملاكى واحاول اشغلها فى شركه مثلا فى البترول او اى شركه تكون محتاجه عربيه ملاكى موديل السنه
بس يا ترى ايه تفاصيل الموضوع ده
هل همه بياخدوا العربيه والسواق من عندهم ؟ ولا ينفع ياخدونى انا سواق ؟ والعقد كام سنه ؟
ولكم جزيل الشكر
اللى اعرفه من واحد كان عامل الموضوع ده
ان الشركات او المصانع او ...... بتأجر العربيات فقط بدون سائق و مده العقد من سنه لـ 3 سنوات على حسب نوع العربيه المطلوبه و هم بيتحملوا الصيانه و كل المصاريف و فبعد انتهاء العقد بترجع العربيه تانى لصاحبها (او ما تبقى منها

)
والموضوع مربح ولا لا ؟ ويا ترى المشروع ده ولا مشروع ميكروباص ؟
انا شايف مشروع ميكروباص افضل لعده اسباب منها ان الشركات بتطلب انواع عربيات معينه موديل السنه - العربيه بترجع ضايعه (خصوصا لو الشغل فالصحراء) بس لو مأجر العربيه لمكان محترم بترجع كويسه (بس ده غالبا فالمرسيدس و الـ BMW ) اللى بتكون عربيه مدير مثلا او خبراء و هكذا - الميكروباص لو اشتغلت عليه هتحافظ عليه و ممكن تتفق مع موظفيين توصلهم والشغل و تروحهم و ده بيعمل دخل كويس و لو اشتغلت كام ساعه كمان فالمواصلات العاديه هتلاقى نفسك دفعت الأقساط و معاك فلوس تانيه كويسه

**ابو فارس** · 25-11-2014 10:56 AM

شكرا جزيلا على مرورك واهتمامك ،،، بس سؤال كمان ،،، لو جبت ميكروباص لازم اروح لمكتب تاجير علشان يشغلهولى ،،، فيه مكتب طلب منى ميكروباص سقف عالى وقاللى هايرخصه على المكتب ويتنازلى عنه بعد 3 شهور وها يدفعلى 6000 فى الشهر ؟