لمبة الزيت نورت وانا ماشي على سرعة 190 كم/س !

السلام عليكم
كنت على طريق اسكندرية الصحراوي بعربية جين 2 وماشي معظم الطريق 180/170 ومفيش اي حاجة والدنيا زي الفل لكن لما طلعت لـ 190 ، شوية وليقت لمبة الزيت نورت!
ركنت على جنب ونزلت اشوف في ايه؟ مبدئياً صوت المكنة متغير (صوت البلوف عالي) واول ما فتحت الكبوت لاقيت فرن الشكمان لونه أحمر!
بطلت العربية وسبتها تهدى لمدة ربع ساعة بعد كده شوفت مقياس الزيت لقيت ان المكنة فيها زيت والزيت كان نضيف مش محروق. مع العلم انا كنت لسه مغير زيت شيل 10 الاف من فترة قريبة جداً.
بعد كده كملت طريقي ووصلت اسكندرية الحمد لله وتاني يوم نزلت بصيت على الزيت لاقيته مظبوط دورت العربية لاقيت صوتها ظبط!

فـ ايه تفسير اللي حصل واعمل ايه علشان اتجنب حاجة زي كده انها تحصل تاني؟

واسف على الاطالة.

التفسير انه مع سرعة الموتور العاليه جدا
,الطرمبه مش لاقيه زيت كفايه,معظم الزيت في الهد وعاوز وقت ينزل ,
طبعا عربيه ومتور صغير,اللي عملو العربيه مصممينها
علي 130 كم/س max ومحدش بيوصلها لانها مش عربية سباق
وممكن سبايك تلدع في وقت اللمبه

اقتباس:

---

المشاركة الأصلية كتبت بواسطة Mecha

التفسير انه مع سرعة الموتور العاليه جدا
,الطرمبه مش لاقيه زيت كفايه,معظم الزيت في الهد وعاوز وقت ينزل ,
طبعا عربيه ومتور صغير,اللي عملو العربيه مصممينها
علي 130 كم/س max ومحدش بيوصلها لانها مش عربية سباق
وممكن سبايك تلدع في وقت اللمبه

---

مشكور على الرد ياباشا
طب الاضمن اني اغير لزيت Mobil XHP ؟

اقتباس:

---

المشاركة الأصلية كتبت بواسطة Abdulhamid

مشكور على الرد ياباشا
طب الاضمن اني اغير لزيت Mobil XHP ؟

---

زيت ايه اللى تغيره حضرتك

انت عادى كده تمشى 190كم لمسافات لسيارة غير معدة لكده اصلا احمد ربنا انها مبظتش

انت حضرتك ان اقصى سرعة مسموح بيها 180كم ولمسافة بسيطة ملكش دعوة باللى مكتوب على عداد الكيلومتر
http://www.nilemotors.net/Nile/341669-a.html

انا اخويا كان بيمشى بسرعات خيالية فى السعودية لحد ما اتقلب بسبب جمال قطعت الطريق ونجا باعجوبة بفضل الله

دلوقتى فين وفين لما فى السفر يجيب ال90
اهدى وصلى عالنبى

اقتباس:

---

المشاركة الأصلية كتبت بواسطة abdulhamid

مشكور على الرد ياباشا
طب الاضمن اني اغير لزيت mobil xhp ؟

---

ممكن تحط mobil xhp ,ممتاز مع المواتير الجديده
بس نفس القصه مع السرعات العاليه .اذا اردت ان تطاع فأمر بما يستطاع

انا مش طالع اقفل عداد! هو طول ما الطريق فاضي قدامي انا بجري براحتي وطبعا دا فيه خطورة
بس الموضوع وما فيه اني مستغرب جدا من حاجة زي كده لاني كنت راكب جين 2 جايبة 200 ومعملتش كده! وفرنا واكسنت 190 ومعملوش كده!

اقتباس:

---

المشاركة الأصلية كتبت بواسطة carrier

زيت ايه اللى تغيره حضرتك

انت عادى كده تمشى 190كم لمسافات لسيارة غير معدة لكده اصلا احمد ربنا انها مبظتش

انت حضرتك ان اقصى سرعة مسموح بيها 180كم ولمسافة بسيطة ملكش دعوة باللى مكتوب على عداد الكيلومتر
http://www.nilemotors.net/Nile/341669-a.html

انا اخويا كان بيمشى بسرعات خيالية فى السعودية لحد ما اتقلب بسبب جمال قطعت الطريق ونجا باعجوبة بفضل الله

