تجربتي مع محمد عبدة وفضل محمد ممدوح عليا
تجربتي مع محمد عبدة وفضل محمد ممدوح عليا
يا جماعة انا كان عندي زيت الموتور بينقص بشكل مش طبيعي تقريبا كدة كنت بحط المقياس بتاع الزيت مكنش حتا بيتوسخ المهم جيت زيت 10000وروحت للميكانيكي وقلتله عايز اغيرزيت وتقولي الزيت القديم راح فيين
الميكانيكي قالي اويل سيل الموتور هو الي بيجيب زيت وعشان نعمله لازم نفك الموتور وقعد كدة قال كام حاجة انا مفهمتهمش بس الي ظهر من كلامه انه فيلم روحت مكبر دماغي خالص المهم لما سالت محمد ممدوح قالي روح لعبده وهو هيظبطلك الدنيا وفعلا كلمت عبدة وقلتلوا انا من طرف ممدوح قالي اهلا بيك وكدة ووصفلي المكان بالظبط وبعدين روحت وكلمته وجة خادني من المكان الي انا كنت فيه وقابلت الباشمهندس حسن عبده اخو وهو الي اشتغل في العربية مع محمد المهم انا وصلت هناك الساعة اربعة الناس اعدت شغالة حوالي 6 ساعات متواصلة وانا معاهم واهم حاجة انهما بيشاركوك معاهم عشان واحدة واحد تفهم المهم طبعا مش هقولكوا علي واجب الضيافة الجامد الي اتعمل والناس كلها ذوق جيدا وفعلا حسن عاملي الاويل سيل والعربية بقت تمام وعلي فكرة علي الشغل الي اتعمل دة كلوا هو تقريبا مسابش حاجة راكبة غير الموتور مش اقل من 300مصنعية بس هو خد اقل من كدة بكتير شكرا يا محمد علي الهدية دي علي فكرة انا شوفت صورتك هناك مع النوبيرا
