رخصتي الأول و لا رخصة السيارة الأول

سلامي و أحترامي للجميع أنا منضم جديد للمنتدى و لي عظيم الشرف أرجوكم أنا عندي استفسار مهم جدا أنا اشتريت سيارة 128 و نقلت ملكيتها في الشهر العقاري المهم رخصتها انتهت في 12/10/2014 و إلى الآن لم أجدد الرخصة كما أنني لا أحمل رخصة قيادة أنا حاسس اني وقعت نفسي في ورطة لأني مش عارف أعمل ايه و أطلع رخصتي أنا الأول و لا أجدد رخصة العربية الأول و في الحالتين لو رحت أجدد رخصة السيارة و لجنة مرور قابلتني و أنا رايح إيه الحل سواء كان معايا رخصة القيادة في ذلك الوقت أو مش معايا أرجوكم حد يدلني لأني بجد محتار و لحد دلوقت خايف أروح أجدد رخصة العربية

بص يا باشا حضرتك هتطلع رخصة قيادة الاول وبعد كدة تجدد عادى رخصة العربية وغالبا بتروح المرور بدرى الصبح ونادرا ما تجد لجنة وخلى باللك لو لجنة وقفتك ولاقت رخصة العربية منتهية هتتسحب وسعتها الحوار هيكون كبير

مشوار المرور واحد ... وانت رايح تجدد رخصة العربية ابقي طلع رخصتك

:S_thum1[1]::x1[1]: ألف شكر يا جماعة على اهتمامكم و الرد على استفساري بس ياريت لو حد يعرف غرامة التأخير إللي ممكن أدفعها أد إيه لأن الرخصة كان أخرها 12/10/2014 و مصاريف تجديد الرخصة لمدة سنة مع العلم إن العربية داخلة فحص العربية 128 موديل 88 الموتور 1300cc و آسف إذا كنت أثقلت عليكم عذرًا لأني لسة جديد في الحورات دي و دي أول عربية أشتريها و لكم جزيل الشكر:bye2::bye2::bye2:

غرامة التاخير بتكون بزيادة التلت
يعنى لو الضريبه 150 فى السنة تلتهم 50
يبقى المجموع 200
والتأمين الاجبارى تقريبا زيهم بيتحسب التلت

ألف شكر يا جماعة على اهتمامكم]

سؤال

هو انا لو مأمن على العربية باختياري هل هتزيد الضريبة و انا بطلع رخصة العربية

اقتباس:

---

المشاركة الأصلية كتبت بواسطة mahmoud_lutfi

سؤال

هو انا لو مأمن على العربية باختياري هل هتزيد الضريبة و انا بطلع رخصة العربية

---

دى اسمها غرامة تأخير
يعنى بيتم تطبيقا فى حالة التأخير فى تجديد الرخصة فى معادها
بيكون معاك 30 يوم سماح من تاريخ انتهاء الرخصة وبعدها بتم تطبيق الغرامة

ولعلمك الضرية اهم بانسبة للمرور من التأمين
كان عندى عربيه متأخر عليها سنين ورحت رفعتها من الخدمة دفعت الضريبة
ومدفعتش تامين نهائى

الرخصتين مع بعض ان شاء الله موش فارقة كتير

اقتباس:

---

المشاركة الأصلية كتبت بواسطة الحمادوى

دى اسمها غرامة تأخير
يعنى بيتم تطبيقا فى حالة التأخير فى تجديد الرخصة فى معادها
بيكون معاك 30 يوم سماح من تاريخ انتهاء الرخصة وبعدها بتم تطبيق الغرامة

ولعلمك الضرية اهم بانسبة للمرور من التأمين
كان عندى عربيه متأخر عليها سنين ورحت رفعتها من الخدمة دفعت الضريبة
ومدفعتش تامين نهائى

---

حضرتك مش فاهمني

العربية لسه جديدة و اول مرة هرخص

اقتباس:

---

المشاركة الأصلية كتبت بواسطة mahmoud_lutfi

حضرتك مش فاهمني

العربية لسه جديدة و اول مرة هرخص

---

كل حاجة فى المرور لها فترة صلاحية
حضرتك معندكش رخصة عربيه اصلا يبقى هتدفع غرامة على ايه

وبخصوص التامين اعتقد لو عدى عليه 30 يوم يروح عليك
مش متأكد من النقطة دى


اسأل فى المرور او حد موظف فى التأمينات

المرور اليومين دول عامل سبع رجاله في بعض

توقيفك بدون رخصة قيادة فيها سنة حبس ..ولو معاك رخصة لكن نسيتها في البيت وأرسلت حد يجيبها بتعمل مصالحه ب 300 جنيه

ضيف على كده رخصة العربية المنتهية ..ممكن العربيه تروح منك بكش في أونطه وتخش منك حضانه وحضرتك بعد الشر عنك تخش السجن ..يعني العربيه وصاحبها ربنا يعافيك راحوا في حديد ..

