-
طلب فى سعر لاب توب dell
يا جماعة انا قدامى طريقة ممكن اجيب بيها لاب توبات dell وابيعها
بس مش عارف ممكن ابيعهم بكام اخره
هو مواصفاته هتكون كده
Dell Laptop
Product Features
• Intel Core 2 Duo T5600 (2x1.83GHz), 1GB DDR2 SDRAM, 120GB SATA HDD, 256MB ATI MOBILITY RADEON X1400, 8X DVD+/-RW Burner,
• 15.4-inch LCD, Integrated 10/100 Network Card and Modem, 802.11b/g Mini Card, 53 WHr Battery, Windows XP Home
Technical Details
• Computer Memory Size: 1 GB
• Computer Cpu Speed: 1.83
• Computer Cpu Type: Intel Core Duo
• Native Resolution: 1280x800
• Display Size: 15.4 inches
• Wireless Communication Standard: 802.11G
• Hard Disk Size: 120 GB
• Hard Disk Interface: Serial ATA
• Operating System: Windows Vista Home
• Hardware Platform: PC
• System Ram Type: SODIMM
وهل مواصفاته كده كويسه
وياترى يساوى كام والجديد منه هنا بكام
طيعا جديد وارد الخارج فهيكون من غير ضمان الا لو فى ضمان دولى هنا
لو حد يقدر يقولى تمنه كام هنا ياريت وده يساوى كام
-
والله ياصديقي الموضوع ده بقى صعب جدا لشدة المنافسة وكثرة المعروض ونزول العديد من الموديلات الأحدث بسرعة كبيرة
زمان كان أسهل من كده بكثير وكان ممكن تكسب كويس قوي في اللابتوب لكن دلوقتي الله المستعان
فلو ناوي تركز في الموضوع لازم تنزل السوق وتشوف الأسعار بنفسك وتقارن بينها وتعرف إيه اللي مطلوب وبعد كده تجرب واحدة واحدة عشان ماتتورطش في مبالغ كبيرة ولو ربنا وفق وعملت علاقات وزبون يبقى الموضوع سهل بإذن الله وحتى الخسارة ممكن تتعوض
لكن لو حتاخد الموضوع خفيف خفيف بدون تركيز فلا أنصحك بهذه الطريقة وممكن تعمل حاجة تانية
إنك تجيب أجهزة تمنها غالي في مصر وتكون بره سعرها أفضل من هنا بكثير وتجيب حتة حتة وتقلبها بسعر كويس وبكدة ممكن تشتغل خفيف خفيف وتكسب مكسب معقول من غير مخاطرة كبيرة
ونصيحة ليك برضه لو قلبك مش جامد في البيع والشراء زي حالاتي وبتركب الهوا بسرعة يبقى بلاش السكة دي أحسن وممكن تستفيد منها لمزاجك الشخصي لو إنت من عشاق التكنولوجيا
أنا عن نفسي كل فترة أجيب جهاز جديد من بره مع حد صديق لي وأستخدمه فترة وأعرف كويس وبعد كده أبيعه بسعر معقول بدون خسارة أو بخسارة ضيئلة باعتيرها بدل استخدام وأجيب حاجة أحدث وهكذا
وفقك الله لكل خير
أخوك
د/أحمد
اسكندرية برضه
-
متشكر جدا لنصيحة حضرتك وكلامك الجميل
بس انا قولت اهو الواحد يتسلى ويحاول يطلع اى حاجة من البلد دى عموما موضوع اللاب توبات شكله مش هيتم الموضوع اتكعبل شوية
بس برضه الحمد لله فى موبيلات فى الطريق
-
السلام عليكم الجهاز موصفاتة جميله بس منصحك انك تشتريه الا لو كان سعرة واقف عليك فى حدود 1500 الى 1800 غير متشتريش المنفسة شديدة و الكور ديو فى السوق بيعملوا 2500 المستعمل و الجهاز بتاعك من غير ضمان لو جديد حتى حيتعامل مستعمل الا لو جيبة بالكرتونة
Content Relevant URLs by
vBSEO 3.6.0 PL2