مشكلة الصوت في التحديث الجديد للآيفون 8.1.1 وكيفية حلها

السلام عليكم ورحمة الله
واجهتني النهاردة مشكلة في الآيفون إن لما حد بيتصل بيا أو بتصل بحد مكنش بيسمعني وأنا مش بسمعه برده إلا لو فتحت السبيكر بسمعه لكن هو برده مش بيسمعني
طبعا بعد محاولات عديدة وبحث على الإنترنت وعمل reset للجهاز واستعادة ضبط المصنع بدون أي فائدة توقعت إن المشكلة ممكن تكون من التحديث الجديد
فعملت downgrade ونزلت التحديث قبل الأخير 8.1 واستبدلته ب8.1.1 والحمد لله لقيت المشكلة اتحلت والصوت اشتغل
لو واجهتك المشكلة دي هتعمل الآتي لحد ما الشركة تنزلنا تحديث يحل المشكلة
هتنزل ملف ios 8.1 من الرابط ده (مساحته 2.2 جيجا)
https://ipsw.me/all
وهتعمل زي ما في الشرح ده
https://www.youtube.com/watch?v=jTzEMf92k2k
ومبروك حل المشكلة :)
وشكرا

بقالي كام يوم عايز احدث ل ios 8 بس متردد من اللي بقراه من مشاكل فيه

ايه رأيك فيه يا ابو اسر ؟ يستاهل اضحي بالجيلبريك ؟

اقتباس:

---

المشاركة الأصلية كتبت بواسطة M!SHO

بقالي كام يوم عايز احدث ل ios 8 بس متردد من اللي بقراه من مشاكل فيه

ايه رأيك فيه يا ابو اسر ؟ يستاهل اضحي بالجيلبريك ؟

---

رأيي استنى شوية لأن في ناس بتشتكي من مشاكل وأنا نفسي مريت بمشكلة الصوت دي على الرغم من إني محدث آخر تحديث
بس لو حتى حبيت تحدث فيوجد Jailbreak نزل للنسخة 8.1.1 بس لسة مش موثوق تماما
راجع المقال ده
The Complete Guide To Jailbreak iOS 8.1.1 | الدليل الكامل لعمل جيلبريك iOS 8.1.1
وراجع ده لمزايا الios 8.1.1 شوف هتفرق معاك ولا تخليك لما النسخة تستقر
List Of iOS 8 Features Part 1 | الجزء الأول من قائمة مزايا آي أو إس 8
List Of iOS 8 Features Part 2 | الجزء الثاني من قائمة مزايا آي أو إس 8

معملش معايا المشكله دي
هي عامه ولا فرديه ؟؟
وموديل جهازك ايه ؟

اقتباس:

---

المشاركة الأصلية كتبت بواسطة SHNORY

معملش معايا المشكله دي
هي عامه ولا فرديه ؟؟
وموديل جهازك ايه ؟

---

شكلها فردية يا شنوري
جهازي 6 Plus
العجيب بقى إني بعد ما عملت Downgrade عملت Restore للـ Backup اللي كنت مسيفه بس معملتش Update للتحديث الأخير ، فبعد ما عملت Restore لقيت المشكلة رجعت تاني :36_2_49[1]:
عملت Install للتحديث الأخير 8.1.1 لقيت المشكلة اتحلت :crashcomputer3:
ودنك منين يا جحا !
ربنا يستر بقى ومترجعش تاني

المشكلة رجعت تاني :Copy of majd(4):

روح ارميه في وشهم
العيب ده كان بيحصل في ال4
اول ما ياخد سوفت وير يشتغل زي الفل
اول ما تركب الهاند فري المايك يفصل
ودا كان عيب من اي سي الصوت او من البروسيسور مش فاكر لانه معداش عليا غير مرتين
صديق ليا اشتري ايفون 6 او 6بلس مش فاكر
وتاني يوم الواي فاي باظ والجهاز بقي يدله شاشه حمرا
راح غيره بواحد تاني

اقتباس:

---

المشاركة الأصلية كتبت بواسطة SHNORY

روح ارميه في وشهم
العيب ده كان بيحصل في ال4
اول ما ياخد سوفت وير يشتغل زي الفل
اول ما تركب الهاند فري المايك يفصل
ودا كان عيب من اي سي الصوت او من البروسيسور مش فاكر لانه معداش عليا غير مرتين
صديق ليا اشتري ايفون 6 او 6بلس مش فاكر
وتاني يوم الواي فاي باظ والجهاز بقي يدله شاشه حمرا
راح غيره بواحد تاني

---

يعني دي مشكلة هاردوير ؟!
المشكلة ان الجهاز واحد حبيبي جبهولي من الإمارات يعني علشان ياخده ويروح ويرجعوا ويجبلي واحد تاني فيها أسابيع وأنا كمان مش عايز أتقل عليه
أنا هعمل Downgrade تاني ومش هعمل restore للـ backup لما نشوف آخرتها

