الموضوع: مطلوب مساعده و اقتراحات

المسجد

جرب تاخد كورس فى الغوص لو أنت بتعرف تعوم
الموضوع ممتع جدا و بياخدك لعالم تانى و بتتعرف على أصحاب جداد , بس خلى بالك الموضوع مكلف شويه فى الأول ,
الكورس بحوالى من 1500 ل 1900 على حسب المكان و المدرب , بعد كده ممكن تطلع لوحدك أو تبع أى مجموعه لأى مركز غطس
أنا لسه مخلص أول مستوى و ناوى أكمل أن شاء الله

لو ناوى قولى وأنا أديلك معلومات أكتر
بس لازم تكون بتعرف تعوم (يعنى تعرف تقف على المياه و تعوم بسيط مش شرط سباح يعنى)

يا بختك بالوقت ده و الله ... يعطينا مما اعطاكم الله ... عموما في شويه اقتراحات كده

1) متابعه مباريات كره القدم : يعني دوري اسباني علي دوري انجليزي علي دوري ابطال .... قمه المزاج و انت نازل تعد في الكافيه عشان تتفرج علي الماتش و تشجع .... و اديك حرقت كام ساعه بليل

2) كورسات لغه: مش شرط انجليزي ... ممكن فرنساوي اسباني الماني .... و هتتعرف علي ناس جديده في موضوع الكورسات ده

3) رخصه قياده رياضيه: امشي في حوار الرخصه ده ... هتضيع شويه وقت زي الفل بس مؤقتا و في نفس الوقت هتستمتع بالقياده الرياضيه

4) شراء سياره جديده: انزل لف علي معارض العربيات و فكر براحتك في عربيه جديده

5) كورس فوتوشوب: الفوتوشوب ده قمه في المتعه خصوصا لما تعد تعمل كوميكس ... كمان ممكن تعمل صفحه ساخره و ترفع عليها الكوميكس اللي هتعملها و اديك قضيت وقت ممتع و ضحك و هزار للصبح

6) تدريب كره سله: اللعبه دي مش مشهوره اوي في مصر و مش بيلعبها الا ولاد الناس ... صدقني ممتعه جدا جدا و هتتعرف علي ناس جديده

7) تدريب سباحه: متخافش ... في سخانات لحمام السباحه عشان متقولش الشتا و البرد ... السباحه دي متعه و بلبطه و هتضيعلك كام ساعه في الاسبوع زي الفل

8) تدريب تنس: لازم قبليها تكون خاربها في الجيم عشان مش تتصاب في خلع في الكتف او الكوع او كسر في القدم ... لعبه رهيبه و ممتعه بس هتصرف كام باكو الاول عشان المضارب و الكوتشي و الكور و الذي منه ... و كمان هتتعرف علي ناس من قمه المجتمع

9) تمارين سويدي: عشان الكرش بس و مش لازم تشيل حديد ... طبعا متنساش تمارين خاصه للتنس لو ناوي تلعب يعني

الاقتراح العاشر اللي قولتهولك قبل كده: هاجر من مصر قبل فوات الاوان

الاقتراح العاشر اللي قولتهولك قبل كده: هاجر من مصر قبل فوات الاوان

ههههههههههه كسرت الروتين انت المره دي انا قولت هلاقي الكلام ده في اول سطر ولما ملقيتوش قولت غريبه ولما خلصت الكلام لقيته اخر سطر قولت حبيبي ههههههههههههههههههههههه
.........................
انا عندي اقتراح بقى احسن من ده كله ايه هو ...
هتجيب جهاز كمبيوتر وورك ستيشن به كارت شاشه 4 جيجا كده ولا حاجه وهارد تيرا ونزل العاب من ماي ايجي وعييييييييييش هتنسى الدنيا كلها معاها وتبعد عن قرف الناس اللي برا
ده احسن اقتراح للجماعه الانطوائيين امثالي

