عرض للطباعة
السلام عليكم ورحمة الله وبركاته
عاوز استفسر منكم يارجالة القاهرة لانى من الاسكندرية
شغلى فى المعادى خلف مستشفى المعادى العسكرى
ولكن سكنى مؤقت فى التجمع الثالث بالقرب من الجامعة الالمانية
فاى طريق احسنلى اشوف اى مترو قريب مثلا وانزل المعادى؟
ولا مواصلات مباشرة؟
ولا تاكسى بس كدة ياخد كام ؟
تاكسي هيعد كتير
انت لو من عندك في مواصلات السيده عائشه مثلا وتركب من هناك كورنيش المعادي تنزل قدام المستشفى
قوللي بس لو في مواصلات عندك بتروح فين عشان انا فعلا مش ملم بالمواصلات هناك قوي
وكده كده احنا في شتا يعني مش قرف قوي لحد اما تعزل ان شاء الله
والله ياباشا معرفش فى مواصلات ولا لا
لان شغلى ابتداء من الاسبوع الجاى وحسافر قبلها بيوم بس
منطقة التجمع التالت من المناطق الجديدة ووسائل المواصلات فيها قليلة جدا
مفيش اي مترو في المنطقة دي والحل الوحيد انك تاخد حاجة من التجمع للزهراء ومن الزهراء حاجة بتمشي على الدائري لحد المعادي ومن هناك تشوف اي حاجة توديك للشغل
نصيحة مني السكن في المناطق دي لا يمكن العيش فيه بدون سيارة لاني ساكن في القاهرة الجديدة وعارف المعاناه دي كويس
فين باقى الاراء ياجماااااااعة؟؟
او ياريت ياجماعة لو مكان اشوف فيه شقة بالكتير بالف شهريا حتى لو اوضه وصالة ومتكونش شعبية اوى ومتزيدش عن نص ساعة مواصلات ؟
لو يناسبك حدايق المعادي فيها كتير بالسعر الي انت طالبه
و فيه أقل كمان. بس المنطقة شعبية طبعا
طيب العنوان ايه بالظبط ياباشا ؟
هي اسمها حدائق المعادي الناحية التانية من المترو, مش ناحية الكورنيش
فيه شارع اسمه أحمد زكي, فيه في حدود المبلغ اللي انت بتقول عليه ايجار جديد
طبعا كل ما هتبعد عن المترو كل ما هتلاقي اسعار ارخص. انزل بنفسك مرة كدا واتمشى هناك ودور
Hadayek ELmaadi
يعنى اسال فى حدايق المعادى كلها ولا حتة معينة؟
ياجماعة فى حد يفيدنى تانى لو سمحتم ؟؟؟
أهلاً بيك يا باشا في التجمع :)
حضرتك في ميكروباصات للسيدة عائشة بتقف عند صينية أرابيلا..وأحياناً الميكروباصات بتروح لصينية الجامعة الألمانية..بس بتبقى قليلة خصوصاً الصبح..الافضل صينية ارابيلا ده الموقف بتاعهم.
تركب الميكروباص وتنزل الاتوستراد وتعدي الناحية التانية تركب ميكروباص لصقر قريش
ومن صقر قريش فيه ميكروباصات للمعادي..بس مش عارف في منهم بيروح الكورنيش ولا لأ.
طيب هى اقرب محطة مترو ليا فين حتى لو اروحها بتاكسى مثلا؟
يا باشا مترو حدائق المعادي المسافة بينه و بين الكورنيش ربع ساعه مشي (انت بتقول ورا المعادي العسكري يعني 5 دقايق من المترو بالكتير او بالكتير 10 دقايق لو انت بتتمشى)
شارع احمد زكي اللي قلتلك عليه بينه و بين مترو حدائق المعادي برضه ربع ساعه او تلت ساعه هو الناحية التانية زي ما قلتلك مش ناحية الكورنيش.
يعني نص ساعه مشي هتبقى في مكان شغلك ان شاء الله
المهم تنزل بنفسك تدور لان المنطقة اللي بقولك عليها شعبية
فلازم انت اللي تحكم بنفسك هتقدر تعيش فيها ولا لأ.
دي خريطة للمنطقة عشان تبقى فاهم الدنيا هتبقى ازاي و الاتجاهات وكدا
https://www.google.com.eg/maps/@29.9...31.2533019,16z