-
سؤال عن عفشة السيريون
كان عندي استفسار عن عفشة السيريون ؟
مش عارف حاسس ليه ان العفشة ناشفة شوية مع العلم ان العربية لسه عاملة 200 كم و ساعات بسمع صوت خبط خفيق ورا ؟ ولا يمكن عشان انا بقارنها بعفشة لانسر بوما بتاع والدي ؟؟؟؟
فهل العفشة بتلين بعد 1000 كم الاولي ؟
وهل ممكن ممكن ضبط هواء الاطارات يلينها شوية ؟؟؟ ولو كده الصح اضبطه علي كام ؟؟
وشكرا
-
هيا العفشه ناشفه شويه فعلا بس ده بيديك ميزه في الثبات ومتحسش بالملفات قوي وتريحك جدا في الغرز
وهيا هتلين شويه مع الوقت بس مش هتلين كتير
اما زبط الهوا في الكاوتش بيفرق جدا جدا جدا في ثبات العربيه وادائها
والاحسن زي ما قالولي الاخوه هنا انك تزبطها على 31 وده مكتوب على القايم عند باب السائق
وصوت الخبط الي وره ده عادي ومجود عندي بسمعو لما امشي براحه في شارع غير ممهد
-
العفشة مش هتحس بأداءها الا بعد 5 الاف كم
وبعد 10 الفا هتبقى خلاص كده ده ادائها الطبيعي
وانصحك تحط نيتروجين في الكاوتش بتاع العربيه هيفرق في الاداء والنعومة
ولكن عموما هيا مش زي الكورولا
يعني العربيه عفشتها رياضية شويه
-
العفشة بتاعة العربية ناشفة, بالرغم من ان مساعدينا "طرى" اللى بيديك ايحاء انها ناعمة و مريحة
بالاضافة الى صغر حجم قاعدة العجلات, فانت تقريبا قاعد على العجل, و حاسس بمعظم الحاجات اللى فى الطريق
العفشة هتنعم حاجة بسيطة مع الوقت, و النيتروجين بيعمل فرق بسيط برضه (احسن من مفيش :) )
-
بسم الله الرحمن الرحيم
بص ياأخي الكريم
لو الصوت طقطقة مكتومة ضع بعض الشحم عند زور المساعد الخلفي بمعنى ملتقى أويل سيل المساعد مع الأكس وإن شاء الله الصوت سوف يختفي
Content Relevant URLs by
vBSEO 3.6.0 PL2