برجاء من الاخوة فى المنتدى بافادتى حيث انى محتار بين الالبريليانس v5 والانسر شارك
واذا تفضلتم بسرعة الرد اكون شاكر
عرض للطباعة
برجاء من الاخوة فى المنتدى بافادتى حيث انى محتار بين الالبريليانس v5 والانسر شارك
واذا تفضلتم بسرعة الرد اكون شاكر
بص أهم حاجة تسيبك من اللي هيقولك البريليانس صيني عشان الكلام ده مابيأكلش عيش ... خليك في البريليانس لأنها عربية ممتازة ... ملحوظة : أنا سوقتها مرة واحدة بس
شكراً ياباشمهندس وانا كنت راكب تيجو وكانت حلوة ولولا عدم توافر الاتوماتيك كنت ركبتها تانى وكذلك ركبت البيجو والرينو المهم مدى الاعتماد عليها
لو مكانك البريلليانس
ليس تحيز بس ال v5 و خاصه لو هاى لين لن تقارن بالقرش مع ان الاثنين نفس الموتور
بس بالنسبه للحجم و الثبات و الااوبشن و حاجات تانيه كتير ال v5 تكسب
و شكرا
V5 رفاهية اعلى وعربية suv والشارك حلوة بس الوكيل هنا مفضيها بدرجة تحزن العربية دي خرافة حرام يتعمل فيها كدا .
اليتجو الاوتو الجديده
ممتازه اتسحبت الدفعه الاولي من السوق في وقت قياسي
اعتقد الناس بترشح ال v5
بس العربيتين فئتين مختلفتين
عموما هيا عربيه ممتازة
وبالتوفيق
شكراً يا جماعة استخرت واستلمت الv5 النهاردة
دعواتكم
ياريت نفعل المجموعة ونتشارك الخبرات عن المميزات والعيوب والصيانة
أشكركم
الف مبروك ربنا يديك خيرها ويكفيك شرها
اختيار موفق
الف مبروك العربية يا فندم وربنا يباركلك فيها .
الف مبروووووووك ياكبير
ألف مبروك و ربنا يارك لك فيها و اى سؤال او استفسار انا فى الخدمه
لو هاى لين يبقى هقدر افيدك فى اى سؤال ان شاء الله
شكراً ذوقك ....هى فعلاص هاى لاين
هل اللوك بيقفل مفاتيح الزجاج الاربعة حتى مفتاح السائق؟
ها ممكن تركيب شاشة فيديو؟
ممكن اضافة ايه كمان؟
ممكن تركيب شاشه و كاسيت اخر عند واحد فى شارع دمشق
احد الزملاء فى المنتدى ناشر تجربته
ركب الكاسيت و الشاشة و الكاميرا الخلفيه و شاشات المخادع ب 5000 جنيه
ممكن حضرتك تشوف البوست ده و اعتقد ان فيه كل التفاصيل
و فى كمان حاجات كتير للعربيه فى شارع دمشق مثل الغطاء الخارجى
لا انصح بتكيب فرش داخلى علشان الااير باج اللى فى الكراسى الاماميه فلو حبيت تركب فرش داخلى
ركب للكنبه الخلفيه فقط
اما بخصوص اللوك لو حضرتك تقصد لوك الزجاج حرد على سيادتكم غدا ان شاء الله حجرب و اقول لك
و شكرا
بالنسبه للوك الزجاج
يغلق الاثنين الخلفين فقط و ده الاستاندر فى كل العربيات لمنع عبث الاطفال
فلو اللوك عند حضرتك بيقفل زجاج الاربعة ابواب فعند صيانه ال 2000 بلغهم فى التوكيل
و لو هناك اى ملاحظات خلال ال 2000 كيلو الاولى فنصيحتى اكتبها فى ورقه و بلغهم و سيتم تلافى كل الملاحظات ان شاء الله انا عملت كده و التوكيل محترم فعلا بس عاوز صبر
و اى سؤال اخر انا فى الخدمه لكى تعم الفائده على الجميع و شكرا
ايه اخبار السيارة مع حضرتك حتى الان؟ هل ظهر بها اى مشاكل او عيوب؟
و ايه اخبار العفشة؟ ناشفة
الف مبروك العربية الجديدة
أنا متابع الموضوع و محتاج اعرف ايه عيوب و مميزات العربية فعلا معاك
و يا رب يكون موضوعك خطوة حلوة لتنشيط القسم
السلام عليكم،
ايه أخبار العربية معاك يا فندم .
العزل من صوت الموتور وعزل الزجاج والتقفيل الداخلي للفرش وفتحة السقف؟
كمان يعد اذنك المطبات معاك عامله ايه ومساحة التخزين والشنطه الخلفيه واخيرا السحب ؟
معلش أسئله كتيره عشان واحد مقبل على شرائها ولكم جزيل الشكر.
العزل من صوت الموتور وعزل الزجاج والتقفيل الداخلي للفرش وفتحة السقف جيد جداً
أما المطبات هى ناشفة شوية ومساحة التخزين والشنطه الخلفيه مناسبة لى
أما السحب لم أجربه......فى المجمل عربية جيدة ولكن مع المطبات مش سلسة كالتيجو والنيسان والبيجو
مبروك يا باشا
سؤال لأصحاب الخبرة فى v5
هل مشغل المحرك بيعلق معاكم لأنه علق معى أكثر من مرة.....مرة فى المهندسين وقالو لى بسبب التشويش فى المنطقة بيأثر على إشارة المفتاح ومرة بدون سبب ولكنه بيرجع بعد فترة عادى؟؟؟؟؟؟؟؟؟؟
ممكن نعرف منك استهلاك البنزين قد ايه من غير تكييف وايضا بالتكييف
لانى سمعت ان التكييف بتعها قوى وبيحرق بنزين كتير
وياريت كمان لو عندك فكرة عن اسعار قطع الغيار
المتوسط فى كل الاحوال 200 لتر فى الصفيحة وتأثير التكييف على الاستهلاك مش كبير