-
سؤال لجهابزة الاوبل ؟
العربية عندى فيكترا بي 96 متعدلة cdx موتور 2000 اوتوعندى شوية ملاحظات ارجوا اللاجابة عنها علشان انا دليلى احتار
1- السحب عندى بحالات يعنى ممكن تمشى زى الفل او تبقى زى البطة وغالبا لما بفك قطاش البطارية واركبة بعد اى صيانة تتحول العربية بقدرة قادر الى صاروخ من اقل دوسة وبعد فترة يمكن يوم او اقل ترجع تهيس يعنى حسب الحالة المزاجية للعربية عايز اعرف ايه الاحتمالات الى ممكن تخلى العربية كدة
2- لبمة تشيك بتنور لما اعدى سرعة 140 ك ابطل العربية وادور تانى تطفى
ملحوظة : انا بعمل كل حاجة فى العربية بايدى سواء ميكانيكا او كهرباء او عفشة وغيرت سير الكاتينة وبلية الكاتينة والتقسيمة مظبوطة على الشعرة ونظفت المانافول وفكيتة حتة حتة ورجعتة فبريكة كانة مشتغلش وغيرت البوابة وحساس الايدل وحساس البوابة ونظفت الرشاشات التراسونيك وبتعمل فى السفر على سرعة 90-100 حوالى 240 كيلو فى الصفيحه العربية فيها كمبيوتراعطال كامل -نظفت حساس الكولنت -مطبب الegr -مغير الطرمبة بوش الاصلى
انا احترت واحتار دليلى نفسى العربية تبقى على نفس اداء لما بشيل قطاش البطارية العربيةوارجعة تانى فعلا بتكون زى الصاروخ وبتكون سرعة الاستجابة عالية فهل دا ممكن يكون عيب فى الموتور ولا فى الفتيس ؟؟؟؟؟؟؟؟؟
-
كده عندك حساس بيعلق .. واما تشيل كابلات البطاريه بيعمل ريست ويرجع تانى ... لازم تعمل تشيك على العطل اللى بيظهر وانا شاكك فى حساس الكامه
وتحياتى على الشغل فى عربيتك بإيدك
-
دى اعراض نقص زيت الفتيس شوف زيت الفتيس اكيد ناقص او عايز يتغير واكشف كمبيوتر علشان تعرف العربية مسجلة عطل ايه لما لمبة التشيك نورت فى الغالب حساس الجكمان عايز يتنظف ب كارب كلينر
تحياتى
-
اشكركم على سرعة الرد
1- حساس الكامة فعلا كان بينور وبيخلى الموتور يفصل على 4.5 فكيت الحساس ونظفتة كويس طفت اللمبة والموتور رجع طبيعى يعنى بيفصل على 6.5 او 7 ولما لمبة التشيك بتنور بمور العربية وادوس بنزين جامد علشان اشوف دا حساس الكامة وحيخلى الموتور يفصل بدرى الاقى ان الموتور طبيعى مفيهوش حاجة بس اللمبة منورة
2- طب الخنقة لما بتيجى مفيش لمبة بتنور كل الحكاية ان سرعة الاستجابة بتبقى ضعيفة بدوس بنزين وكانى مبدوسش وازاى اعرف الحساس المسئول عن الخنقة دى
3- انا فعلا بقالى فترة منظفتش حساس الشكمان هو ممكن يعمل الخنقة دى ؟؟؟؟؟؟؟
4- زيت الفتيس ممكن يبقى ناقص شوية مش كتير لان انا الاسبوع الى فات غيرت الكبالن وجبت طقم كامل استيراد من عند السورى الى فى شارع المرسيدس ب400 جنية ونزل شوية زيت وانا بركبهم بس مش كتير
5- يا جماعة انا بجد متشكر لكل واحد بيحاول يساعد او حتى مبيبخلش بمعلومة وبيفيد بيها كل محتاج لان انا لو مشيت ورا عك الصنايعية هبيع هدومى مش العربية
6- سؤال مهم انا عاوز احول العربية غاز طبيعى لان مشاويرى كتير جدا وشغلى بيعتمد على العربية ممكن اعرف اية الاضرار ولو مفيش اضرار ممكن تنصحونى اركب فى اى شركة ولو فى حد من الاعضاء مركب غاز ياريت يفيدنا بتجربتة وشكرا
-
نا عاوزك تمشي 140
واول لما اللمبة تنور تروح تكشف
تشوف سببها اية
-
بالنسبة للغاز انا اقدر افيدك انا حولت فى شركة غازتك عربيتى هما اولا بيكشفوا على العربية الاول و بيقولوا لجضرتك الجهاز الى ينفع لعربيتك او ان عربيتك متنفعش فى الغاز اصلا بكل امانه و على العموم ممكن تشرفهم بالزيارة انا بصراحة رحت اسأل اسأل قمت محول .
Content Relevant URLs by
vBSEO 3.6.0 PL2