صيانة 10000 كارفان الرحاب - ix35
الاخوه الكرام
تم عمل صيانة 10000 لسيارتي في مركز كارفان الرحاب
اتصلت و حجزت ميعاد الساعه 10 صباحا و كنت رقم 1
وصلت 10.10 تقريبا
خلصت الساعه 12 الا حاجه بسيطه
دفعت 770 جنيه
التقييم 6/10
المركز صغير جدا، ونش واحد بس اللي موجود، يعني لما رحت كانوا رفعوا عربيه قبلي و انتظرت نصف ساعه لحد ما دخلوا عربيتي
الاستراحه عاديه و قاعد مع مكتب الخزينه، الشئ الجميل انهم عاملين 4 كاميرات مراقبه بتنقلك تقريبا ما الذي يحدث بالاسفل في الورشه
لا يوجد غسيل للعربيه بعد الصيانه، و لا حتي اتمسحت بفوطه
لم اعمل اي حاجه غير غيار زيت، و دفعوني ثمن طبة زيت بقولهم ليه قالولي نعمت، يا جماعه دي تاني مره تتفك، مره في تغيير الزيت بعد الالف الاولي و دي التانيه، قالولي ممكن و ممكن تتغير كل تغييره
، انا قولت يمكن ده سرو العربيات الكوري، كان قبلها معايا تيدا و لا اي حوار من كده
بعد ما مشيت توقعت الاقيهم حاطين في الشنطه باقي جركن الزيت، انما لم اجد اي شئ
لم يتم الا تغطيه كرسي السائق، انما لا دريكسيون و لا دراعات و لا فتيس
الميزه الوحيده هو مكانه سهل بالنسبه لي
هو كل توكيلات غبور و مراكز معتمده بتبقي بالوضع ده و لا انا مزودها شويه :019f3b~14:
