السلام عليكم
أن شاء الله أنا ناوى أجيب PS أو Xbox
محتاج نصيحه منكم علشان انا أبيض خالص فى الموضوع ده
أشترى أيه , و أيه النواع المتاحه
الهدف أنى ألعب أنا و مراتى و العيال ,
عرض للطباعة
السلام عليكم
أن شاء الله أنا ناوى أجيب PS أو Xbox
محتاج نصيحه منكم علشان انا أبيض خالص فى الموضوع ده
أشترى أيه , و أيه النواع المتاحه
الهدف أنى ألعب أنا و مراتى و العيال ,
الاتنين زى بعض و قريبين جدا من بعض ...
ابعد عن ال PS4 لانه مقفول و لازم اسطوانات اصل و سعرها ٥٠٠/٦٥٠ جم ...
ال PS3 بيتهكر و يتفتح و فى الحاله دى تقدر تحط الالعاب على الهارد الداخلى 500 gb او حتى خارجى external hd و توصله usb و تلعب عادى ... و الالعاب اسعارها من ٥/٣٠ جم حسب حجم و شهره اللعبه و طبعا ممكن تتفق انك تحط اشهر ٢٠ لعبه مثلا ب ١٥٠ جم ...
ال xbox بيتهكر عادى و تشترى اسطوانات كوبى ب ٢٠ جم و تشتغل عادى ...
فى حاله ال ps3 حتضطر كل مره انك تاخد معاك الجهاز لان فيه العاب لكى تعمل لازم تتحط على الهارد الداخلى ...
فى حاله ال xbox كل الى عليك هو شراء الاسطوانات الكوبى فقط و ده اسهل عمليا ...
بخصوص الالعاب ... معظم الالعاب لها نسخ على الجهازين ...
لكن يوجد العاب اسمها حصريه اى حقوق الملكيه لاحد الجهازين فقط ... يعنى لو سونى الى عملاها فهى مخصصه فقط لل PS و لا يوجد لها نسخه على ال XBOX .... و العكس لو ميكروسوفت هى الى عامله اللعبه ...
و ال ps4 مميز باللعب الحصريه عن ال XBOX
بخصوص اللعب من على بعد الاتنين فيهم الخاصيه:
PS3 .... Move
XBOX ... Kinect
تحياتى ...
ألف شكر لحضرتكاقتباس:
المشاركة الأصلية كتبت بواسطة Batman372
جزاك الله خيرا
غالبا كده حجيب Xbox , مش عارف ده أختيار صح ولا لأ
طب أيه أنواعه , انا دخات عاى الموقع بتاعهم ولقيت فيه حاجه أسمها one و 360
طب أيه الفرق بينهم
الشكر لك :)اقتباس:
المشاركة الأصلية كتبت بواسطة Tmhami
زى ما شرحت لك ... الاتنين قريبين جدا من بعض ...
ال xbox 360 ده الموديل القديم و الى بيتفتح لكى يشغل اسطوانات كوبى و يماثله ال PS3 ...
ال XBOX ONE ده الموديل الحالى الجديد و مش عارف/متأكد انه اتفتح و لازم اسطوانات اصل ؟؟؟ و يماثله PS4 المقفول ...
لو حتشترى ال اكس بوكس ... هات ال 360 الى معاه kinect ... للعب عن بعد من الجهاز ...
تحياتى ...
طب وا wii ده ايه موقفه منهم ؟؟
الWII بقى تكنولوجيا قديمه .....ومن فتره عرفت انهم بينزلوا منوا جديد بتكنلوجيا جديده ولكن الPS و Xbox واكلين الجواقتباس:
المشاركة الأصلية كتبت بواسطة new_man
أنا كنت محتار نفس الحيرة بس اشتريت في النهاية اكس بوكس 360 + كينكت مع هارد معدل 500 جيجا معدل jtag وده بيلغي السي دي ويخليك تنزل العاب على الهارد علطول وفعلا نزلت شوية العاب من الانترنت وشغلتهم تمام
الكينكت ده جميل جدا للأطفال بيخليهم يلعبوا بحركات جسمهم وايديهم بس من غير دراعات خاصة لو لعبة زي الملاكمة مثلا بتبقى ممتعة وبتفرغ طاقتهم
توكل على الله وهات الاكس بوكس بس وديه لحد يعدلهولك jtag وينزلك عليه العاب
طيب ياريت الأسعار
الاسعار في مصر استهباااااااااااااال
أنا لسة جايبة من السعودية Xbox 360 هارد 250G بال Kinect معاه دراع زيادة (البلاي ستاشين و الاكس بوكس الاتنين بينزل معاهم أساسا دراع واحد) و تلات ألعاب أصلي هدية ب 1600 ريال و قفوا بالمصري 3120 بالظبط. نفس الجهاز عند game valley من غير دراع زيادة و معاه ألعاب مضروبة ب 4500.
