برجاء افضل مكان فى القاهرة لشراء كاميرا بروفيشنال وايه رايكم فى نيكون d3300 افضل ولاd5300
عرض للطباعة
برجاء افضل مكان فى القاهرة لشراء كاميرا بروفيشنال وايه رايكم فى نيكون d3300 افضل ولاd5300
الافضل طبعا ال nikon d5300 لانها category و مستوى اعلى من ال 3300 ...
ضع فى المقارنه و الحسبان ايضا ال canon 700d او ال 650d ...
هما فى الامكانيات و العدسات و الشهره متقاربين جدا ... لكنك حرتاح لماسكه واحده فيهم :)
افضل و اشهر مكانين فى القاهره و بينافسو بعض سعريا ... كريم ستورز ... و شمس ...
ابحث عنهم فى الفيس حتلاقى ارقامهم و عن عناوينهم :)
تحياتى ...
ايه ده يا باشمهندس واضح ان ليك في التصوير زي حالاتي
يا ترى حضرتك معاك كاميرا ايه ؟
انا كان معايا النيكون ٧٠٠٠ ولسه من شهر جبت ال ٦١٠ و جبت العدسه النيكون ٢٤-٧٠ بالمره
على العموم فرصه سعيده و يسعدني التواصل مع حضرتك لتبادل الخبرات
وللزميل صاحب الموضوع مش هقدر اضيف على حضرتك بس احب اقوله ان اقتناء كاميرا Dslr مش نهاية المطاف بالعكس دي البدايه لازم تكون فاهم اضاءه كويس و تعرف يعني ايه مدى ديناميكي عشان تعرف تطلع احسن نتيجه من الكاميرا والا هتاخد صدمه كبيره و تقول يا ريتني كنت فضلت مع الكاميرات البوينت اند شوت
و لازم تبتدي تتعلم ازاي تصلح عيوب الاضاءه في الصوره بواسطة برامج التعديل
و يا ما فيه ناس شغاله بكاميرات رخيصه بس النتيجه النهائيه احلى بكتير مقارنه بواحد شغال بعده ب ٥٠ الف جنيه
بالتوفيق
طب لو امكن سؤال فنى لللإستفاده ...
هل الفرق كبير بين d5200 والــ D7100 ... حيث انى مقبل على الشراء
واخاف إنى اشترى 5200 واندم على ال7100
علما انى احتاج إلى الــHDR وال autofocus
.
.
تحياتى للجميع
موضوع جميل
متابع
هو بس حط في أعتبارك انك لو مش ناوي تغير عدسات قدام
خليك في كاميرا بعدسه ثابته زي canon g15 or g1x حتديك أداء كويس بحجم صغير
لأن بصراحة ال slr ب العدسه ال كيت 18-55 متستهلش حجمها و شيلتها في رأي
بالأضافة للمحالات ال أخوه قالوا عليها في محل أسمه الكينج أسعاره أرخص بس مجربتوش في كاميرات
اه طبعا فرق كبير بين ال ٧١٠٠ و ال ٥٢٠٠
و لو تقدر هات ال ٧١٠٠ بالمره بشرط انك تتعلم التصوير صح
و بالمناسبه كل ال Dslr هيشتغل اوتو فوكس عشان كل العدسات الجديده فيها موتور اوتوفوكس
بس الفكره ان ال ٧١٠٠ فيها موتور فوكس في البودي نفسه بالاضافه للعدسه فاكيد الكاميرا هتفوكس اسرع نسبيا
تاني حاجه فيه عدسه ال ٥٠ مم و دي مشهورة بجودتها العاليه تشتريها رخيصه من غير موتور فوكس لو معاك ال ٧١٠٠ و دي بتوفر معاك الف جنيه لو معاك بودي مفيهوش موتور فوكس
اخر حاجه انا بفضل اعمل الاتش دي ار بنفسي بعيدا عن اوبشن الكاميرا لان نتيجته افضل بكتير
و انا لا انصح بالتعامل مع الكينج نهائيا لانه ساعة الجد بيخلع و لا فيه ضمان ولا نيله بالاضافه ان فيه كلام على جودة الكاميرات اللي عنده
شكرا للجميع ويظهر ان الموضوع كبير مش مجرد كاميرا مع حبة هواية