انا عملت نص عمره للموتور غيرت البساتم بطقم الشنبر . بس المشكله اني ملقتش البستم بتاعها الارجينال لقيت بستم بنفس الابعاد بس شكل غرفه الحريق مختله . بعد مخلصت العمره ظهر معايا الاتي .
ظهور سكه في الغياراتا .
سحب العربيه ضعف عن الاول .
العربيه بتاكل بنزين .
مع العلم اني غيرت طقم الكبلات بتاع البوجيهات
طبعاً دى مشكلة عويصة لأنك غيرت فى تصميم المحرك شوية ..... ممكن تعديلك ده كان يحسن أداء الموتور وممكن يقلل أداء الموتور زى ماحصل معاك ..... طبعاً شكل البستم بيكمل حجم غرفة الإحتراق ولو زاد حجم الغرفة أو قل بيختلف أداء الموتور وحرق البنزين داخل الاسطوانة وبالتالى بيقل قدرته وعزمه ...... مقدامكش غير إنك تجرب شوية حاجات علشان توصل لأحسن اداء .... لو عربيتك فيها اسبراتير وكاربراتير حاول تقدم الكهربا او تأخرها علشان توصل لأحسن نتيجة وبعد كده تظبط الهوا والبنزين بتوع الكاربرتير وشوف ايه اللى حايحصل.