كيف استثمر مليون جنيه..؟؟

**eng.samy** · 24-11-2014 07:57 PM

احسن حاجه العقارات يعني اشتري اراضي ومع مرور الوقت تمنها بيزيد
او حط فلوسك في البنك

**kazamodia** · 24-11-2014 08:24 PM

افتح شركة مقاولات وخد مناقصات من الحكومة
او اشتغل في العقارات بس كل ده في مخاطر
لو حطيت االفلوس في البنك هتجيبلك حوالي 100000 في السنة بدون اي مخاطرة

**hamo81** · 24-11-2014 08:25 PM

أنا لو مكانك هشتري شقتين أو أكثر وأجرهم إيجار جديد سنتين أو 3 سنوات هيجيبوا دخل كويس وفي نفس الوقت سعرهم هيزيد كل سنة والإيجار أيضا بيزيد
في عقارات ثمنها بيتضاعف كل كام سنة

**ali ashraf** · 24-11-2014 08:37 PM

قرارك الاخير يحدده مقدار دخلك و مقدار مصاريفك بمعنى اذا كان الدخل يغطى مصاريفك ...اذا لا تحتاج لوديعة مثلا تدر عائد شهرى تنفق منه على احتياجاتك و حسب ما فهمت فهناك دخل شهرى و بالتالى لا تحتاج لوديعه تدر عائد شهرى. اذا ما البدائل المتاحة ...؟ وديعة فى بنك ..البورصة....عقارات..... اعلم اولا البورصة قد يغيريك البعض بالدخول فيها ( و هذا ما لا انصح به ابدا) نظرا لأرباحها العالية و لكن المخاطرة عالية جدا و نسبة الخسارة عالية لو كنت خبير بالبورصة و عاليه جدا لو لم تكن ذو خبرة....اذا نستبعد البورصة.....اذا اردت السهولة تضعها وديعة و لكن اعلم انها تنقص لان نسبة التضخم تفوق نسبة الفائدة و لكنها آمنه تماما, و يتبقى سوق العقار و هناك طريقين الاسهل شراء شقة او ارض او محل و الاهتمام هنا يكون بالموقع و المكان فهناك اماكن واعدة و اسعارها فى ارتفاع مستمر و هذه نسبة ربحها معقولة جدا و لا تحتاج لوقت او مجهود فقط تحتاج للاختيار الجيد و الطريق الاصعب شراء ارض و البناء و هذه عادة تحتاج وقت كامل و عدة شركاء و ربما تمويل بنكى و نسبة الارباح هنا قد تصل الى 100% و لكن تحتاج لخبرات فى السوق و حنكة فى التعامل مع المقاولين و الحسابات و التسويق و الجهاز الحكومى البيروقراطى يعنى موضوع صعب مش سهل .....أخيرا لا تضع المبلغ كله فى العقار اترك جزأ و لو صغير للظروف و عاوز راى اشترى شقة بس تكون مميزة يعنى بحرية وجهة الدور الثانى او الثالث مش اكتر مساحة محترمة فى مكان مميز بالحياء الجديدة و المبلغ ده ممكن يجيب شقة على المحارة فقط و ربنا يوفقك

**Karim Alaa** · 24-11-2014 08:49 PM

اشترى شقه فى الرحاب مثلا و اجرها جديد هتجيبلك دخل شهرى معقول جدا و لما تحب تكيش بيعها هتلاقى المبلغ زاد بنسبه كويسه لو حسبت الايراد الشهرى لحد البيع مع فرق تمن البيع هتبقى حافظت على قيمه فلوسك و عليتها كمان

**أبو آسر** · 24-11-2014 08:51 PM

المشاركة الأصلية كتبت بواسطة hamo81

أنا لو مكانك هشتري شقتين أو أكثر وأجرهم إيجار جديد سنتين أو 3 سنوات هيجيبوا دخل كويس وفي نفس الوقت سعرهم هيزيد كل سنة والإيجار أيضا بيزيد
في عقارات ثمنها بيتضاعف كل كام سنة

الشقق سعرها يزيد زيادة بطيئة على عكس المحلات التجارية
بالإضافة إلى أن العائد القادم من تأجير الشقق سيتم صرف جزء كبير منه على إعادة تشطيبها كل فترة ومبلغ التأمين لن يغطي ربع هذه النفقات كما أن إيجارات الشقق غالبا غير مجزية مثل إيجار المحلات

**رحالة** · 24-11-2014 09:06 PM

المشاركة الأصلية كتبت بواسطة ali ashraf

و المبلغ ده ممكن يجيب شقة على المحارة فقط و ربنا يوفقك

انا جالي احباط

**KemozTanta** · 24-11-2014 09:09 PM

امسك العصاية من النص !
المبلغ نصه ودائع بنك
ونصه التاني في شقة سعرها يكون حنين في مشروع هيخلص كمان كام سنة او لو موجودة جاهزة كاش خير وبركه... تبقي غلطان لو حطيت المبلغ كللله في البنك
قيمت الفلوس هتقل وانا رأي كدا انت بتقلل فرص المخاطرة لابعد حد

**رحالة** · 24-11-2014 09:10 PM

المشاركة الأصلية كتبت بواسطة whatzup

الشقة بكام ؟؟؟ وايجارها بكام؟؟؟ يعني لو شقة بمليون مثلا هيكون ايجارها قد اية؟؟؟؟ المفروض يكون اكتر من 10000 لان فوايد البنك 10000؟؟؟

الايجارات في رايي تعطيك من ٥ ال ٧ ٪ عائد سنوي
يعني الشقه ام مليون هتعمل ٥ الاف تقريبا
طبعا اقل من البنك
لكن في نفس الوقت بتحافظ على قيمة الفلوس لان العقار بيزيد