الموضوع: تحويل الفيرنا من مانيوال الي اوتو تجربة و عدت و الحمد لله

بسم الله الرحمن الرحيم

اسعد الله صباحكم

زى ماهو مكتوب فى العنوان العبد لله اتجنن و حول العربيه من مانيوال لاوتو بعد فكر كتير و رهيب فى الموضوع و ده بسبب انى قولت ابيع و اجيب عربيه على ابوها تانيه احسن بس لاسف قعدت فترهادور مش لاقى حاجه كويسه غير كمان انى كنت مرتبط بعربيتى بشكل غريب لدرجه انى كنت بدول على اوتو نفس الموديل و اللون علشان ما احسش بفرق لم اغير
و لكن للاسف لقيت اسعار السو كلها استهبال و عربيات تعبانه فدرست الموضوع و عرفت ايه الى هيتغير فى العربيه بالظبط
لهم شيئ انك تفك الحاجه من على نص ماتجيبهاش مفكوكه من على الارض و ده لسبب هقوله بعديين
و كمان تجيب الحاجه من نص امريكى مش اتحاد اوروبى برضو لسبب هنذكره بعديين
نيجى بقى للحاجات اللى هنشتريها
1-فتيس بقواعدة بالقربه بتاعتة
2-ضفيره حقن
3-كنترول و الكنترول هنا بيتغير كله عكس الانوس بيكون للفتيس كنترول و الماتور كنترول لا الفيرنا كنترول واحد للفتيس و الماتور
4-روس كبالن داخلية
5-مارش
6-ريتادير
7-بدالات
8-ويرفتيس
9-ذراع غيارات
10-حديده بتركب مكان الفولام و بتتربط فى الفتيس ( مش فاكر اسمها)
نتوكل على الله و اتفقت مع صانيعى محترم و كذلك كهربائى فاهم جدا لانه هيفك التابلوه كله علشان يغير الضفيرة
و تم شراء الاجزاء المطلوبه من واحد فى قليوب بتاع قطع غيار محترم على التجربه طبعا
و كانت الحاجه اتحاد اوروبى و كانت مفكوكه على الارض تمام الكلام
فكينا و ركبنا و الموضوع اخد يوم نص شغل لحد اما دارت و بقت تمام و اطلع جرب يامعلم الحمد لله بقت اوتو بس ظهرت مشكله الفتيس مش بيجيب غيارات للخلف
روحت بتاع الاستيراد و قولنا نبتدى بالاحتمال الاقل ضرر و هو تغيير كنترول و غيرناه فعلا لكن للاسف برضو نفس العيب فتوكلنا على الله و غيرنا الفتيس و المره دى الحمده لله طلعت تمام و شغال كويس بس خشن شويه
و علشان كده قولتلكوا لازم تجيب الحاجه من على نص ماتجيبوهاش فكوكه لانمش معروف كانت مستخدمه اذاى قبل كده لكن اللى على نص اقله بيبقى باين شكل العربيه عامل ازاى و استخدامه عامل ازاى

جينا بعد كده لمشكله اساسيه و لازم هتظهر لكل واحد بيحول مان لمبه الاتشيك بتنور معاك لان الكنترول اللى انت جايبه سواء امريكى او اتحاد اوروبى بيبقى فيه خصائص للبيئه و حساسات لازم تكون راكبه و طبعا الحاجات دى مش راكبه عندنا بالتالى اللبمه هتنور و حلها ان الكنترول لازم يتعمله سوفت عند عسكر فى الحرفيين و روحت فعلا لعسكر بس لاسف منفعش لا الكنترول اتحاد اوروبى وده صعب فك شفرته لكن الامريكى سهل فرجعت تانى لبتاع قطع الغيار و بدلت الكنترول و رجعت لعسكر و تم بحمد الله تغيير السوفت ووير و جارى التجربه العربيه حاليا صوت الفتيس نعم شويه عن الاول بعد تغيير الزيت بعد اول 500 كيلو استخدام و ناوى ان شاء الله اغيره مره كمان مع الفلتر كمان 1000 كيلو

نيجى بقى للتكاليف
احسن سعر و صلتله 4500 قطع غيار و القديم معايا عكس الحرفيين كل الناس بتقول 4000 و هياخد القديم
1000 مصنعيه ميكانيكى و كهربائى يتضمنها تغيير فتيس مرتين
200 زيت
300 سوفت ويير عند عسكر
الاجمالى 6000 و الحمد لله


بالنسبه للتكلفه الاجماليه 6000 بس نخلى بالنا ان لسه الحاجات القديمه كلها معايا و حاليا عارضها للبيع علشان اوصل لاقل تكلفه ممكن
جارى رفع الصور