طيب وليه الكعبله دي ..ما تعمل رخصتك الخاصه الأول ..ومش مهم رخصة العربيه يا سيدي ..يعني مش مهم تدفع تلت ضريبة وتأمين زيادة بعد كده ..بس المهم تخلص رخصتك ..وإنت رايح المرور بقى بعربينك ..ورخصتك الخاصة في جيبك ..ورخصة العربية المنتهية في جيبك التاني ..قابلتك لجنه ..وقفتك ..وده على أسوأ إحتمال ..هتطلع رخصتك الخاصه الساريه ..كده إنت براءه ..ولو إتسألت عن رخصة العربيه المنتهية ..عادي ..هتطلعها ..هتتسحب منك الرخصة ..كل الغلبة بقى اللي هتدخل فيها إنك هتروح تجدد رخصة بالوصل وده بعد وصول رخصة العربية في المرور


آه ..قبل ما أنسى ..سبب الكعبلة دي كلها حضرتك ..لإن حضرتك اللي إنتظرت لغاية الرخصة بتاعة العربية ما إنتهت وسيبت نفسك من غير رخصة قيادة خاصة ..فعشان كده أنا بتبنى فكرة الأولويات في الأطروحات بتاعتي

ألف شكر ردك أثلج صدري و أنا بالفعل أنهيت إجراءات استخراج رخصتي الخاصة و منتظر ميعاد الامتحان أنت طمنتيني لما عرفت منك إني حتى لو ماشي برخصتي أنا بس رخصة السيارة هتتسحب و أجدد بالوصل المهم إني بعدت عن موضوع السجن ده خالص أفادكم الله و بارك الله فيك:x1[1]::x1[1]::x1[1]::x1[1]::x1[1]::x1[1]::tumb::tumb::tumb::tumb:

اقتباس:

---

المشاركة الأصلية كتبت بواسطة m_m_sh_a

المرور اليومين دول عامل سبع رجاله في بعض

توقيفك بدون رخصة قيادة فيها سنة حبس ..ولو معاك رخصة لكن نسيتها في البيت وأرسلت حد يجيبها بتعمل مصالحه ب 300 جنيه

ضيف على كده رخصة العربية المنتهية ..ممكن العربيه تروح منك بكش في أونطه وتخش منك حضانه وحضرتك بعد الشر عنك تخش السجن ..يعني العربيه وصاحبها ربنا يعافيك راحوا في حديد ..

طيب وليه الكعبله دي ..ما تعمل رخصتك الخاصه الأول ..ومش مهم رخصة العربيه يا سيدي ..يعني مش مهم تدفع تلت ضريبة وتأمين زيادة بعد كده ..بس المهم تخلص رخصتك ..وإنت رايح المرور بقى بعربينك ..ورخصتك الخاصة في جيبك ..ورخصة العربية المنتهية في جيبك التاني ..قابلتك لجنه ..وقفتك ..وده على أسوأ إحتمال ..هتطلع رخصتك الخاصه الساريه ..كده إنت براءه ..ولو إتسألت عن رخصة العربيه المنتهية ..عادي ..هتطلعها ..هتتسحب منك الرخصة ..كل الغلبة بقى اللي هتدخل فيها إنك هتروح تجدد رخصة بالوصل وده بعد وصول رخصة العربية في المرور


آه ..قبل ما أنسى ..سبب الكعبلة دي كلها حضرتك ..لإن حضرتك اللي إنتظرت لغاية الرخصة بتاعة العربية ما إنتهت وسيبت نفسك من غير رخصة قيادة خاصة ..فعشان كده أنا بتبنى فكرة الأولويات في الأطروحات بتاعتي

---

أنا عند استفسار مهم جدا لقد سبق و عرضت هذا الأمر عليكم و لكن هناك تفصيلة مهمة لم أذكرها و لم أعلم مدى أهميتها و أرجو من أي عضو عنده دراية يفهمني أنا اشتريت عربية من شهر 7 الماضي 2014و راح البائع اتنازلي في الشهر العقاري دون أن أذهب معه يعني أنا لم أوقع على العقد في الشهر العقاري حتى الأن الرخصة كان لسه فيها لحد 12/10/2014 يعني حوالي 3 شهور دلوقت الرخصة انتهت طبعا احنا في شهر 12 يعني الرخصة عدا عليها أكتر من شهرين منتهية و لسه ماجددتش الرخصة حتى الان و لا ماضيت على العقد إاللي عمله البائع في الشهر العقاري ياريت حد يقولي موقفي ايه مع المرور و الشهر العقاري بالتفصيل أرجوكم

