مؤشر الار بى ام عالى علطول

**MoMohsen** · 31-10-2008 04:28 PM

انا من فترة كدة بدأت الاحظ ان العربية الصبح بيبقى مؤشر الار بى ام عالى و بعد ما تسخن بيرجع طبيعى بس المشكلة ان دلوقتى بيفضل عالى علطول وصوت الموتور مرتفع حتى لو مشيت بيها مشوار كبير و دة طبعا معلى معدل استهلاك البنزين اوى يعنى بتعمل 170 كم/الصفيحة .فيا ترى ممكن تكون ايه المشكلة؟

**mrghost** · 31-10-2008 07:20 PM

اكيد كده فى مشكله فى السخان اللى بيعلى البنزين لما العربيه تكون بارده وده معناه انو مش بيفصل وكأنك دايس بنزين علطول وبالتالى لازم يزيد ااستهلاك البنزين وعموما اى ميكانيكىة لليابانى طبعا ان شاء الله يعمله وهو عندنا فى الفيات بيكون الزئبق اللى فى الكربراتير اللى بيحس بدرجة الحراره هو السبب انما فى اليابانى مش عارف بصراحه ايه السبب بس هو كده السخان اللى فيه المشكله

**MoMohsen** · 31-10-2008 08:00 PM

جوست باشا ازيك يا كبير...هى المشكله معايا فى العربيه الكيا مش اللانسر و لو كانت المشكلة حوار الزئبق دة بيبقى حلها اية؟

**hoza** · 01-11-2008 12:42 AM

خلي بالك دة ممكن يكون عيب من اسطوانة الدبرياج
اصل الحكاية دي برده حصلت معايا وكان الrpm يعلي جامد وصوت الموتور عالي

01-11-2008 12:56 AM

المشاركة الأصلية كتبت بواسطة MoMohsen

انا من فترة كدة بدأت الاحظ ان العربية الصبح بيبقى مؤشر الار بى ام عالى و بعد ما تسخن بيرجع طبيعى بس المشكلة ان دلوقتى بيفضل عالى علطول وصوت الموتور مرتفع حتى لو مشيت بيها مشوار كبير و دة طبعا معلى معدل استهلاك البنزين اوى يعنى بتعمل 170 كم/الصفيحة .فيا ترى ممكن تكون ايه المشكلة؟

mohammed habiby
miss u bro
.....
check
1-carburetor choke
2-acceleration cable
3-DISTRIBUTOR angle

regards bro

المشاركة الأصلية كتبت بواسطة hoza

خلي بالك دة ممكن يكون عيب من اسطوانة الدبرياج
اصل الحكاية دي برده حصلت معايا وكان الrpm يعلي جامد وصوت الموتور عالي

not in idle mode

**MoMohsen** · 01-11-2008 01:33 AM

hany basha wa7shny walahy ,thanx habeeby for advice but i don't think it's related to acceleration cable coz it sometimes going normal and , may be it's something in the carburetor

**ahmedfouad** · 01-11-2008 01:45 AM

مستر بيجو الطائر
انا بصراحة ببقا سعيد بمشاركاتك وبحبك والله
بس ليه الانجليزى انت معاك ناس لسة بتبصم والله
يأما حد يترجم لنا يا جماعة
ومش عايز كل ما تكتب حاجة ابعت واسألك يعنى ايه؟
مش عايز اتعبك يا باشا

**ahmedfouad** · 01-11-2008 01:49 AM

يا باشا مشكلتك من الاخر فى حاجتين
اما باب الكربراتير اللى تحت عايز نظافة ومعلق=حصلت معايا قبل كدة=بس ال rbm كان على 4000 لفة
او شوف خرطوم فاكيوم كدة يكون مسدود او مفكوك
ويا رب المشكلة تتحل فى اقرب فرصة

**mrghost** · 01-11-2008 05:26 AM

المشاركة الأصلية كتبت بواسطة MoMohsen

جوست باشا ازيك يا كبير...هى المشكله معايا فى العربيه الكيا مش اللانسر و لو كانت المشكلة حوار الزئبق دة بيبقى حلها اية؟

الله يسلمك ياباشا الحمد لله كويس
بص ياباشا ساعات بيكون الزئبق نشف او دخل عليه بنزين او كده يعنى فالميكانيكى بيفك الكربراتير وبيعرف وهى بسيطه ان شاء الله مش هتاخد نص ساعه بالظبط كانت حصلت معايا الحكايه دى فى عربيه 132 وكانت وهى واقفه تلاقى الار بى ام عمال يعلى ويوطى لوحده وفى الاخر طلعت المشكله فى الزئبق اللى فى الكربراتير فروح لاى ميكانيكى وهو يفكه وتتحل بأذن الله وياريت تقولنا بعد ماتعملها ان شاء الله