الموضوع: تعرضت لحادث بسيط و ربنا ستر

مش عارف الادارة توزع موضوعى فين لكنه يعتبر تقرير عن السيولة المرورية بالدائرى حيث شاء حظى ان اكون على الدائرى من منطقة المريوطة متجه الى المعادى بعد عصر اليوم و اسغترقت " الرحلة " 4 ساعات حيث تسببت زخات مطر اليوم فى شلل شبه كامل لحد هنا مفيش مشكلة قلت خلاص اليوم ضاع المشكلة كانت فى بعض او قول معظم السائقيين من اخونا سائقى الميكروباس و النقل و النصف نقل و بعض سائقى الملاكى حيث انتابتهم حالة من الهوس مصحوبة بعمل ما يسمى بالغرز و المقصات و الكسر على سيارات عباد الله و شاهدت فى المراية سيارة نصف نقل تقفز بين السيارات خبطنى من الخلف الايمن لى و المامى الايسر له ( يعنى من عند السائق) الحمد لله الصاج و الكشافات الخلفية سليمة فقط الاكصدام الفبر محتاج تصليح ان شاء الله ميكلفش كتير وهو لم يتأثر نهائى بس الحقيقة نزل و قال انا اللى غلطان و تأسف و قال اعصابه تعبت من السواقة فى الظروف دى و سلمت عليه وقلت له بسيطة ان شاء الله لكن أخذت رقم السيارة و رقم موبيله بس اعتقد تكاليف الاصلاح لن تزيد عن 200 جنية و الحمد لله على قد كده......درس مستفاد ايام المطر اللى يقدر ميخرجش من البيت يبقى احسن ...وقاكم الله جميعا شر الطريق