السلام عليكم و رحمة الله و بركاته
يوم الاتنين اللي فات 24-11 عملت صيانة العشرة آلاف لبيجو 301 مانيوال
الصيانة كانت في فرع شل مرغم الاسكندرية
قابلني مهندس استقبال شكله جديد اسمه محمود
أحمد عادل كان قاعد في الورشة جوه
أنا عامل بالعربية 4000 كيلو بس و ميعاد صيانتي يوم 24-12 لكن رحت عشان عندي شكوى من الفتيس...المارشدير مش بيجي من اول مرة و ساعات لازم أدي الاول عشان يجي معايا
المهم...حجزت الساعة 9 صباحا
وصلت الساعة 9:10
مفيش جديد بالنسبة للفتيس..قعد يقولي رجع الدواسات لورا و هات مشوار الدبرياج على اﻵخر
يا سيدي لو المشكلة في سواقتي أشمعنى مبانتش غير بعد 4000 كيلو
المهندس محمود جربها بنفسه..تجيب مرة و مرة ﻷ
خدها فني من الورشة و طلع بيها على الطريق و رجع تاني....سألت عن السبب قالي عايز يجرب و العربية سخنة
جربنا بعد مرجعنا الدواسات لورا...مفيش جديد
الغيار الخلفي ساعات يجي و ساعات ﻷ
في النهاية بلغتهم أن أي حاجة تحصل فالفتيس على مسئوليتهم
أنا عداني العيب...رحت الصيانة قبل ميعادها بكتيير
غيروا الزيت بزيت موبيل 10 و غيروا فلتر الزيت
و ثبتوا الشبكة اﻷمامية عشان كانت بتقع
العربية أتغسلت و مشيت من هناك على الساعة واحدة الضهر
الصيانة اتكلفت 550 جنيه بدل 600 عشان كان في حملة خصم
المانيوال منزلوش سوفت وير لكن الاوتو له تحديث
تحياتي
المفضلات