افضل مكان فى القاهرة لشراء كاميرا بروفيشنال

**Batman372** · 25-11-2014 04:01 PM

المشاركة الأصلية كتبت بواسطة عبده غريب

شكرا للجميع ويظهر ان الموضوع كبير مش مجرد كاميرا مع حبة هواية

لا مش كبير و لا معقد زى ما حضرتك متصور ...
لو بتحب هوايه التصوير و عندك شويه صبر... انصحك طبعا بال dslr
و لو مش فارقه معاك ... الاسهل كاميرات point and shot ...
تحياتى ...

**hany63** · 25-11-2014 06:25 PM

المشاركة الأصلية كتبت بواسطة batman372

لا مش كبير و لا معقد زى ما حضرتك متصور ...
لو بتحب هوايه التصوير و عندك شويه صبر... انصحك طبعا بال dslr
و لو مش فارقه معاك ... الاسهل كاميرات point and shot ...
تحياتى ...

بالظبط الموضوع يتلخص في حب هواية التصوير و للعلم انا متعلم من الصفر من سنتين فقط و بعد ٣ شهور من بداية التعلم كل اللي في المجال افتكروني بصور من ٢٠ سنه
النقطه اللي هتخليك تتعلم بسرعه جدا هيا لو عندك درجة معقوله من اجاده لللغه الانجليزيه لانك ببساطه هتحمل كورسات من النت و ممكن تشترك في سايت ليندا و تتعلم التصوير بدون مبالغه كاءنك سافرت تتعلم بره
و الموضوع سهل جدا لانك ممكن تشوف كورس معين و تطبقه صح هتلقى النتيجه رائعه في اقصر وقت و تنقل على اللي بعده و هكذا
لو مفيش لغه للاسف هتبني كل معلوماتك على معلومات الاخرين و الموضوع ممكن يطول شويه

**Dr__Ahmed** · 25-11-2014 09:00 PM

المشاركة الأصلية كتبت بواسطة hany63

اه طبعا فرق كبير بين ال ٧١٠٠ و ال ٥٢٠٠
و لو تقدر هات ال ٧١٠٠ بالمره بشرط انك تتعلم التصوير صح
و بالمناسبه كل ال dslr هيشتغل اوتو فوكس عشان كل العدسات الجديده فيها موتور اوتوفوكس
بس الفكره ان ال ٧١٠٠ فيها موتور فوكس في البودي نفسه بالاضافه للعدسه فاكيد الكاميرا هتفوكس اسرع نسبيا
تاني حاجه فيه عدسه ال ٥٠ مم و دي مشهورة بجودتها العاليه تشتريها رخيصه من غير موتور فوكس لو معاك ال ٧١٠٠ و دي بتوفر معاك الف جنيه لو معاك بودي مفيهوش موتور فوكس
اخر حاجه انا بفضل اعمل الاتش دي ار بنفسي بعيدا عن اوبشن الكاميرا لان نتيجته افضل بكتير
و انا لا انصح بالتعامل مع الكينج نهائيا لانه ساعة الجد بيخلع و لا فيه ضمان ولا نيله بالاضافه ان فيه كلام على جودة الكاميرات اللي عنده

شكرا جدا على ردك ... حضرتك وضحتلى الفرق بين الفوكس فى الكام والعدسه بشكل ممتاز

**عبده غريب** · 02-12-2014 07:40 PM

بالنسبة للتصوير العائلى هل الكاميرات الاحترافية هتكون فعالة فيه من ناحية الفوتو والفيديو ولا عايزة الطبيعة والمناطق المفتوحة

**hany63** · 03-12-2014 09:28 AM

المشاركة الأصلية كتبت بواسطة عبده غريب

بالنسبة للتصوير العائلى هل الكاميرات الاحترافية هتكون فعالة فيه من ناحية الفوتو والفيديو ولا عايزة الطبيعة والمناطق المفتوحة

لاء هوا السؤال اساسا غلط
لو حضرتك معظم استخدامك عائلي خليك في حاجه سيمي برو هيبقى استخدامها اسهل و هتبقى ارخص و مفيهاش نظام تغيير عدسات و نتيجتها بالنسبه لك هتكون مرضيه الى حد كبير
اما الكاميرا ال dslr بتعمل كل حاجه بشرط تركيب العدسه المناسبه بس طبعا عايزه واحد غاوي تصوير و باله طويل و مستعد يصرف لشراء مستلزمات التصوير

**عبده غريب** · 03-12-2014 06:25 PM

مفيش كاميرا سيمي برو 1080 p60 كلها اقصى حاجة p30

**hany63** · 04-12-2014 01:03 AM

المشاركة الأصلية كتبت بواسطة عبده غريب

مفيش كاميرا سيمي برو 1080 p60 كلها اقصى حاجة p30

طب و ال ٣٠ فرام في الثانيه وحشين ؟

**Kirolos Edward** · 12-12-2014 09:29 AM

كريم ستورز او شمس, الكينج كان كويس بس موخراً طلع عليه اشاعات تقريباً
و فيه برده كاميرا شوب في وسط البلد

لو اول استخدام ليك هات كانون هاتبقي اسهل و كمان كانون عدستها ارخص من نيكون و انا عن نفسي بحب الوانها اكتر لو بتصور اوت دور