الموضوع: عايز اشتري شقه في اكتوبر اشتري فين ؟

كنت عملت التوبيك ده من اسبوع تقريبا
http://www.nilemotors.net/Nile/449828-a.html
ولما الناس كلها شتمت ان المرشدي مبيسلمش في مواعيده فقلت اشتري في جاردنز بدل بالمز علشان استلم فوري وفعلا رحت واشتريت من الشركه شقتين ( الشقه الواحده 63 متر صافي ) جمب بعض كااااش في مكان مميز جدااا في الكمبوند ( كانوا متباعين وصاحبتهم رجعتهم للشركه تاني ) ودفعت مقدم ومشيت وقلتلهم هكمل الفلوس بعدها بيومين وفعلا بعد يومين رحت ومعايا باقي الفلوس لقيت الشركه بتقولي ده في شقه من الاتنين اتباعت طبعا خدت المقدم اللي كنت دفعته ومشيت
المهم
انا معايا دلوقتي 280 الف وممكن اوصلهم ل 300 الف بالعافيه وكنت عايز اجيب حاجه في اكتوبر الغرض الاول منها هوه الاستثمار وممكن بعد سنتين تلاته اتجوز فيها
اجيب فين بالسعر ده ؟؟
انا سمعت عن كمبوندات كتير في حدايق اكتوبر زي المنتزه وبيتا جاردنز ودجله جاردنز والحي الايطالي والاسباني وبيت المصريه انا معرفش حاجه في دول ولا نظامهم ولا اسعارهم ولا اي حاجه
فياريت لو حد يعرف اي حاجه يقولي وينصحني اعمل ايه
وكان حد صحيح كان قالي برضه علي هضبه الاهرام ( معرفش اصلا مكانها ولا اعرف فيها حاجه )
انا زي ما قلت معايا 280 - 300 الف كااش & عايز استلم فوري & شقتين من اللي مساحتهم 63 صافي او شقه واحده مساحتها كبيره & الهدف الرئيسي هوه الاستثمار بس ممكن كمان سنتين اسكن هناك لو الدنيا كانت بقت حلوه وشدتني
مستني ارائكم واسف لو بتقل عليكم وربنا يجازيكم خير يارب

ايه يا جماعه محدش يعرف حاجه ولا ايه ؟