الموضوع: كيفيه تغيير زيت الباور

الطريقة الصحيحة انك تفك الخرطوم اللى رايح للاسكاتره و بدون تدوير للعربية - كل الزيت هينزل و بعدين تركب الخرطوم و تحط الزيت الجديد

المشاركة الأصلية كتبت بواسطة atpo56a

السلام عليكم احبائي اعضاء وزوار المنتدي
احكي لكم تجربه زميلي بالعمل كان عند ميكانيكي
لتغيير زيت الباور علشان كان لونه اسود محروق
المهم زميلي اشتري علبه زيت موبيل 320
الميكانيكي فتح قربه زيت الباور وسحب كل الزيت القديم بسرنجه وشغل العربيه ولف الدركسيون يمين وشمال لخروج الهواء فقلت له يا عم الحاج هو مش فيه زيت قديم في الخراطيم اللي واصله من القربه حتي طلمبه زيت الباور يعني الجديد حيتخلط مع القديم فرد وقاللي يا عم كده اللي انا عملته صح ومش عاجبه الكلام
المهم انا وزميلي قررنا نغير الزيت بطريقه تاني
حنشتري زيت جديد وحنفك خرطوم الراجع اللي جاي من الطرمبه بتاعت الباور ونشغل العربيه لغايه ما الزيت كله يخلص وبعد كده نزود الزيت الجديد لغايه ما نلاقي الخرطوم منزل كل الزيت القديم الغامض ونصبر حتي ينزل الزيت الاحمر الجديد الفاتح وبعد كده نركب الخرطوم تاني ونفرغ الدوره من الهوا - ايه رايكم نعمل كده ولا ممكن حاجه تبوظ ونقول يا ريت
اللي له تجربه تغيير الزيت كله يخبرنا ازاي
اشكر كل من ساهم بالرد

تمام كدا , الله ينور
بس محتاج واحد يكون جوا العربية والتانى واقف على الزيت

لو عملت كده الطلمبه حتبوظ طبعا
ينفع تدور موتور العربيه بدون زيت؟

لو عملت كده الطلمبه حتبوظ طبعا
ينفع تدور موتور العربيه بدون زيت
يا باشا ده احنا حنشغل العربيه وفي نفس التوقيت نكب الزيت الجديد في القربه علشان الزيت القديم ماكينه البور تطرده من خرطوم الراجع يعني خرطوم ياخد زيت جديد مقايل له خرطوم يطرد الزيت القديم والخرطومين راكبين في نفس قربه زيت الباور ده نفس نظريه غسيل دوره المياه عن طريق فصل خرطوم راجع الريداتير ووضع خرطوم المياه في القربه علشان اللي داخل يطرد اللي جوه
يا ريت لو فيه اي ملحوظه ممكن المشاركه

انسب نوع زيت ايه ، وكل عربية ليها نوع ولا كله سيان ؟!

هاتفك خرطومين الزيت من الخزنه وتفضيها الخرطوم اللي فوق ده الراجع هاتحط تحتيه اي علبه وهاتدور العربيه لمده ثواني الطلمبه هاتدور وطرد الزيت اللي فيها كله بس ثواني يعني عشر ثواني بالكتير هتلاقي كل الزيت نزل طالمه الخرطوم مش جايب زيت خلاص كده تمام وصل كل حاجه تاني وزود الزيت ودور العربيه وحرك الدركسيون يمين للاخر وشمال للاخر عشان تطلع الهو وزود الزيت علي لغيه ما توصل للمستوي المظبوط لو انت خايف من دواره العربيه علي الطلمبه اخلع كاتوت البنزين ودور العربيه يعني علي المارش بس يعني مش هاندور المكنه وما تخفش علي الطلمبه مش هايحصلها حاجه من عشر ثواني دول وهي اصلا بتفضي زيت
الكلام ده عن تجربه

شششششششششششكرا للرد