المشاركة الأصلية كتبت بواسطة s.h.a.h.e.r

المسجد

المسجد جميل بس مش هنترهبن و نقعد فيه يا باشا و نقضي فيه حياتنا

المشاركة الأصلية كتبت بواسطة tmhami

جرب تاخد كورس فى الغوص لو أنت بتعرف تعوم
الموضوع ممتع جدا و بياخدك لعالم تانى و بتتعرف على أصحاب جداد , بس خلى بالك الموضوع مكلف شويه فى الأول ,
الكورس بحوالى من 1500 ل 1900 على حسب المكان و المدرب , بعد كده ممكن تطلع لوحدك أو تبع أى مجموعه لأى مركز غطس
أنا لسه مخلص أول مستوى و ناوى أكمل أن شاء الله

لو ناوى قولى وأنا أديلك معلومات أكتر
بس لازم تكون بتعرف تعوم (يعنى تعرف تقف على المياه و تعوم بسيط مش شرط سباح يعنى)

فكره كويسه و انا بعرف اعوم يا ريت حضرتك تديني تفاصيل

المشاركة الأصلية كتبت بواسطة باسم يوسف

يا بختك بالوقت ده و الله ... يعطينا مما اعطاكم الله ... عموما في شويه اقتراحات كده

1) متابعه مباريات كره القدم : يعني دوري اسباني علي دوري انجليزي علي دوري ابطال .... قمه المزاج و انت نازل تعد في الكافيه عشان تتفرج علي الماتش و تشجع .... و اديك حرقت كام ساعه بليل

2) كورسات لغه: مش شرط انجليزي ... ممكن فرنساوي اسباني الماني .... و هتتعرف علي ناس جديده في موضوع الكورسات ده

3) رخصه قياده رياضيه: امشي في حوار الرخصه ده ... هتضيع شويه وقت زي الفل بس مؤقتا و في نفس الوقت هتستمتع بالقياده الرياضيه

4) شراء سياره جديده: انزل لف علي معارض العربيات و فكر براحتك في عربيه جديده

5) كورس فوتوشوب: الفوتوشوب ده قمه في المتعه خصوصا لما تعد تعمل كوميكس ... كمان ممكن تعمل صفحه ساخره و ترفع عليها الكوميكس اللي هتعملها و اديك قضيت وقت ممتع و ضحك و هزار للصبح

6) تدريب كره سله: اللعبه دي مش مشهوره اوي في مصر و مش بيلعبها الا ولاد الناس ... صدقني ممتعه جدا جدا و هتتعرف علي ناس جديده

7) تدريب سباحه: متخافش ... في سخانات لحمام السباحه عشان متقولش الشتا و البرد ... السباحه دي متعه و بلبطه و هتضيعلك كام ساعه في الاسبوع زي الفل

8) تدريب تنس: لازم قبليها تكون خاربها في الجيم عشان مش تتصاب في خلع في الكتف او الكوع او كسر في القدم ... لعبه رهيبه و ممتعه بس هتصرف كام باكو الاول عشان المضارب و الكوتشي و الكور و الذي منه ... و كمان هتتعرف علي ناس من قمه المجتمع

9) تمارين سويدي: عشان الكرش بس و مش لازم تشيل حديد ... طبعا متنساش تمارين خاصه للتنس لو ناوي تلعب يعني

الاقتراح العاشر اللي قولتهولك قبل كده: هاجر من مصر قبل فوات الاوان

باسم بيه لازم يحط السفر في كل رد تحس ان دماغه فيها سفاره من جوه بالنسبه لأنشطه الناس العاليه زي التنس فدي عايزه انك تبقي مشترك في نادي بقي من اللي فيه الناس دي او الاماكن اللي بيعلبوا فيها و انا للاسف مش مشترك زائد ان الناس دي تحب تتعرف علي اللي من مستواها مش من اللي اقل منها
و موضوع الرخصه الرياضيه دي يا ريت تفهموهلي علشان معرفش عنه حاجه

