خد بالك من الاستيكر الابيض ونصيحة بلاش معرض السقا

**madoo** · 01-11-2008 07:06 PM

thanksssssssssssssssssss

**MohaMed_Refaat** · 02-11-2008 12:20 AM

المشاركة الأصلية كتبت بواسطة شريف

انا كنت فى المعرض دة من اسبوعين
الافندى اللى فى المعرض دة لما حس انى مش هشترى منة قعد يتكلم بقلة زوق و كنت خلاص هخش اشتكية بس اشتكية لمين اكيد كلهم زى بعض

كانك بتحكى عن المصرية للسيارات بالضبط المفروض يسموها المخروبة للسيارات

**شريف** · 02-11-2008 10:24 AM

المشاركة الأصلية كتبت بواسطة mooody2007

كانك بتحكى عن المصرية للسيارات بالضبط المفروض يسموها المخروبة للسيارات

كلة زى بعضة دة انا رحت معرض اسمة ايتامكو فى مدينة نصر قريب من نادى النصر للقوات المسلحة و الراجل زوق جدا و فورمل و نتفرج على الاكسنت نصف ساعة مفيش مشكلة قمة الصبر بس يقولى فى الاخر ان المانوال و الاتوماتيك 2008 وعرض تخفيض من غبور بالفين و لما حس انى ممكن اوقف الشراء علشان موضوع 2008 قال لا سورى دى 2009
طبعا انا شكيت و فعلا عرفت ان العرض دة لموديلات 2008 من الاكسنت و الالنترا

**ahmedsamir79** · 02-11-2008 10:46 AM

شكرا يا باشا

**abf-nassar** · 02-11-2008 12:49 PM

اسمحولي بمداخلة بسيطة بخصوص معرض السقا
المعرض ده مملوك لشقيقين هم احمد ومحمد السقا ودول كانوا اصلا شغالين عمال بالمعرض وفجأة اصبحوا اصحاب المعرض !!!!!!!!!
اسلوبهم في السوق هو البيع باقل من السعر بالف او الفين جنيه وعند الاتفاق علي سيارة للبيع بيجيبوا العربيات اللي حصل لها خبطات سواء من الوكيل او موزعين ودي بياخدوا خصم كبير عليها لوجود عيب بها
بيعالجوا الخبطة او يداروها باي شكل ويسلموا العربية للزبون وباي باي حاول تاخد حقك منهم هتلاقي عربجية قدامك
الكلام ده عن تعامل شخصي بس انا فضلت ماسك شنطة الفلوس لحد ماشوف العربية وكانوا هيتجننوا علشان ادفع الفلوس الاول لحد العربية ماتيجي ورفضت وفي النهاية رفضت العربية كمان ( واخدة خبطة في الرفرف الخلفي )

**El Prince** · 02-11-2008 01:43 PM

الغش بأه شئ عادى فى مصر
محدش بأه عنده ضمير الا نادراً
شكراً للمشاركة الايجابية و تنبيه الاخوة
و الف مبروك العربية , افرح بيها و لا يهمك

**M.Osman** · 02-11-2008 02:36 PM

الموضوع ده اصبح عادى جدا ... و بيحصل ان في عربيات اعلى من كدا زي اوكتافيا A5 مثلا تبقى مخبوطة و تروج تتصلح و تتباع زيرو ... عادى جدا

... و معلش و خد بالك المرة الجاية

**waled369** · 02-11-2008 02:41 PM

مبروك العربية يا دكتور و حصل خير . ربنا يعوضك ان شاء الله و شكرا ع النصيحة

**muslem** · 02-11-2008 02:50 PM

لاحول و لاقوةالا بالله عادى الحكاية دي لازم دلوقتى الواحد يعامل اللى امامه على انه حينصب عليه و يحاول يكتشف الحكاية فيها نصبة ولة لا
بقي مفيش وعي ديني ابدا على ان من غشنا فليس منا حديث جامد جدا و يوجع بس للى عايز يعمل بيه!!
واقول لصاحب العربية اللهم اجيرك فى مصيبتك واخلف لك خيرا منها خير ان شاء الله يمكن الحكاية دي بدل ما العربيةتاخذ عين اكبر من كده