الطريق إلي العين السخنة و بعض الأشياء

**MoToRiZeR** · 30-10-2008 11:40 PM

مساء الخير يا جماعة

انا رايح بكرة العين السخنة لوحدي و عايز بعض المعلومات
الطريق من المهندسين تفصيلاَ ؟
انا أعرف إنه الدائري لأخره بعدين طريق السويس .. فيه وصلة بعد كدة للقطامية العين السخنة ولا إيه ؟

و يا ريت يكون عن طريق القطامية العين السخنة لأن أسمع إنه نضيف
و يا ريت حد يرشحلي فندق حلو مش لازم فخم أوي بس نضيف يعني 4 نجوم مثلاَ .. و الأسعار لو حد يعرف .. ده كل day use انا مش هبيت .

و هل ينفع أروح علي طول من غير حجز كدة ولا حاجة ؟ وانا مرحتش بالعربية قبل كدة فا معرفش هل فيه مداخل و مخارج للفنادق و المدينة نفسها هتوه فيها ؟

و شكراَ

**Hossam_Hassan** · 30-10-2008 11:55 PM

سيبك من طريق السويس، خد طريق العين السخنة، خليك على الدائرى فى اتجاه كارفور، بعد كارفور بحوالى 3 كم هتلاقى مخرج يمين، هتلاحظ عنده خزانات غاز كروية كبيرة، ده هيوصلك بسهولة جدا لطريق العين السخنة و الطريق نضيف جدا و الخدمات فى الأول و المنتصف و الأخر.

بالنسبة للعين السخنة، فهى مش مدينة، هى مجموعة فنادق و قرى على البحر، و اليومين دول يمكن تلاقى حجز بسهولة علشان الحركة نايمة شوية و للأسف معرفش فنادق المنطقة كويس فمهلش مش هقدر افيدك فى النقطة دى.

**MoToRiZeR** · 30-10-2008 11:57 PM

شكرا يا أستاذ حسام بس انا بتكلم عن دائري الهرم مش المعادي .. الدائري التاني ملوش طلعة من المهندسين و معرفوش خالص بصراحة .

**salem** · 31-10-2008 12:15 AM

ana saken fel mohandessin
bos ya seedy
enta tetl3 da2ery men el mounib
we tefdal mashy le had ma hatl2y nazla maktob 3aliha el 3ein el so7'na we fe yafta lel GUC 3al nazla de
tenzl we telef we te7'osh andaf tare2 fe baladak de

law 3yzny ashra7lak tero7 el mounib ezay, oly enta feen fel mohandessin wana a2olak bezabt tero7 ezay
bas kda kda seebak men tal3t el da2ery ely mel me7war de mesh tab3 el 7ewar

**Hossam_Hassan** · 31-10-2008 12:17 AM

لو تعرف توصل شارع البحر الأعظم من ميدان الجيزة، هيبقى سهل تطل الدائرى من هناك، ممكن كمان لو تعرف توصل ميدان السيدة عائشة و من هناك تاخد الأوتوستراد و تطلع الدائرى منه.

**MoToRiZeR** · 31-10-2008 12:18 AM

المشاركة الأصلية كتبت بواسطة salem

ana saken fel mohandessin
bos ya seedy
enta tetl3 da2ery men el mounib
we tefdal mashy le had ma hatl2y nazla maktob 3aliha el 3ein el so7'na we fe yafta lel GUC 3al nazla de
tenzl we telef we te7'osh andaf tare2 fe baladak de

law 3yzny ashra7lak tero7 el mounib ezay, oly enta feen fel mohandessin wana a2olak bezabt tero7 ezay
bas kda kda seebak men tal3t el da2ery ely mel me7war de mesh tab3 el 7ewar

شكرا ليك .. انا فعلاَ معرفش أروح المنيب .. انا عند نادي التوفيقية يعني أحمد عرابي .. و يا تري و انا راجع هرجع كدة برضه ؟ شكراَ ليك .