المشاركة الأصلية كتبت بواسطة prof2013

ههههههههههه كسرت الروتين انت المره دي انا قولت هلاقي الكلام ده في اول سطر ولما ملقيتوش قولت غريبه ولما خلصت الكلام لقيته اخر سطر قولت حبيبي ههههههههههههههههههههههه
.........................
انا عندي اقتراح بقى احسن من ده كله ايه هو ...
هتجيب جهاز كمبيوتر وورك ستيشن به كارت شاشه 4 جيجا كده ولا حاجه وهارد تيرا ونزل العاب من ماي ايجي وعييييييييييش هتنسى الدنيا كلها معاها وتبعد عن قرف الناس اللي برا
ده احسن اقتراح للجماعه الانطوائيين امثالي

الانطوائيه مش حلوه يا باشا علشان الانسان كائن اجتماعي و لعب الجيمز هيزود العزله اكثر ما هي موجوده زائد ان الواحد عنده وقت قليل فاضي فحرام يضيع كمان في البيت بين اربع حيطان

المشاركة الأصلية كتبت بواسطة anaslbda

صيد سمك.
جمّع كده صنارة محترمة مكنة ألماني وطلّع رخصة صيد وكل ما تتضايق انزل على فرع نيل العجوزة وعيش.
عليّا النعمة راحة نفسية ما بعدها راحة.

فكره الصيد ممتازه بس مش عايز اروح اصطاد لوحدي عايز اتعرف علي ناس و يبقي شله و صحاب و منها تسليه و منها تعارف زائد اني مش من القاهره

بص يا باشا

بالنسبه للغوص
هوا فيه أكتر من مستوى و و فيه منظمات كتير بيمنحوا الرخصه للغواصين و أشهرهم CMAS و PADI
المستويات بيكونوا
نجمه و ده بيسمحلك تغطس لحد 18 متر
نجمتين و ده بيسمحلك تغطس لحد 30 متر
3 نجمات و ده بيسمحلك تغطس لحد 40متر
ده بالنسبه ل CMAS و طبعا كل مستوى وفيه ألى بيعادله فى PADI

البدايه أنك تبدأ تاخد كورس أول نجمه (و ده ألى أنا عملته )
و أنا أعرف 2 مدربين كويسين
الأول أسمه كابتن سامح مشرفه ( 01001413590 www.scuba4fun.net)
و ده الكورس بتاعه ب 1900 ,شامل يومين نظرى و يومين عملي فى حمام سباحه و يوم أخير بتكون غطسه فى العين السخنه فى عمق 18 متر
السعر ده بيكون شامل أيجار العده كامله

و فيه واحد تانى أسمه كابتن هشام (0106090244)
(Scuba Egypt Network) ده الفيس بتاعه
و ده الكورس بتاعه ب 1500 , شامل نظرى و عملى و غطستين فى الغردقه ,
والسعر برضه بيكون شامل أيجار العده كامله
بس أنت لسه حتدفع تمن المواصلات و الأقامه ,بيعنى حوالى 300 جنيه زياده

أو أدخل على النت و أعمل بحث حتلاقى حاجات تانيه كتير , بس الناس ألى فوق دول أنا و اصحابى مجربنهم وهما محترمين أوى

الهدف من الموضوع أنك حتدخل عالم جديد و حتتعرف على ناس جديده من كل الفئات و الأعمار علشان الغوص لازم بتكون مع جروب مينفعش لوحدك
أنا بنصح تاخد مع سامح مشرفه علشان هوا أكتر خبره و بعد لما تاخد الرخصه ,حتلاقى سامح أو هشام أو أى حد تانى بينظم رحلات كل شويه للغوص فى كل مكان فى مصر , و طبعا الرحلات بتكون مش غاليه زى سعر الكورس طبعا



لو فيه حاجه مش واضحه قولى وأنا تحت أمرك