الموضوع: ماذا نفعل عندما نري سيارة عطلانة و تقودها واحدة ست ؟؟

المشاركة الأصلية كتبت بواسطة lada2010

انا هسال اللى عمل الموضوع دا سؤال لو انت ماشى فى الطريق والعربية اتعطلت منك وفى واحدة ماشية بعربياتها هتقف لك الاجابة لا هم بدام عايزين مساواة يباق يستحملوا ولا رحمة معاهم لكن حركاتهم كلهم الا بيعملوها لا تمشى مع مبدا المساواة وتحرير المراة

معلش هو سؤال بس
الست هاتنزل تساعده تعمله ايه؟
تنزل تفكله الكاوتش ولا تزق العربية ولا تفتح الكبوت وتشوف العطل منين بالظبط؟
اصل معظم الستات لاتفهم في الميكانيكا ولا عندها القدرة العضلية إنها تزق العربية ولا تقطرها حتى خصوصاً لو مقطرتش حد قبل كده اكيد الموضوع مش هايكون سهل عليها
الموضوع مالوش دعوة بالمساواة ولا حرية المرأة
ده له علاقة بالشهامة والرجولة والنخوة وقبل ده كله عمل خير وثواب يكتب في صحيفته يوم القيامة

وبعدين الراجل لو عربيته عطلت ممكن يبقي عنده مليون طريقة يتصرف بيها سواء يعرف العطل منين ويصلحه بنفسه أو لو قفلت معاه خالص هايقفل على نفسه العربية لحد مالنهار يطلع ولا يركن عربيته وينزل ياخد تاكسي من اي حتة حتى لو الصحراوي مش هايخاف زي البنت برده
لكن لو بنت ولا ست هاتبقي محتاسة وخايفة ومرعوبة وفي امس الحاجة لإن حد يساعدها فعلا.
وبعدين ياريت ياجماعة نحط اخواتنا وبناتنا وزوجاتنا في نفس الموقف ونشوف هل نتمني الناس تساعدهم فعلا ولا يسيبوهم معرضين لكل انواع الخطر بالشكل ده؟

غالبا مش حاقف خصوصا لو الطريق فاضى و الدنيا ليل و لو وقفت مش حانزل و الكلام حايكون من جوه العربية و أخري انى حاطلبلها ونش انقاذ و امشى لما يوصل الونش

صحيح الموضوع في مجازفة والدنيا بقت وحشة والناس اوحش والامان ضاع
بس تخيل ان البنت او الست دي من اهلك يبقه ايه رأيك
وعموما انا ضد ان البنت تخرج بعربيتها باليل في اماكن مقطوعه
لكن احيانا تحصل ظروف وتكون مضطرة

وحصلت لي مرة توهت ودخلت منطقه مقطوعه والله مشفتش فيها لا بيت ولا معالم مدينة نهائي وكنت هموت من الرعب وبدأت اتوتر ومش عارفه اتحكم بالعربية و مش لاقيه حد اسأله ولما بلاقي حد بيكونوا مجموعة شباب شكلهم مريب

وسبحان الله معرفش ازاي لقيت بعد كدة واحد وزوجته وابنهم ومعرفش كانوا بيتمشوا في المنطقة دي بيعملوا ايه
صحيح ربنا رؤوف بعباده