يا اهل الخير استفسار مهم جدا بخصوص لمبه EBC في تابلوه الاسبرانزا a113 منوره وانا مش عارف
دي بتاعه ايه وحاسس ان العربيه بتاكل بنزين من ساعه منورت
برجاء من الخبراء يقولولنا السبب وازاي اعالج المشكله
لنا خايف اروح لحد ويشتغلني كالعاده
عرض للطباعة
يا اهل الخير استفسار مهم جدا بخصوص لمبه EBC في تابلوه الاسبرانزا a113 منوره وانا مش عارف
دي بتاعه ايه وحاسس ان العربيه بتاكل بنزين من ساعه منورت
برجاء من الخبراء يقولولنا السبب وازاي اعالج المشكله
لنا خايف اروح لحد ويشتغلني كالعاده
منوره حتى والعربية دايره ولا بتطفى قبل الدوارة
منوره علي طول ما تنطفيش خاااالص
كده يبقى فى مشكلة قائمة و الكمبيوتر مسجلها و هتكون فى البوابة او حساس من حساسات العربية - لو فى حد جنبك شغال فى اسبيرانزا و عنده كمبيوتر فحص اعطال وديها و افحصها وشوف العيب فين- لو مفيش جرب تنظف البوابة بسائل تنظيف - ممكن تعملها بنفسك او تروح لميكانيكى ينظفهالك مش هتتكلف مصنعية 20 جنيه وسائل 20 جنيه وهيفيض معاك - تنظيف البوابة بيحل المشكلة فى 90 % من الحالاتاقتباس:
المشاركة الأصلية كتبت بواسطة walid adel
بعد اذن حضرتك هو ايه الحساسات بتاعة العربيه؟؟ قصدك الباركينج سينسور؟؟ و ايه هى البوابه اللى بتتنضف دى؟؟؟اقتباس:
المشاركة الأصلية كتبت بواسطة دكتور خالد
معلش انا لسه شاريه العربيه من كام يوم و لسه مش عارفه فيها حاجات و بادور فى المنتدى للاستفاده من خبراء السيارات
لا الحساسات غير الباركينج سينسور - العربية فيها كذا حساس و اهمهم حساس البوابة او التى بى اس و البوابة دى هى مدخل الهواء اللى بيتم خلطه مع البنزين و بتفتح و تقفل على حسب الضغط على دواسة البنزين - وهى دائمة الاتساخ وبتعمل مشاكل كتير اللى زى صاحب الموضوع واصفها ويجب تنظيفها دوريا كل 6 شهور مثلا - فى كمان حساس العادم و حساس الكرنك و حساس السرعة بس دول اعطالهم نادرةاقتباس:
المشاركة الأصلية كتبت بواسطة حفيدة خديجه
حضرتك فك حساس الشكمان اللي راكب على علبة البيئة نضفه وركبه تاني وشيل كابلات البطارية ورجعها تاني لو اللمبة مطفتش غير الحساس ده اسمو حساس الشكمان
والافضل والاحسن انك تكشف كمبيوتر عند اي حد ب 30 او 40 جنيه هيطلعلك العطل بالظبط .