هو سيادتك شغال حاليا في اي مجال لان ده مهم جدا في تحديد ما هو قادم
تحياتي
عرض للطباعة
هو سيادتك شغال حاليا في اي مجال لان ده مهم جدا في تحديد ما هو قادم
تحياتي
حضرتك لازم تعتقد وتتأكد اني دي تجارة
والتجارة شطارة
يا أما مكسب يا أما خسارة
ولازم زي ما هتكون فرحان انك بتكسب زي ما هتكون راضي انك بتخسر
مفيش حاجة اسمها ربح دائم (الربا)
لازم الفلوس تشتغل وتتعب وترفع وتنزل علشان تكون حلال
اقترح عليك بعض الاقتراحات
1- محل كبير ومعمل تصنيع البان وذبادي ومنتجاتهما وانت المدير والناس كل يوم صيف وشتا بتشرب لبن وبتاكل ذبادي واتفرج علي شهر رمضان هتبقي برنس بس لازم صنايعية يتقوا ربنا ومزرعة دائمة بتجيبلك اللبن
فعلا كلامك صحيح تماما... انت تقصد ان المشروع القادم يكون بتوسيع المشروع الحالي.. او بعمل مشروع متفرع منه في نفس المجال علي اعتبار ان مجال عملنا هو اكثر شيء نفهم فيه.. عامة انا اعمل في المجال الطبي... واعرف كيف يمكن ان استثمر في نفس المجال .. وبالفعل انا مستثمر جزء في نفس المجال .. ولكن المشكلة في الوقت ... وانت تعلم ... ان لم تشرف مباشرة علي المشروع فان القائمين علية سوف يسرقونك غالبا...ولن تحصل علي العائد الذي يجب ان تحصل عليه
انا عندي افكار بس كلها خارج مصر
يعني مثلا
1) ممكن تشتري اراضي زراعيه في جورجيا ... سعر الفدان هناك ارخص من مصر بكتير ... عم صديق ليا شاري ارض رزاعيه هناك و متفق مع مهندس زراعي جورجي و بسم الله ما شاء الله المكسب ممتاز
2) بناء عقارات في جورجيا ايضا ... انا معرفش تفاصيله ايه بس غالبا هتحتاج شريك او اتنين و مكاسبه افضل من مصر بمراحل
3) شراء مزرعه في البرازيل ... الاسعار ارخص من مصر و المكاسب ممتازه بس مش معايا تفاصيل بالظبط
ممكن حضرتك تروح سفارات الدول دي و تتأكد من اقتراحاتي
لو عايز تستثمر المبلغ ده هنا يبقي ممكن تعمل الاتي
1) تشتري حته ارض و تبني كومبوند سكني و تبدأ تبيع شقق و محلات ... التمويل العقاري من البنوك موجود
2) لا اقترح فتح اي مشروع في اي مكان لان الحاله الاقتصاديه سيئه و علي كف عفريت
اعتقد ان افضل استثمار بمخاطر محدودة هو ان تشارك بحصة في مشروع قائم و ناجح
اكتر موضوعين بيتكرروا فى المنتديات
استثمر فلوسى فى ايه
واهاجر لفين او ازاى
ودايما اصحاب الاسئلة بيلاقوا نفسهم مخرجوش باجابة شافية مش عارف ليه
عندك حق..بالنسبة للاستثمار في مصر .. يبدو انه فاشل لان النظام الاقتصادي والقوانين والرشاوي والروتين الحكومي وظروف عدم الاستقرار الأمني... تجعل وضع الأموال في البنوك هي الاختيار الأمثل وهذا ما يجعل هذا البلد لا يتقدم... الناس معاها فلوس وتفضل البنك عن الاستثمار ..وهذا خطأ في الاقتصاد يتحمل ذنبه الحكومات المتتالية ..
انا داخل بس اقولك حرام عليك تستثمر فى سوق مصر حاجه حاليا وانت حر طبعا ديه حاجه ترجعلك
وسع تفكيرك شويه وحاول تخرج بره صندوق مصر بس برضه انت مشكلتك فى المتابعه والوقت
فيه كذا مشروع
1- افتتاح مستشفى نساء وتوليد حتى لة تأجر عماره من بابها وبعد كده تخدها تمليك وطبعاً تصرفعلى تشطيبها بمستوى عالى وده مشروع مربح جدا
2- لو عاوز تستثمر فى العقارات يبقى الافضل تشارك فى بناء عماره بس ديه فيها نسبة مخاطره علشان صعب تلاقى شريك تثق فيه بسهوله خاصة ان العماره هتكون فى القاهرة او الجيزة وهتحتاج متابعه مستمره منك وده هيبقى صعب علشان انت مش فاضى
فيه مشاريع كتير بس عشان انت مش متفرغ هتبقى نسبة المخاطره فيها عاليه
الاستثمار في العقار علشان تكسب كويس يبقى ارض وتبنى انما شراء الشقق مش هيدورلك الفلوس زى البنك
احسن مشروع هوه مشروع المستشفى
لو الاراضى رخيصة عندك يبقى برضه مدرسة خاصه وهتجيب مكسبها فى أول سنه