من فضلكم .. السمارت كي ضاع ومش عارف اعمل ايه !؟
المشكلة انه تقريبا ضاع جنب البيت وخايف تتسرق ولو عملت جديد يبقي Spare معايا هيكون ايه الحل فى اللى ضاع .. برجاء الافادة
ملحوظة فى ناس قالتلي ان حل الموضوع هيكون مكلف فى التوكيل لأن العربية خليجي
برجاء المساعدة و مشكورين مقدما
روح ف التوكيل افضل
شغل البصمه اعتقد مش اي حد يفهم فيه
روح التوكيل ...تتكلف زي ماتتكلف افضل من انك تخسر العربيه ﻻقدر الله
راحه البال ﻻتقدر بثمن
على قدر معرفتى .
ان التوكيل هيلغى البصمة القديمة وهيطلع مفتاحين جداد ببصمة جديدة ... ويلغى القديم ... يعنى الحرامى حتى لو جه يفتح العربية مش هيقدر .
والله أعلم .. أتأكد من الكلام ده ... ولو صح ... توكل على الله بدون تفكير
حضرتك هاتروح التوكيل تطلب مفتاحين وكده كده التكويد الجديد بيلغى القديم ماتقلقش المهم يكون فى اسرع وقت علشان مايحصلش حاجه لاقدر الله
توكيل علي طول يا باشا
متتأخرش فأمان العربية