جرب الهاند فري طيب دلوقتي وقولي الاخبار

اقتباس:

---

المشاركة الأصلية كتبت بواسطة shnory

جرب الهاند فري طيب دلوقتي وقولي الاخبار

---

أنا مش بستعمل الهاندفري خالص المشكلة ملهاش علاقة بيه
أنا دلوقتي عمل دونجريد للنسخة 8.1 وعملت ريسيت للجهاز ورجعته زي أول ما جه واشتغل تمام
هل المشكلة هتروح لو معملتش تحديث لحد ما ينزلوا تحديث جديد ولا ممكن تكون المشكلة مشكلة تطبيق مثلا من اللي بينزلوا فحتى لو معملتش تحديث ونزلت نفس التطبيقات اللي كنت بنزلها هترجع تاني ؟

انا قصدي تجرب الهاند علشان نعرف العيب منين
حاجه بتقفل السماعه والمايك ولا بتقفل اي سي الصوت
لو بتقفل السماعه والمايك بس يبقي الهاند فري حيشتغل عادي
بخصوص البرامج مع اني بستبعدها
بس حتنزل برنامج برنامج وتجرب
وتشوف بيفصل مع انهي واحد

عملت ريسيت دلوقتي تاني ونزلت التحديث قبل الأخير والتحديث الجديد عمل دونلود لكن معملتلوش install والمشكلة راحت وجربت الهاندفري لقيتها شغالة برده مفيش مشكلة
مش عارف بقى ايه اللي بيسبب المشكلة
هجرب انزل التطبيقات واحد واحد واحاول اعرف السبب

أعتقد المشكله سوفت وير

حصلت معايا مره زمان ايام ال 4s ولما عملت ريستور اختفت ، وقعد معايا سنه بعدها زي الفل

عملت ريستارت لقيت المشكلة رجعت !!
هعمل install للتحديث الجديد وغالبا المشكلة هتتحل بس هترجع تاني
كده أعتقد الجهاز ملوش حل غير إنه يرجع بلا قرف

اقتباس:

---

المشاركة الأصلية كتبت بواسطة m!sho

أعتقد المشكله سوفت وير

حصلت معايا مره زمان ايام ال 4s ولما عملت ريستور اختفت ، وقعد معايا سنه بعدها زي الفل

---

لو سوفتوير كانت اتحلت يا إما مع التحديث قبل الأخير يا إما مع التحديث الأخير
لكن اللي بيحصل انها بتتحل كل ما بغير التحديث وبترجع تاني مع التحديثين
اللي مستغربله إني مش لاقي أي حد بيشتكي من المشكلة دي بالذات حتى على منتدى أبل نفسه ! يبدو إنها مشكلة فردية في جهازي وعوضي على الله

سؤال:
هل ينفع أعمل لجهازي downgrade لـ ios 7 ؟
ولو ينفع
إيه أفضل نسخة مستقرة ؟

اقتباس:

---

المشاركة الأصلية كتبت بواسطة أبو آسر

سؤال:
هل ينفع أعمل لجهازي downgrade لـ ios 7 ؟
ولو ينفع
إيه أفضل نسخة مستقرة ؟

---

وهو ايفون 6 كان نزله فيرجن 7 اصلا؟؟؟
الايفون مش بيتعمله داون جريد بطريقه سلميه لازم برامج وحوارات كتير وانت مش شاريه علشان تعمله داونجريد

اقتباس:

---

المشاركة الأصلية كتبت بواسطة shnory

وهو ايفون 6 كان نزله فيرجن 7 اصلا؟؟؟
الايفون مش بيتعمله داون جريد بطريقه سلميه لازم برامج وحوارات كتير وانت مش شاريه علشان تعمله داونجريد

---

لا هو نازله 8 علطول بس أنا ممكن أحمل الدونجريد بتاع 7 من موقع الشركة وأرجعه عن طريق برنامج الآيتونز زي ما بعمل بخصوص الإصدار 8.1 ولا مش هينفع أعمل دونجريد ل7 خالص ؟
ثم أنا مفيش قدامي حلول ما التحديثين 8.1 و 8.1.1 مش شغالين أهو مش يمكن يظبط مع 7 ؟ مؤقتا لحد ما ينزلوا تحديث جديد أكيد هيحلوا فيه المشكلة

اقتباس:

