يهمني اراء الجميع بذلا عن الانسيجنيا
عرض للطباعة
يهمني اراء الجميع بذلا عن الانسيجنيا
الانسيجنيا قوة المحرك (حصان/لفة.دقيقة) 170/4250
ال s 80 قوة المحرك (حصان/لفة.دقيقة) 180/5700
بصراحه لما ركبتها حسيت انها افخم كتير من عربيتي اوسع قويه جدا
هي نقلة بس مش كبيرة ده نظرا لأن الاتنين نفس قوة الموتور تقريبا (170 من 180 حصان مش هتفرق ) و الفرق بينهم في الكماليات مش كبير أوي ... الفولفو تميز بس مش مستاهلة تدفع 99000 فرق !!!
معاك بس عارف لما تجربها غير ما تشوف بس او عالسمع العربيه فمنتهي القوه انا بعشق الانسيجنيا وجبت بيها سرعات عاليه جدا وصالونها بالفعل مريخ ومميز جدا بس الفولفو تحس وانت راكبها انك مميز اكتر السهل الممتنع مفيهاش بهرجه بس قمة الفخامه تحسسك انك باشا ياشا يعني والجمع بين الشكل الكلاسيكي والرياضي رائع مش زي الانسيجنيا شكلها رياضي بس واخده مالاسترا شويتين حلوين
بص لو معاك توب لاين يبقى الصراحة مش مستاهلة الانسجنيا حلوة برضه و شكلها شياكة جدا و مميزة برضو انا بالنسبة لي اركب الانسجنيا شكلها رياضي عن ال s80 فدي اذواق و لو على الطابلوه فطبلوه ال s80 احلى بشكل بسيط
مش عارف يا عبده
ابتديت احس ان شكل الانسيجنيا شبه الاسترا شويه ودا مضايقني مع اني بحب شكلها جدا خصوصا الشنطه بس تصميم الفولفو سهل ممتنع مفيهوش بهرجه وفنفس الوقت رائع اما بالنسبه للتابلوه فا بصراحه الانسيجنيا جميله مالداخل بس مبهرجه زياده عن اللزوم الفولفو كلاسيك اكتر ريتشابل اكتر
بالنسبه للمواتير الفرق مش عالي بس ملحوظ الثبات تقريبا واحد بس الفولفو اوطي وحركتها اسرع
الامان اعتقد للفولفو
المساحه الداخليه للفولفو
صوت الموتور احلي فالفولفو
ممكن تمشي ب ٩٢ اوكتان من غير مشاكل نهاءي
الصاخ فولفو اقوي
الجنوط اكبر فالانسيجنيا واحلي
الراحه فالفولفو اعلي
هجرب النهارده بإذن الله السرعات العاليه بال فولفو وهقولكوا عالاخبار
انا شايف الانسجنيا شكلها جامد
هى شبه الاسترا حاجة بسيطة من قدام بس لما تيجي تشوفها جنب الاسترا الوضع مختلف من الحيث الشكل الافخم للأنسجنيا خصوصا ان الانسجنيا فوانيسها الخلفية اكثر من رائعة
الفولفو جامدة طبعاً و افخم و اظن انها فئة اعلى كمان لأن الانسجنيا تتقارن ب s60
و في كلا الحالتين انت كسبان
أنا سقت ال volvo s60 بغض النظر عن تابلوهها الخيالي وكراسيها الجلد الطبعي الفخمة المريحة لكن كسواقة معجبتنيش نهائي ، دريكسيونها تقييل بافترا بجد أتقل من اللانسر البوما، عزلها للصوت متوسط مش مييز يعني ، صوت المتور أعلى من صوت متور الجولف ٧ 1.4 TSI 140 hp بشكل ملحوظ
لكن معرفش إذا كانت الs80 سواقتها مختلفة عن ال s60 ولا لأ لإني مجربتهاش صراحة
الاسعار و الفئات ايه ؟؟؟