الموضوع: ماذا نفعل عندما نري سيارة عطلانة و تقودها واحدة ست ؟؟

المفروض الواحد بيعامل خير مش نازل يبص علي صاحبه العربيه اذا كانت حلوه ولا لا
ربنا يهدينا و يهديكو يارب

لو وقفت لواحده وافتكرتني بعاكسها وانا اتضايقت ومشيت باذن الله ربنا هيجازيني على نيتي وهي الخسرانه.:k48:
وطبعا لو اي حد تاني الثواب والاجر عند ربنا
ببساطه شديدة :

اعمل ما شئت كما تدين تدان

لا تقف لاى سيدة

هناك العديد من العصابات تقوم بذلك لسرقة اللى يقرب للمساعدة

ومش بعيد تتهتمك بالتحرش وتتحبس

المشاركة الأصلية كتبت بواسطة Ramy_Ali

لا تقف لاى سيدة

هناك العديد من العصابات تقوم بذلك لسرقة اللى يقرب للمساعدة

ومش بعيد تتهتمك بالتحرش وتتحبس

بلاش الخوف يمنعك من انك تكون فى عون اخيك

وبلاش تبقى مناع للخير

يمكن ست فعلا فى موقف صعب وانت ببتقدر مدى الخطوره على حسب الموقف كله والمكان والتوقيت والشكل العام


حصل معايا موقف بايخ اشتريت طلبات ورصيتها وقفلت شنطه العربيه على المفتاح
فى كارفور الصحراوى ومعنديش حد يجيب لى المفتاح الاحتياطى ومعنديش حد يجى ياخذنى من الصحراوى ومفيش حد يوصلنى للبيت كمان وكانت الساعه8بالليل
طلبت مساعده من بنات افتكرنونى هسرقهم ولا بشحت ولاايه مرضيوش يفتحوازجاج سيارتهم
لولا شابين ولاد حلال قعدوا يحاولوا معايا نطلع المفتاح ساعه
ومعررفوش وعرضوا عليا اى مساعده و طبعا رفضت يوصلونى او ما شابه
مش قادره احكى لكم احساسى ساعتها كنت هعيط لانى مش هعرف ارجع البيت
وهخاف اوقف حتى تاكسى هناك

هما معرفوش يساعدونى افتح العربيه لكن لفتوا انتباهى ازاى ممكن افتح العربيه من السنتر وفعلا حاولت لوحدى واتفتحت عربيتى ورجعت الببيت الحمد لله


من توكل على الله... كفـــــــــــــــــــــــ ـــاه

بحاول اساعد اى حد كبير فىالسن راجل او ست ، بشرط ان نكون فى مكان عام، ولو مكنا فاضى اطمن ان المساحة حواليا مكشوفة ومفيش حد مستخبى وبيكون افضل لو معايا حد، اما لو واحدة صغيرة وحلوة ففى الغالب مبحاولش اعرض اى مساعدة لانى واثق ان فيه مليون واحد غيرى هيساعدوها، والله الغنى عن الثواب اللى يجيلى متغلف بشتيمة وللا بصة ألاطة

سواء راجل او ست بعرض المساعده واخر موقف حصلي ان لاقيت راجل كبير

عربيته كانت غرزه فى الرمل والناس بتشيل العربيه ومش عارفه تخرجه ركنت ونزلت

شلتله الرمل من حوالين الكاوتش اللى غارز وطلعته الحمدلله بس اهم حاجه

محدش تتاكد انها مش كمين للسرقه لقدر الله

انا فاكر مرة كنت مسافر الاسكندرية الصبح بدري و كان معايا صديق و كان هو اللي سايق لان العربية كانت لسه جديدة و قابلنا رجل كبير واقف في الطريق و معاه زوجته و شاور لنا و كان معاه جركن فتوقفنا له و وصلناه لاقرب محطة بنزين

لكن بصراحة دلوقتي باتردد كتير اوي اقف لحد خصوصا من اللي بنسمعه و نقرأه في الجرايد

بصراحة احنا في زمن صعب تعمل فيه الخير لان من الممكن ان يكون مقابل هذا الخير هو حياتك نفسها