---

المشاركة الأصلية كتبت بواسطة أبو آسر

لا هو نازله 8 علطول بس أنا ممكن أحمل الدونجريد بتاع 7 من موقع الشركة وأرجعه عن طريق برنامج الآيتونز زي ما بعمل بخصوص الإصدار 8.1 ولا مش هينفع أعمل دونجريد ل7 خالص ؟
ثم أنا مفيش قدامي حلول ما التحديثين 8.1 و 8.1.1 مش شغالين أهو مش يمكن يظبط مع 7 ؟ مؤقتا لحد ما ينزلوا تحديث جديد أكيد هيحلوا فيه المشكلة

---

العيب في الجهاز يا باشا
اقفله شويه وافتحه حيشتغل الصوت ويفصل تاني
علي ما اظن ان فيه حاجه لما بتسخن بتفصل الصوت

اقتباس:

---

المشاركة الأصلية كتبت بواسطة أبو آسر

لا هو نازله 8 علطول بس أنا ممكن أحمل الدونجريد بتاع 7 من موقع الشركة وأرجعه عن طريق برنامج الآيتونز زي ما بعمل بخصوص الإصدار 8.1 ولا مش هينفع أعمل دونجريد ل7 خالص ؟
ثم أنا مفيش قدامي حلول ما التحديثين 8.1 و 8.1.1 مش شغالين أهو مش يمكن يظبط مع 7 ؟ مؤقتا لحد ما ينزلوا تحديث جديد أكيد هيحلوا فيه المشكلة

---

الايفون 6 السوفتوير بتاعه بيبداء من ios 8 ومفيش 7 ليه من اساسه
ده غير التوقيع الرقمي بتاع ابل مش هتقدر تتعداه لو عملت ايه

كده مفيش حل غير إرجاع الجهاز ومحاولة استبداله
أنا بحاول أوصل لحد تبع الشركة هنا ووصلت من خلال موقع أبل لرقم 08000000888 وقدمت شكوى على الموقع بس بيقفلوا الساعة 5 واتصلت قالولي لا نعمل الآن فهجرب أتصل بكرة الصبح إن شاء الله وأشوف النظام

على فكرة دلوقتي جربت تاني لقيت المايك اشتغل وجيت أتصل فلقيت صوت لغوشة جامد في السماعة الداخلية فيبدو إن كده الموضوع هاردوير رسمي
بس ياترى هيرجعوه ويجيبولي غيره ولا هيصلحوه ؟!

اقتباس:

---

المشاركة الأصلية كتبت بواسطة أبو آسر

على فكرة دلوقتي جربت تاني لقيت المايك اشتغل وجيت أتصل فلقيت صوت لغوشة جامد في السماعة الداخلية فيبدو إن كده الموضوع هاردوير رسمي
بس ياترى هيرجعوه ويجيبولي غيره ولا هيصلحوه ؟!

---

علي ما اظن حغيروه بواحد تاني

اقتباس:

---

المشاركة الأصلية كتبت بواسطة shnory

علي ما اظن حغيروه بواحد تاني

---

طيب كده لازم يرجع الإمارات للمحل اللي باعه ولا فيه وكيل هنا ممكن يغيرهولي ؟

اقتباس:

---

المشاركة الأصلية كتبت بواسطة أبو آسر

طيب كده لازم يرجع الإمارات للمحل اللي باعه ولا فيه وكيل هنا ممكن يغيرهولي ؟

---

بص خير ان شاء اللة
انا بردة شارى النوت 4 من برة بس واخد معاة ضمان سنة ومعايا الرسيت بتاع الشرا
لازم تكلم صاحبك ويكون معاة الرسيت وان شاء اللة يبدلة اصل حرام تليفون بالمبلغ دة ومايتبدلش

وسيبك من موقع ابل والكلام دة مش هايجيب نتيجة الحل فى الاستور اللى صاحبك شارى منهم

الضمان اللي معاه ايه

انا معايا 5s ضمان stc وده استبدال مفيش تصليح

اقتباس:

---

المشاركة الأصلية كتبت بواسطة mastr_n

بص خير ان شاء الله
انا بردة شارى النوت 4 من برة بس واخد معاة ضمان سنة ومعايا الرسيت بتاع الشرا
لازم تكلم صاحبك ويكون معاة الرسيت وان شاء الله يبدلة اصل حرام تليفون بالمبلغ دة ومايتبدلش

وسيبك من موقع ابل والكلام دة مش هايجيب نتيجة الحل فى الاستور اللى صاحبك شارى منهم

---

أنا كلمته فعلا وهبعتهوله ان شاء الله يحاول يبدله منهم هناك

اقتباس:

---

المشاركة الأصلية كتبت بواسطة m!sho

الضمان اللي معاه ايه

انا معايا 5s ضمان stc وده استبدال مفيش تصليح

---

مش عارف بصراحة لأن الفاتورة مش معايا بس هو هياخده مني ويوديه ليهم وان شاء الله يستبدلوه

ربنا يكتلبلك اللي فيه الخير يابو اّسر