نصيحة لو تقدر تشوف حد نازل من السعودية او الامارات يجيبهولك حتفرق معاك كتييييير
و عموما ال360 xbox اختيار أفضل للأطفال عشان السينسور بتاع اللعب بالحركة kinect احسن من بتاع بلاي ستاشين و العابه ممتعة للأطفال جدا.
ألف شكر لحضرتكاقتباس:
المشاركة الأصلية كتبت بواسطة أبو آسر
طب ممكن السعر و مكان الشراء و التعديل
اقتباس:
المشاركة الأصلية كتبت بواسطة hh
ألف شكر لحضرتك
ياريت تقولى على مكان الشراء فى السعوديه , فيه واحد قريبى مسافى السعوديه قريب فممكن أخليه يجبهولى
كمان عايز أعرف هارد 250 كفايه ولا أنا محتاج 500
انا شفت الاسعار على سايت محل اسمه extrastores عليه عروض للأجهزة كان الباكيدج اللي أنا جبته عليه ب 1650 ريال و فيه باكيدج لل 500G ب1700 ريال بس بدراع واحد و انا كنت عايزة الدراع الزيادة أهم بالنسبة لي.اقتباس:
المشاركة الأصلية كتبت بواسطة Tmhami
قريبي لما جيه يشتري لقاها في هايبر ماركت مشهور هناك اسمه panda (بنده) ب 1600 ريال بس و معاه كمان تلات شهور Xbox live اللي هو اللعب اونلاين فجابه من هناك. الالعاب اللي معاه Kinect sport2 و kinect adventures و دول لعبيتين ممتعين قوي بالحركة خصوصا للأطفال و لعبة تالتة اسمها Forza Horizon سباق عربيات بس لسة ملعبنهاش لأنها مش CD هي كود عشان تنزلها أصلية من النت.
الأسعار هنا استهبال فعلا زي ما الأخ hh قال أنا عن نفسي شاريه مستعمل ب2000 من غير الكينكت اللي جبته جديد بحوالي 600 أو 700 جنيه تقريبا بس الكلام ده من فترة طبعا مفروض الأسعار رخصت كمان لأن الجديد نزلاقتباس:
المشاركة الأصلية كتبت بواسطة Tmhami
هاته من السعودية أفضل وأي حد هنا ممكن يعدلهولك
أنا معرفش حد معين بصراحة لأني شاريه متعدل جاهز بس في إعلانات كتير عن ناس بتعدل على موقع ديفيدي فور عرب ممكن حضرتك تبحث هناك أو أي محل جيمز أكيد ليهم في الكلام ده
ألف شكر لحضراتكم
أنا كلمت واحد قريبى مسافر السعوديه والأسبوع ألى جاى و قولتله عليه و قالى حيجبهولى
بس كنت عايز أعرف أيه المواصفات ألى أجيبها
يعنى 500 جيجا كفايه و لا لأ , كمان الهارد ده بيكون internal ولا external
, و هل فيه حاجه معينه أطلبها معاه
أنا حجيب دراعين و الكاميرا كمان
500 جيجا كفاية جدا طبعا وأعتقد إني دي أكبر مساحة أصلااقتباس:
المشاركة الأصلية كتبت بواسطة Tmhami
الهارد بيكون internal
هتطلب يجيبهولك بال kinect لو مش معاه
شوف انت عايز كام دراع وخليه يجيبلك الفرق يعني هو بييجي معاه دراع واحد بس أعتقد وانت عايز 4 مثلا خليه يشتريلك 3 دراعات
ممكن تخليه يشتريلك حجاير انرجايزر rechargeable على أد الدراعات (كل دراع بياخد حجرين) وشاحن ليهم علشان يوفر عليك موضوع الحجارة اللي بتخلص وتترمي
بس كده معتقدش هتحتاج حاجة تاني
ممكن تستعين بالرابط ده
http://ksa-price.com/product/microsoft-xbox-One-500gb/
طيب ايه انسب العاب للاطفال 3 سنين والكبار
انا راى انه يجيبهولك متعدل / متهكر ليشغل اسطوانات كوبى ... دى ميزه ال xbox ....اقتباس:
المشاركة الأصلية كتبت بواسطة Tmhami
ال PS3 المتهكر لازم الالعاب تتحط على الهارد و ممكن تركب هارد external عن طريق usb ...
