المشاركة الأصلية كتبت بواسطة فادى محمد
+++ الطرمبه ممكن نقيس ضغطها بباروميتر .ضغطها جديده 3.8 بار .. لغايه 3 بار معقول , اقل من كده ..غير علطول .. اعراض ضعف الطرمبه تاخر الدواره الصبح وضعف السحب علي السرعات واحيانا تنتيشه علي الغيار التاني او التالت اثناء السير جوه البلد..
استيراد ب150ج ومش مضمونه ..جديده مضروبه وغاليه.. اصليه برقم خرافي . تقريبا 480ج !! بوش طبعا..
هات طرمبه الفيات الاونو الاوروبي . ايطالي تجميع تركي . نفس الشكل والمقاس بالظبط هتشيل وتحط . جديده طبعا وبتطلع 4 بار .. سعرها مش غالي .وماتنساش تنظف مصفه الطرمبه نفسها وتغير فلتر البنزين
+++بالنسبه لريحه البنزين.. فول العربيه للاخر وبص من الخلف ( تحت التانك) لو لاحظت نقط بنزين بتنزل يبقي الريحه جايه من هنا ( خراطيم الراجع) غيرهم او ماتبقاش تفول للاخر وخلاص.
لو مالقيتش نقط بنزين يبقي الريحه جايه من استيك الطرمبه .لما تغيرها خلي الميكانيكي يركبه كويس .
انما جوه الكبوت صعب يبقي في تسريب بنزين او ريحه!! الهوا حوالين العربيه ممكن يشيل الريحه وتشمها وماتبقاش عارف مصدرها . بس ان شاء الله زي ماقولتلك .