السلام عليكم
كنت على طريق اسكندرية الصحراوي بعربية جين 2 وماشي معظم الطريق 180/170 ومفيش اي حاجة والدنيا زي الفل لكن لما طلعت لـ 190 ، شوية وليقت لمبة الزيت نورت!
ركنت على جنب ونزلت اشوف في ايه؟ مبدئياً صوت المكنة متغير (صوت البلوف عالي) واول ما فتحت الكبوت لاقيت فرن الشكمان لونه أحمر!
بطلت العربية وسبتها تهدى لمدة ربع ساعة بعد كده شوفت مقياس الزيت لقيت ان المكنة فيها زيت والزيت كان نضيف مش محروق. مع العلم انا كنت لسه مغير زيت شيل 10 الاف من فترة قريبة جداً.
بعد كده كملت طريقي ووصلت اسكندرية الحمد لله وتاني يوم نزلت بصيت على الزيت لاقيته مظبوط دورت العربية لاقيت صوتها ظبط!

فـ ايه تفسير اللي حصل واعمل ايه علشان اتجنب حاجة زي كده انها تحصل تاني؟

واسف على الاطالة.