لو xbox متعدل انه يشغل العاب من على الهارد الداخلى ... حتضطر كل مره تعوز العاب جديده انك تاخد الجهاز معاك و تمسح العاب القديمه لكى تضع الالعاب الجديده ... لذلك الاسهل انك فقط تشترى اسطوانه اللعبه المراده منفرده ...
ايضا اسطوانات ال xbox الكوبى موجوده فى كل حته ...
موضوع تحميل الالعاب من النت ... موضوع متعب و محتاج وقت و سرعات و باقات كبيره ... حجم الالعاب بيبقى من ٨ جيجا الى ٣٥ جيجا !!! و ممكن جدا بعد ما تتعب و تحمل الملفات و تفكها .. اللعبه متشتغلش ... هههه .... فالاسهل الاسطوانات الكوبى ب ٢٠/٣٠ جم للعبه ...
ايضا ضع فى الاعتبار و ده اهم حاجه ... ان كلا الشركتين sony & microsoft بتنتج الاجهزه الاصدارات الجديده غير قابله للتعديل ... لذلك سواء اشتريت من مصر او من بره .. هاته متعدل جاهز ... يعنى متشتريش الجهاز و بعدين تبحث عن حد تانى او مكان تانى يعدله !!! لانه ممكن نسخه الاصدار تكون غير قابله للتعديل ... او الى حيعدله ممكن يخربه break ... وفيه حالات break ليس لها اى حلول !!! يعنى ترمى الجهاز ...
بالتوفيق ... تحياتى ...
رنج الاسعار اليوم فى المحلات الى متخصصه فى منصات الالعاب ... لكن من غير ضمان ...
٣٦٠٠ جم لل xbox 360 بال kinect و متعدل jtag ...
و ٣٢٠٠ جم PS3 متعدل ...
٤٥٠٠ جم لل xbox one و PS4 غير معدلين ... و الالعاب الاصلى فى رنج ٥٥٠/٦٥٠ جم للعبه ...
أتأكد بس انه الهارد مش 4gاقتباس:
المشاركة الأصلية كتبت بواسطة batman372
اقتباس:
المشاركة الأصلية كتبت بواسطة hh
شكرا على التنبيه ... انا قبل نشر الاسعار دى اتأكدت من المحل الى بشترى منه فى اسكندريه ...
Xbox 360 slim 250 gb
PS3 slim 320/500 gb
الxbox 4g سعره على النت ٢٧٠٠ ... يعنى فى السوق اقل من كده ...
الاسعار المرتفعه دى فى المحلات المعروفه و بالضمان زى مثلا جيم فالى و سيليكت ....الخ
لكن فيه محلات بتجيب كميات من الخليج (نفس فكره الموبايلات ) و بتنافس الاسعار لكن من غير ضمان ...
تحياتى ...
لو ب 3600 و متعدل ,يبقى مش حيكون أرخص كتير لو جيبته من السعوديه ,اقتباس:
المشاركة الأصلية كتبت بواسطة Batman372
ألى أنا فاهما أنه فى السعوديه فى حدود 3200 جنيه ,
كمان هوا فى السعوديه حينفع يعدلوه ؟
معلش عندي سؤالين كمان
أيه ال 4g ده؟
أيه ال jtag ده؟ و فيه أنواع تانيه للتعديل ؟
ايوه يا فندم ... دى الاسعار .. و فى القاهره .. اعتقد ش عبد العزيز ... حتكون ارخص من اسكندريه ...اقتباس:
المشاركة الأصلية كتبت بواسطة Tmhami
ماهو طبيعى لو رحت اى محل معروف فى مول .. حتكون الاسعار عاليه + ض مبيعات بحجه الضمان ...
غير كده لو فرضا جبته من اى مكان بضمان ... و عملتله تعديل ... فالضمان بيتلغى لو حصل له حاجه !!!
ال 4g يقصد بها ان الهارد الداخلى فقط ٤ جيجا ... طبعا ده ما يشلشى حتى لعبه واحده !!!
و دى نسخه بتبقى رخيصه لانك لازم تجيبل لها اسطوانات ...
ال jtag ده التعديل المشهور الحالى حتى تتمكن من وضع ملفات الالعاب على الهارد الداخلى للجهاز الى بيبقى ٢٥٠ او ٣٢٠ جيجا ... و تلعب مباشره ... بدون اى اسطوانات ... مثل ال PS3 ...
تحياتى ...
اقتباس:
المشاركة الأصلية كتبت بواسطة batman372
ألف شكر لحضرتك ,معلش أنا تعبك معايا
أنا كان قصدى أنا كده السعر فى السعوديه حيكون قريب من السعر ألى فى مصر ,
يبقى كده أحسن أنى أجيبه من مصر و خلاص