دلوقتى فين وفين لما فى السفر يجيب ال90
اهدى وصلى عالنبى

---

حسب الكتالوج
الواجا-جين 2/بيرسونا اقصي سرعة 195 كم مانيوال؛ 185 كم اوتوماتيك
.
.
.
.
انا عموما شفت عربيات جين/بيرسونا بتوصل ل210 و 215 بس بعد وقت كبير اوي في مصر و برة
و علي سرعة 180 الrpm مش بيوصل ل6 اصلا و الريد زون عند 7

استهدى بالله اخى ولا تسرع

لو اتأخرت شويه افضل من ان تسرع ويحدث لك مكروه

وكفاك الله شرها

لو العربية عاملة عدد كيلووات كبير يبقى احتمال تكون طلمبة الزيت هي اللى ضعفت مع الزمن ... وده الإحتمال الأرجح طبعا

لكن كونها تعمل كدة عشان مشيت بسرعة ده مش مبرر طبعا ... وأكيد في حاجة غلط في الموضوع .. فلتر هواء مخنوق طلبمة زيت ضعيفة أو كهرباء مش مضبوطة ... أو حتى زيت غير مطابق للمواصفات أو مغشوش

وده مش تشجيع على السرعة ... أبدا ... لازم برضه تفكر في إن على السرعة اللى زي دي وبعربية ركوب مدنية وفي شوارع عامة لو حبيت تفادي أي حاجة يبقى الموضوع خلص حتى لو كانت بورشة ... وياما عربيات بورشة اتعجنت بسبب غلطة في السيطرة عليها على سرعات مقاربة مش خارقة ولا حاجة وفي بلاد أنظف مننا بكثير في شوارعها وطرقها

عشان تتفادي اللي حصلك متمشيش علي180 تاني

اقتباس:

---

المشاركة الأصلية كتبت بواسطة omar mahmoud

حسب الكتالوج
الواجا-جين 2/بيرسونا اقصي سرعة 195 كم مانيوال؛ 185 كم اوتوماتيك .... ومن امتى الكتالوجات كانت دقيقة وبعدين فى اسس فنية بشروط اهمها نوعية الزيت للموتور والفتيس والفلاتر خصوصا الهوا ونضافة الانجكشن ونوعية الكاوتش وحجات كتير فنية
.
.
.
.
انا عموما شفت عربيات جين/بيرسونا بتوصل ل210 و 215 بس بعد وقت كبير اوي في مصر و برة
و علي سرعة 180 الrpm مش بيوصل ل6 اصلا و الريد زون عند 7 ... نزلنا الفيديو دا ضرورى لان انت بتكلم فى مواتير غير اللى فى عربياتنا كده حضرتك مبتنزلش مصر وبتنزل فى الخليج

---

فى التأنى السلامة

السرعة للطوارئ فقط وتكون محترف سواقة سرعة كمان

اقتباس:

---

المشاركة الأصلية كتبت بواسطة carrier

فى التأنى السلامة

السرعة للطوارئ فقط وتكون محترف سواقة سرعة كمان

---

انا اصلا ضد السرعة و مش قصدي حاجة خالص
انا كل اللي بقوله هو اللي الكتالوج كاتبه بس، و ده مش معناه إن حد يمشي علي سرعات زي دي
انا اقصد صور كانت ناس مصوراها في مصر و بيحطوها علي جروب بروتون علي فيسبوك

اقتباس:

---

المشاركة الأصلية كتبت بواسطة Omar Mahmoud

انا اصلا ضد السرعة

---

احييك

يا جماعه النصيحه مطلوبه طبعا كتر خيركم .. وبلاش السرعات العالية

بس عايزين نعرف تفسير علمي للي حصل

اقتباس:

---

المشاركة الأصلية كتبت بواسطة Dr_Smart

يا جماعه النصيحه مطلوبه طبعا كتر خيركم .. وبلاش السرعات العالية

بس عايزين نعرف تفسير علمي للي حصل

---

عربيتهة
مضبوطة عالشعرة ( الوحيدين اللى ممكن يضبطوهالك عالشعرة مركز الصفا http://www.nilemotors.net/Nile/249389-a.html
https://ar-ar.facebook.com/elsaafa ) بالاجهزة

واكيد اكيد وللمرة التالته اكيد بيحط زى الكتالوج ما قال بالضبط بنزين 95 http://nileup.com/up/watermark.php?s...512251.jpg&p=c

مع شوية تحابيش زيت محترم ( ac delco - زادو - كاسترول ايدج ) طبعا تخليقى بالكامل
وكمان
الكاوتش بتاعه
مضبوط صح ونوعه حلو ( بريدجستون او دانلوب او تويو https://www.youtube.com/watch?v=ItqxfGWJIbg كلهم يابانى
**********
او ميشلان فرنساوى واستثنى انجليزى
او كونتننتال المانى رغم كرهى التام لهذه الماركة لانها بتعمل بالونة حجم اكس لارج)