ماذا نفعل عندما نري سيارة عطلانة و تقودها واحدة ست ؟؟

**Eng.Osama.Afifi** · 25-02-2009 07:38 AM

لو مكنتش مستعجل أو تعبان بعرض مساعدتي سواء كانت راجل أو ست

الإتنين عندي سواء والأفضلية لكبر السن على شان ماتفهمش غلط

**MohaMed_Refaat** · 25-02-2009 11:40 AM

المشاركة الأصلية كتبت بواسطة sniper_man2008

والله يا اخ موووودي انا شايف ان انت اوفر شويتين يعني لازم تبقى حلوه عشان توقف جنبها يعني لو وحشه مش حتوقف مع اني انا اعرف انك حلوه او وحشه حتوقف جنبها في جميع الاحوال لان ما تاخذنيش يعني شكلك يقول كده

NON OF UR BUSINESS OVER OR NOT U R NOT A JUDGE
U DON'T EVEN WRITE UR COMMENT ON THE TOPIC
IT'S MY Opinion & LIFE STYLE
I'II N'T REPLY U
THANKS

**lada2010** · 25-02-2009 11:58 AM

المشاركة الأصلية كتبت بواسطة SE_coralsea

في واحد صاحبي كان هايخسر حياته زي ماخسر عربيته اللانسر الشارك الجديدة علشان وقف لواحدة حلوة و شكلها باين عليه محترم كانت عربيتها الفكترا (المسروقة) و الي الأن مش لاقيين العربية و لا حتي في الخردة

شوفتم كلامى صح ازى انتم مش عارفين الدنيا دلوقتى باقة غابة بسبب افعال الناس تصدقوا كان فى مرة فى ميكروباص بتاع حلوان واحد صاحبى راجع من الشغل هو الواد مخلص شوية وجانبة واحدة قعدة جانبة فى الميكروباص وكل شوية تيجى ناحية شوية شوية فى الكنبة لدرجة ان الواد قعد يزحح نفسة وجاءت عند منطقة شق التعبان وعملت نفسها اغمى عليها وقعدت تقول لة فى ودنة يلى ننزل مع بعض ان ودا راح مغير وضعة فى الميكروباص وركب فى الكنبة اللى وراء والانسة طبعا راحت فاقت اول ما مشى وبعدين يارجالة لة تركنا الستات يعملوا اللى هم عايزينة ان ممكن اساعد واحدة لو كبيرة فى السن لكن الصغيرين فى السن لا

**EZABY** · 27-02-2009 02:44 AM

على حسب المكان يعني لو على طريق او في حته فاضيه هقفلها طبعا
لكن لو في وسط البلد مبقفش لأي واحده
لأنها هتلاقي مليون واحد يقفلها وبحاول أوجه مجهودي لراجل كبير في نفس الموقف لأنه مش هيلاقي كتير يقفوا يساعدوه او لسواق تاكسي عشان ده اكل عيشه

**sniper_man2008** · 27-02-2009 05:10 AM

المشاركة الأصلية كتبت بواسطة mooody2007

NON OF UR BUSINESS OVER OR NOT U R NOT A JUDGE
U DON'T EVEN WRITE UR COMMENT ON THE TOPIC
IT'S MY Opinion & LIFE STYLE
I'II N'T REPLY U
THANKS

ما تعصبش نفسك اوي كده يا مودي باشا انا بهزر معاك بس مش اكتر وبعدين يا باشا كل واحد متاحله هنا انه يعلق على المواضيع وعلى جميع التعليقات وانا كنت شايف انك اوفر شويه في تعليقك وعادي بعبر عن راي في تعليقك ده كامل حقي اما بالنسبه لتعليقي على الموضوع فالمفروض انه زوقيا لازم انزل اساعدها لو واحده ست عربيتها عطلت وعلى فكره يا موودي باشا انا ما يهمنيش ترد عليه ولا لا ما تفرقش كتير يا باشا

**mrghost** · 27-02-2009 06:35 AM

المشاركة الأصلية كتبت بواسطة BiZaHoLiC

و الله هو سواء راجل او ست انا بقف لو على طريق سفر او مثلا على طريق الاوتوستراد

لان ممكن اى حد يتعرض فينا للموقف ده و بيحتاج اللى يساعده و فى الفضا ده الواحد بيكون محتاس و طلعان عينه

و ساعة لما بعمل الموقف ده ببقى عامله لوجه الله فمش بيبقى فارق معايا اللى ممكن يحصلى بعد كده

وانا مع حضرتك

**Samir Elshahawy** · 27-02-2009 09:43 AM

المشاركة الأصلية كتبت بواسطة نور القمر

صحيح الموضوع في مجازفة والدنيا بقت وحشة والناس اوحش والامان ضاع
بس تخيل ان البنت او الست دي من اهلك يبقه ايه رأيك
وعموما انا ضد ان البنت تخرج بعربيتها باليل في اماكن مقطوعه
لكن احيانا تحصل ظروف وتكون مضطرة

وحصلت لي مرة توهت ودخلت منطقه مقطوعه والله مشفتش فيها لا بيت ولا معالم مدينة نهائي وكنت هموت من الرعب وبدأت اتوتر ومش عارفه اتحكم بالعربية و مش لاقيه حد اسأله ولما بلاقي حد بيكونوا مجموعة شباب شكلهم مريب

وسبحان الله معرفش ازاي لقيت بعد كدة واحد وزوجته وابنهم ومعرفش كانوا بيتمشوا في المنطقة دي بيعملوا ايه
صحيح ربنا رؤوف بعباده

ماهو الواحد بيبقي نفسه يقف لأي حد محتاج مساعدة بس برضه الزمن اللي أحنا فيه بقي صعب و يخوف

يعني من كام يوم كنت راجع بالليل من السويس و المطر كان نازل بغزارة علي الطريق و وجدت عربية لانوس علي شمال الطريق و شكلها أتزحلقت بس صاحبها كان واضح أنه بحالة كويسة , بصراحة كنت عايز أقف و أساعده بس الطريق ده يخوف و قلت أكيد حد من بتوع النقل هايقف له

**merosss** · 27-02-2009 12:52 PM

انا مرة شفت عربية عطلانة على الكورنيش وواحدة بنت وتقريبا معاها والدتها عند مدخل المعادى كدا ولقيت ظابط نقيب ومعاة امين شرطة فاتحين الكبوت وبيساعد يعنى