**MoToRiZeR** · 31-10-2008 12:29 AM

المشاركة الأصلية كتبت بواسطة Hossam_Hassan

لو تعرف توصل شارع البحر الأعظم من ميدان الجيزة، هيبقى سهل تطل الدائرى من هناك، ممكن كمان لو تعرف توصل ميدان السيدة عائشة و من هناك تاخد الأوتوستراد و تطلع الدائرى منه.

ولااااا عندي أي فكرة للأسف

أصل انا "المهندسين ، 6 اكتوبر "
مليش في حاجة تانية .

يعني حتي الهرم و مدينة نصر عارف أماكن بعينها بروحها إنما معرفش المنطقة أوي.

**medomada** · 31-10-2008 12:36 AM

يا سيدى الوصفه سهله:
- أجمد عرابى إلى ميدان سفنكس ثم يمينا على الكورنيش.
- على طول نفق الجلاء ثم على طول ثم النفق الحديد بعد فيرست كده ثم على طول , انت كده فى شارع البحر الأعظم (برضه على الكرنيش).
- على طول لحد ما تلاقى كوبرى و انت بتعدى من تحتيه (ده الدائرى المنيب ).
بعد ما تعدى من تحت الكوبرى خليك على الشمال و لف من أمل فتحه و أرجع (طلعه الدائرى من الطريق المعاكس فقط ).
- بعد ما تلف خليك يمين و إطلع الدائرى.
- على طول على طول لحد ما تعدى كارفور.
- بعد كده خليك فى اليمين .
- بعد شويه حتلاقى منزل إنزل حتلاقى العربيات بتاخد يمين تنزل و بعدين بعد ما تنزل للطريق التانى تلف شمال كإنك بتعمل u turn .
- خليك على طول حوالى 200 متر حاتلاقى معظم العربيات بتاخد شمال علشان تروح مدينه نصر ولكش دعوه و أمشى على طول حتلاقى مدخل طريق السخنه على اليمين .
- خش و صاحبتك السلامه .
الطريق رائع و السرعه 120
فى الأخر حتلاقى الطريق ينتهى إلى يمين و شمال.
شمال إلى الغردقه و يمين إلى فندق ستيلا دى مارى أعتقد أنه أفضل الفنادق هناك.
بالمناسبه لازم تحجز الأول بالتليفون.
إبقى إحكيلنا بقه عملت أيه و الأسعار إزاى.

**medomada** · 31-10-2008 12:37 AM

أسف يمين الغردقه و شمال الفندق
عموما هناك حتلاقى يفط كتير

**HeMa_LanCeR** · 31-10-2008 12:39 AM

بص ياسيدي اطلع كوبري اكتوبر
وخلصه لحد الأخر وانزل النزله اليمين (أتجاه حلوان)
وخليك ماشي علي طول لحد مطلع الدائري بتاع المنيب
بس ماتطلعش طلعه المنيب اطلع الطلعه اللي بعديها هتلاقيها لافه كده علي ايدك اليمين
هتلاقي نفسك علي الدائري خليك بقي علي طول في اتجاه القطاميه كده
هتعدي كارفور وبعده بحوالي 4 كيلو هتلاقي نزله وهو تعتبر اول نزله بعد كارفور
هتنزل واتبع الافتات وعيش يا حج

الموضوع: الطريق إلي العين السخنة و بعض الأشياء

LinkBack

أدوات الموضوع

عرض

الطريق إلي العين السخنة و بعض الأشياء - انشر الموضوع فى :

-

-

-

-

-

-

-

المواضيع المتشابهه

راس سدر او العين السخنة

العين السخنة

العين السخنة

الطريق الي العين السخنة من طريق السويس

فين العين السخنة

الكلمات الدلالية لهذا الموضوع

المفضلات

المفضلات

ضوابط المشاركة