اقتباس:

---

المشاركة الأصلية كتبت بواسطة نور كمال

أنا عند استفسار مهم جدا لقد سبق و عرضت هذا الأمر عليكم و لكن هناك تفصيلة مهمة لم أذكرها و لم أعلم مدى أهميتها و أرجو من أي عضو عنده دراية يفهمني أنا اشتريت عربية من شهر 7 الماضي 2014و راح البائع اتنازلي في الشهر العقاري دون أن أذهب معه يعني أنا لم أوقع على العقد في الشهر العقاري حتى الأن الرخصة كان لسه فيها لحد 12/10/2014 يعني حوالي 3 شهور دلوقت الرخصة انتهت طبعا احنا في شهر 12 يعني الرخصة عدا عليها أكتر من شهرين منتهية و لسه ماجددتش الرخصة حتى الان و لا ماضيت على العقد إاللي عمله البائع في الشهر العقاري ياريت حد يقولي موقفي ايه مع المرور و الشهر العقاري بالتفصيل أرجوكم

---

ولا ليها أي أهمية التفصيله دي ..عادي جدا ..هي تفرق لو كان معاك توكيل بيع لنفسك ..كان الشهر العقاري هقولك هاتلي شهادة بيانات من المرور ..لكن كده إنت مش رايح ناحية الشهر العقاري ده تاني خالص بما إن إنت معاك عقد وكمان مفتوح لإنك ما مضيتش مشتري ..وصلت ؟؟

طيب تمام أوي كده بس أنا عرفت إن لما أحب أمضي على العقد عشان أروح أرخص و الرخصة تطلع بأسمي لازم أروح الشهر العقاري أمضي أدام الموثق عشان يكتب إن المشتري وقع أمامي و يختم على الكلام ده و لا أنت ليك رأي تاني و على العموم أشكرك جدا إنك رديت عليا :x1[1]::x1[1]::x1[1]::x1[1]::S_thum1[1]::S_thum1[1]::S_thum1[1]::S_thum1[1]::verygood::verygood::verygood::verygood::verygood :

والله لو صحت معلومة إنك لازم تروح الشهر العقاري عشان تقفل العقد ..يعني تمضي قدام الموظف ..يبقى لازم تجيب شهادة بيانات من المرور ...لو ما ثبتتش ..ودي أنا مش متأكد من صحتها يبقى زي ما قولتلك

تمام يا باشا بس مش كان أولى إنهم يطلبوا شهادة البيانات من البائع لما راح يتنازلي و بعدين أنا على حد علمي إن العربية حتى الآن مازالت بأسم البائع لأني مامضتش على العقد لحد دلوقت و بعدين خليني ان ما روحتش العقاري ورحت على طول للمرور من غير مامضي ايه اللي هيحصل:U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]:

أنا اشتريت سيارة 128 و نقلت ملكيتها في الشهر العقاري المهم رخصتها انتهت في 12/10/2014

السطر اللي فوق أنا ناقله من المشاركه بتاعتك ..طبعا واضح إن الرخصه وقت التنازل في الشهر العقاري كانت ساريه عشان كده الشهر العقاري ما طلبش شهادة بيانات ..
أما حكاية إنك تروح المرور من غير ما تقفل العقد في الشهر العقاري فأكيد المرور هيرجعك تاني الشهر العقاري ويقولك روح إقفل العقد في الشهر العقاري ..يعني إنت كده أو كده لازم تروح المرور عشان تطلع شهادة بيانات من المرور عشان خاطر عيون سيادة الشهر العقاري

ألف شكر و آسف إني أثقلت عليك في حاجة تانية عايز أعرفها نفسي أشد العربية برة و جوة هي عربية 128 بس مش عارف تتكلف كام أنا عايز أرشها برة و جوة و أغير لونها هي بيضا أنا عايز أرشها نبيتي بوية عادية مش ميتالك عايز كمان أشدها من جوة تنجيد و لزق الدواسة و الشنطة بأي حاجة نظيفة غير الموكيت و قبل ده كله عايز أعملها عزل للدواسة كلها و الكبوت بتاع الموتور باللباد الحراري ياريت حد يقولي الليلة دي تتكلف كام بالتقريب و كمان عايز أعرف إيه أفضل نوع ميه خضرة أحطها في الريداتير

هو فيه تصريح قيادة لسن ١٧ سنة في مصر ؟ و لو فيه ايه الشروط او الاجراءات و ارجو الرد ضروري.