الموضوع: اعصااابي تعبت

المشاركة الأصلية كتبت بواسطة ascom

وانا بدور على عربيه مرسيدس اشتريها
لقيت عربيه شبح موديل 95 تعبت اعصاااابي
وكانت معروضه ب150 الف جنيه
بس طبعا انا مش حقدر على السعر ده لان امكانياتي 110 الف وبالعافيه
بس السؤال هنا لو ربنا كرمني واشتريت c180 موديل 2002 بسعر مقارب لامكانياتي هل ممكن اركب الاوبشن اللي شفته في الشبح زي ( ستائر كهرباء - جهاز شفط الروائح - اباجورات في المرايات الخلفيه والاعتاب )
ويعني ايه ميموري كراسي عشان مش فاهمها وابواب شفط ؟؟؟؟؟
العربيه على اللينك ده
https://egypt.dubizzle.com/ar/cars/m...xzzszwywdlptiw

بلنسبة لميمورى الكراسى :
الكراسى كهربا وفيها زرارير لتعديل وضع القاعدة والظهر ومدى قرب الكرسى للأمام أو الخلف وأول مابتبطل العربية الكرسى بيرجع لورا هى والظهر علشان تعرف تطلع ولما تركب وتدور العربية الكراسى بتاخد الوضع إللى إنت ظابطها عليه (مبرمجها ) يعنى إنت المفروض تبرمج الكرسى حسب راحتك وتسجل البرنامج ولما تبطل وتيجى تركب العربية و تدور حتلاقى الكرسى أخد الوضع إللى إنت ظابطه عليه وممكن برمجة الكرسى عدة برامج لو فيه كذا واحد بيسوقوا العربية.
بالنسبة للأبواب الشفط :
لما تقفل اى باب تقفله بشويش جداً وهو حايكمل قفل لوحده لما العربية تتحرك عن طريق مواتير بتشد الباب وتحكم غلقه وهما ٥ مواتير خاصين بالأبواب والشنطة الخلفية. بس الأوبشن ده مش بيعمر كتير لأن لما تقفل الباب عادى مش بيشتغل وطبعاً إنت عربيتك ممكن تستعملها كويس ولكن الناس اللى بتركب معاك حايقفلوا الابواب عادى طبعاً ويمكن يرزعوه (وده ممكن ياثر على نظام الشفط) وإلا حاتضطر تدى محاضرة للناس قبل قفل الابواب ... فيه ناس كتير بتلغيه من الفيوزات ومريحين نفسهم.
بالنسبة للتعديلات والإضافات لايمكن تركب اى حاجه إلا لو ليها توصيلة كهربا ومفتاح خاص بيها بيبقى بعض مصنعى السيارات عاملين حسابهم انك ممكن تركب حاجه بس لو مش معمول حسابهم يبقى مينفعش تركب حاجه زيادة ....وحاول تسأل الشركة عن امكانية تركيب الحاجات دى.